കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഡിങ്കനെ കുറിച്ച്... ഡിങ്ക മതത്തെക്കുറിച്ച്.. ഡിങ്കോയിസത്തെക്കുറിച്ച് അറിയേണ്ടതെല്ലാം...!!!

Google Oneindia Malayalam News

ലോകത്തെ ഏറ്റവും പുരാതനമായ മതം എതാണ്? പലരും പല ഉത്തരങ്ങള്‍ പറയും. എത്ര പഴക്കമുള്ള മതമുണ്ടെങ്കിലും അതിലും പഴക്കമുള്ള മതമാണ് ഡിങ്കന്‍. ലോകത്തിലെ സര്‍വ്വശക്തനായ ദൈവം ഡിങ്കന്‍ മാത്രമാണ്. ആദിയും അന്തവും ഇല്ലാത്തവന്‍.

വിശുദ്ധ ബാലമംഗളം മാത്രമാണ് ലോകത്തെ ഒരേയൊരു വിശുദ്ധ ഗ്രന്ഥം. മറ്റ് മതങ്ങളുടെ ഗ്രന്ഥങ്ങളെല്ലാം കളങ്കപ്പെട്ടതാണ്. നിങ്ങള്‍ കരുതുന്നത് പോലെ ഡിങ്കന്‍ ആദ്യം പ്രത്യക്ഷപ്പെട്ടത് ബാലമംഗളത്തില്‍ അല്ല. ചിന്തിയ്ക്കുന്നവന് ദൃഷ്ടാന്തമുണ്ട്!!!

1983

1983

1983 ല്‍ ബാലമംഗളത്തിലാണ് കാര്‍ട്ടൂണ്‍ രൂപത്തില്‍ ഡിങ്കന്‍ ആദ്യമായി പ്രത്യക്ഷപ്പെടുന്നത്. സോമശേഖരന്റേയും ആര്‍ട്ടിസ്റ്റ് ബേബിയുടേയും സര്‍ഗ്ഗാത്മകതയിലൂടെയാണ് ഡിങ്കന്‍ ലോകത്തിന് മുന്നില്‍ വെളിപ്പെട്ടത്.

പങ്കിലക്കാട്

പങ്കിലക്കാട്

പങ്കിലക്കാട്ടിലെ വെറും എലിയായിരുന്നു ഡിങ്കനെന്നാണ് അന്യമതക്കാര്‍ പറഞ്ഞു നടക്കുന്നത്. അന്യഗ്രഹജീവികള്‍ തട്ടിക്കൊണ്ടുപോയി പരീക്ഷണം നടത്തിയാണ് ഡിങ്കന് അപൂര്‍വ്വ സിദ്ധികള്‍ ലഭിച്ചതെന്നും അവര്‍ പ്രചരിപ്പിയ്ക്കുന്നു.

 ധര്‍മ സംസ്ഥാപനം

ധര്‍മ സംസ്ഥാപനം

അന്യഗ്രഹ ജീവികള്‍ പരീക്ഷണത്തിന് ശേഷം ഡിങ്കനെ പങ്കിലക്കാട്ടില്‍ തന്നെ കൊണ്ടുചെന്നാക്കി. അതിന് ശേഷം ഡിങ്കന്‍ ധര്‍മ സംസ്ഥാപനം തുടങ്ങിയെന്നാണ് വിശുദ്ധ ബാലമംഗളത്തെ ഉദ്ധരിച്ച് ചിലര്‍ പറയുന്നത്. ഇതിന് പിന്നില്‍ പോലും ചില തത്പര കക്ഷികളുണ്ടെന്ന് സംശയിക്കപ്പെടേണ്ടിയിരിയ്ക്കുന്നു.

ആദ്യം കാര്‍ട്ടൂണ്‍, പിന്നെ

ആദ്യം കാര്‍ട്ടൂണ്‍, പിന്നെ

നിലവിലെ പല ദൈവങ്ങളും കുറേയേറെ കാലം ദൈവമായി വിലസിയതിന് ശേഷനമാണ് കാര്‍ട്ടൂണ്‍ കഥാപാത്രമായത്. എന്നാല്‍ ആദ്യം കാര്‍ട്ടൂണ്‍ കഥാപാത്രമായി വന്ന് ദൈവമായ റെക്കോഡും ഡിങ്കന് മാത്രം അവകാശപ്പെട്ടതാണ്.

