ഇന്ത്യയിലെ ഈ 5 സ്ഥലങ്ങളില് ഇന്ത്യക്കാര്ക്ക് പ്രവേശനമില്ല!
ഇന്ത്യക്കാര്ക്ക് ഇന്ത്യയില് എവിടെ വേണമെങ്കിലും പോകാനുള്ള സ്വാതന്ത്ര്യം ഉണ്ട് എന്നാണോ നിങ്ങള് കരുതിയത്. സര്ക്കാര് നിയന്ത്രണത്തിലുള്ള ഇടങ്ങള് പോകട്ടെ, ഇന്ത്യക്കാരെ കയറ്റാത്ത ഹോട്ടലുകള് വരെ നമ്മുടെ ഈ രാജ്യത്തുണ്ട് എന്നത് അറിയാമോ. ഇന്ത്യയില്, ഇന്ത്യക്കാരുടെ ഉടമസ്ഥതയിലുള്ള ഹോട്ടലുകളില് പോലുമുണ്ട് ഈ സ്ഥിതി.
വിദേശി സുഹൃത്തിനൊപ്പം ഇസ്രയേലി ഉടമസ്ഥതയിലുള്ള ഹോട്ടലില് പോയ ഇന്ത്യക്കാരനോട് വിവേചനം കാട്ടിയതോടെയാണ് ഈ കാര്യങ്ങള് പുറത്തുവന്ന് തുടങ്ങിയത് എന്ന് മാത്രം. മെംബര്മാര്ക്ക് മാത്രമേ പ്രവേശനമുള്ളൂ എന്ന് പറഞ്ഞാണ് ഹിമാചല് പ്രദേശിലെ ഹോട്ടലില് ഇന്ത്യക്കാരിയോട് വിവേചനം കാണിച്ചത്. ഈ ഹോട്ടലിന്റെ ഉടമസ്ഥന് ഒരു ഇന്ത്യക്കാരനാണ്.
ഇന്ത്യയില്, ഇന്ത്യക്കാര്ക്ക് പ്രവേശനമില്ലാത്ത 5 സ്ഥലങ്ങള് ഏതൊക്കെയെന്ന് നോക്കൂ
ഫ്രീ കാസോള് (ഹിമാചല് പ്രദേശ്)
ഹിമാചല് പ്രദേശിലെ ഫ്രീ കാസോള് എന്ന ഇസ്രയേലി ഭക്ഷണശാലയാണ് ഇപ്പോള് വിവാദത്തിന് കാരണമായിരിക്കുന്നത്. സുഹൃത്തിനൊപ്പം ഭക്ഷണം കഴിക്കാന് പോയ യുവതിയെ ആണ് ഇവര് തിരിച്ചയച്ചത്.
ഉനോ - ഇന് (ബെംഗളൂരു)
2012 ലാണ് ബെംഗളൂരുവില് ഉനോ ഇന് എന്ന ജാപ്പനീസ് ഒണ്ലി ഹോട്ടല് തുടങ്ങിയത്. ഇഷ്ടം പോലെ ചൈനീസ് ഹോട്ടലുകള് ബെംഗളൂരുവില് ഉണ്ട്. അവിടെ ഇന്ത്യക്കാര്ക്ക് വിലക്കില്ല. വംശീയ പ്രശ്നങ്ങള് ഉന്നയിച്ച് വിവാദങ്ങള് കനത്തതോടെ 2014 ല് ഈ ഹോട്ടല് പ്രവര്ത്തനം നിര്ത്തേണ്ടി വന്നു
ചെന്നൈയിലുമുണ്ട്
മുന് നവാബിന്റെ താമസസ്ഥലമായ ഈ കെട്ടിടം ചെന്നൈയിലെ തിരക്കേറിയ ഹോട്ടലാണ് ഇപ്പോള്. എന്നിരുന്നാലും ഇന്ത്യക്കാര്ക്ക് ഇവിടെ പ്രവേശനം ഇല്ല. വിദേശി പാസ്പോര്ട്ട് ഉള്ളവരെ മാത്രമേ ഹോട്ടലില് കയറ്റൂ എന്നാണ് ഈ ഹോട്ടലിനെ പറ്റി വരുന്ന റിപ്പോര്ട്ടുകള്
ഗോവയിലെ ബീച്ചുകള്
ഗോവയിലെ ചില ബീച്ചുകളില് ഉടമസ്ഥര് ഇന്ത്യക്കാരെ പ്രവേശിപ്പിക്കാറില്ല എന്നാണ് റിപ്പോര്ട്ടുകള്. വിദേശികള്ക്ക് മാത്രമുള്ള സ്ഥലങ്ങളാണത്രെ ഇവ.
പോണ്ടിച്ചേരി ബീച്ച്
പോണ്ടിച്ചേരിയിലും ഗോവയിലെ പോലെ ഇന്ത്യക്കാരെ കയറ്റാത്ത ബീച്ചുകള് ഉണ്ടെന്നാണ് അറിയുന്നത്.