നിങ്ങള്ക്കും ആകാം മോദീശ്വരന്... സുരേഷ് ഗോപിയ്ക്കും കാവ്യയ്ക്കും കിട്ടിയപണി!
കൊച്ചി: ഏഷ്യാനെറ്റില് ഏറ്റവും അധികം റേറ്റിംഗ് ഉള്ള പരിപാടികളില് ഒന്നാണ് 'നിങ്ങള്ക്കും ആകാം കോടീശ്വരന്'. സുരേഷ് ഗോപിയാണ് പരിപാടിയുടെ അവതാരകന്. എന്നാല് ഇപ്പോള് പറയാന് പോകുന്നത് ആ പരിപാടിയെ കുറിച്ചല്ല. സുരേഷ് ഗോപിയ്ക്ക് കിട്ടിയ പണിയെ കുറിച്ചാണ്.
'നിങ്ങള്ക്കുമാകാം മോദീശ്വരന്' എന്ന പേരില് പുറത്തിറങ്ങിയ വീഡിയോ ഇപ്പോള് യൂട്യൂബിലും ഫേസ്ബുക്കിലും വൈറല് ആയിക്കൊണ്ടിരിക്കുകയാണ്. സുരേഷ് ഗോപിയേയും കാവ്യ മാധവനേയും പരിഹസിച്ചുകൊണ്ടാണ് വീഡിയോ...
കാവ്യ മാധവനാണ് അഥിതി. ചോദ്യം എന്താണെന്നോ... ലുട്ടാപ്പിയുടെ വാഹം ഏതെന്ന്. ബെന്സ്, ബിഎംഡബ്ല്യൂ, മാരുതി 800, കുന്തം... ഇതെല്ലാം ആണ് ഓപ്ഷന്സ്. എന്നാല്കാവ്യ പറഞ്ഞതാകട്ടെ ബിഎംഡബ്ല്യൂ എന്നും.
ഒരാള് ഒറ്റയ്ക്കാണ് ഈ പരിപാടി എല്ലാം ഒപ്പിച്ചിരിക്കുന്നത്. ദേ പോയി, ദാ വന്നു തുടങ്ങിയ സുരേഷ് ഗോപിയുടെ ശൈലികളെയെല്ലാം രൂക്ഷമായാണ് പരിഹസിച്ചിരിക്കുന്നത്. അതിലും രസകരമായ സംഗതി മനോരമഓണ്ലൈന് ആണ് ഈ വീഡിയോ പുറത്ത് വിട്ടിരിക്കുന്നതെന്നതാണ്. മനോരമ ഓണ്ലൈനിന്റെ യൂട്യൂബ് ചാനലില് തന്നെയാണ് വീഡിയോ പ്രസിദ്ധപ്പെടുത്തിയിട്ടും ഉള്ളത്.