Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
അര്‍ണാബ് ഗോസ്വാമിയെ നടുവിരല്‍ കാണിച്ചത് ശരിയോ?
രജനീകാന്തിനും രാഹുല്‍ ഗാന്ധിക്കും ശേഷം സോഷ്യല്‍ മീഡിയ സൈറ്റുകളിലും വാട്‌സ് ആപ്പ് ഗ്രൂപ്പുകളിലും പ്രചരിക്കുന്ന കഥകളിലെ നായകനാണ് അര്‍ണാബ് ഗോസ്വാമി. ചൈനയിലെ വന്‍മതിലും അര്‍ണാബിന്റെ ശബ്ദവും മാത്രമേ ചന്ദ്രനില്‍ നിന്ന് നോക്കിയാല്‍ കാണാനും കേള്‍ക്കാനും പറ്റൂ എന്നാണ് വാട്‌സാപ്പ് കഥകളിലൊന്ന്. ഇന്ത്യയിലെ ഏറ്റവും കൂടുതല്‍ കാഴ്ചക്കാരുള്ള ന്യൂസ് അവര്‍ പ്രോഗ്രാമിന്റെ അവതാരകനെ വിമര്‍ശിക്കുന്നവരും കുറവല്ല.
ചര്‍ച്ചയില്‍ പങ്കെടുക്കാന്‍ എത്തുന്നവരെ സംസാരിക്കാന്‍ സമ്മതിക്കില്ല എന്നതാണ് അര്‍ണാബിനെതിരായ ഒരു പരാതി. ആരെന്ത് പറഞ്ഞാലും ഇടയില്‍ കയറി പറയുന്ന അര്‍ണാബിനെ കളിയാക്കാനും ഉണ്ട് ഒരു വാട്‌സ് ആപ്പ് കഥ. പറയുന്നതിന് മുമ്പേ വാക്കുകള്‍ പൂരിപ്പിക്കുന്ന കാര്യത്തില്‍ അര്‍ണാബ് ഗൂഗിളിനെ കടത്തിവെട്ടും എന്നാണിത്. കാര്യങ്ങള്‍ ഇങ്ങനെയൊക്കെയാണെങ്കിലും ടൈംസ് നൗവിലെ 9 മണി ന്യൂസ് അവര്‍ വന്‍ ഹിറ്റാണ് എന്ന കാര്യത്തില്‍ സംശയമില്ല.
ആരോടും എന്ത് ചോദ്യവും ചോദിക്കാനും തട്ടിക്കയറാനും മടിയില്ലാത്ത പ്രകൃതമാണ് ന്യൂസ് അവറില്‍ അര്‍ണാബ് ഗോസ്വാമിയുടേത്. നേഷന്‍ വാണ്ട്‌സ് ടു നോ എന്ന അര്‍ണാബിന്റെ ചോദ്യവും ഏറെ പ്രശസ്തമാണ്. ആറ് ദിവസം കൊണ്ട് ഭൂമി നിര്‍മിച്ച ദൈവം തെറ്റും ശരിയും ആര് നിശ്ചയിക്കും എന്ന് കരുതി ആലോചിച്ച് അവസാനം അതിനായി അര്‍ണാബ് ഗോസ്വാമിയെ നിര്‍മിച്ചു എന്നാണ് അര്‍ണാബ് സീരിസിലെ കഥകളിലൊന്ന്.
തൃണമൂല്‍ കോണ്‍ഗ്രസ് നേതാവും പാര്‍ട്ടി വക്താവുമായ മാഹ്വ മോയിത്ര ന്യൂസ് അവറില്‍ അര്‍ണാബിനോട് നിയന്ത്രണം വിട്ട് പെരുമാറിയതാണ് ഇപ്പോള്‍ ചര്‍ച്ചയാകുന്നത്. അര്‍ണാബ് ഗോസ്വാമിയുടെ തുടര്‍ച്ചയായ ചോദ്യങ്ങളില്‍ പ്രകോപിതയായ മോയിത്ര അര്‍ണാബിനെ കള്ളം പറയുന്നവനെന്ന് വിളിക്കുകയും നടുവിരല്‍ ഉയര്‍ത്തി കാണിക്കുകയുമായിരുന്നു. ഒരു ദേശീയ ടി വി ചാനലില്‍ ഉത്തരവാദിത്തമുള്ള രാഷ്ട്രീയ നേതാവ് ഇങ്ങനെ പെരുമാറിയത് ശരിയായില്ല എന്ന് പറയുന്നവരാണ് ഏറെ. പണ്ട് ശ്രീശാന്തിന് തല്ല് കിട്ടിയപ്പോള്‍ പറഞ്ഞത് പോലെ അവനത് കിട്ടേണ്ടതായിരുന്നു എന്ന് പറയുന്നവരും ഉണ്ട് കൂട്ടത്തില്‍.