എല്ലാ മതങ്ങള്‍ക്കും മുമ്പ്

എല്ലാ മതങ്ങള്‍ക്കും മുമ്പ്

ലോകത്ത് എല്ലാ മതങ്ങള്‍ക്കും മുമ്പ് ഉണ്ടായത് ഡിങ്ക മതമാണ്. ഡിങ്കനാണ് ഏകദൈവം.

സ്ഥലവും കാലവും

സ്ഥലവും കാലവും

ഡിങ്കന്റെ പൊട്ടിച്ചിരിയില്‍ നിന്നാണ് സ്ഥലവും കാലും ഉണ്ടായത്. ഐസ്റ്റീനൊക്കെ അതില്‍ നിന്നാണ് പഠിച്ചത്.

ഡിങ്കപുരാണത്തിലെ ശാസ്ത്രം

ഡിങ്കപുരാണത്തിലെ ശാസ്ത്രം

മനുഷ്യന്‍ സ്വന്തമാക്കിയിട്ടുള്ള എല്ലാ ശാസ്ത്ര നേട്ടങ്ങളും ഡിങ്ക പുരാണത്തില്‍ ഉള്ളതാണ്. പുതിയതായൊന്നും മനുഷ്യന് കണ്ടെത്തിയിട്ടില്ല.

 സഹിഷ്ണുതയുടെ മതം

സഹിഷ്ണുതയുടെ മതം

ലോകത്ത് സഹിഷ്ണുതയുള്ള ഒരേയൊരു മതം ഡിങ്കമതാണ്.

എല്ലാവരും ഡിങ്കമതക്കാര്‍

എല്ലാവരും ഡിങ്കമതക്കാര്‍

ലോകത്ത് എല്ലാവരും ഡിങ്കമതത്തിലാണ് ജനിയ്ക്കുന്നത്. കുട്ടികള്‍ക്ക് ആദ്യം വരുന്ന പല്ലുകള്‍ പോലും ഡിങ്കന്റേതിന് സമാനമാണ്.

അല്‍ ഡിങ്കോയിസ്റ്റും മൂഷികസേനയും

അല്‍ ഡിങ്കോയിസ്റ്റും മൂഷികസേനയും

സഹിഷ്ണുതയുടെ മതമാണെങ്കിലും ഡിങ്കനേയും ഡിങ്ക വചനങ്ങളേയും അധിക്ഷേപിയ്ക്കുന്നത് സഹിയ്ക്കാനാവില്ല. അത്തരക്കാരെ നേരിടുന്നതിനാണ് മൂഷിക സേനയും അല്# ഡിങ്കോയിസ്റ്റ് ഗ്രൂപ്പം.

 ഒളിഞ്ഞ് നോക്കില്ല

ഒളിഞ്ഞ് നോക്കില്ല

മറ്റ് മതങ്ങളില്‍ ഉള്ളതുപോലെ വ്യക്തിയുടെ സ്വകാര്യതയിലേക്കോ സ്വകാര്യജീവിതത്തിലേയ്‌ക്കോ ഡിങ്കമതം ഒളിഞ്ഞുനോക്കില്ല.

എന്താണ് വിശുദ്ധത

എന്താണ് വിശുദ്ധത

കൊച്ചുകുട്ടികളെ പോലുംപൊട്ടിച്ചിരിപ്പിയ്ക്കുന്ന എന്നതാണ് ബാലമംഗളത്തിന്റെ വിശുദ്ധത. മറ്റേത് മത് ഗ്രന്ഥത്തിന് അത് സാധിയ്ക്കുന്നുണ്ട്?

ബാലമംഗളം നിന്നാലെന്താ...

ബാലമംഗളം നിന്നാലെന്താ...

2012 ല്‍ ബാലമംഗളം പ്രസിദ്ധീകരണം നിര്‍ത്തി. എന്നാല്‍ ഇപ്പോഴും ഡിങ്കന് ഒരു മാറ്റവും ഇല്ല. ഡിങ്കനാണ് ഏകദൈവം. വന് ആദിയും അന്തവും ഇല്ല.

ശക്തരില്‍ ശക്തന്‍

ശക്തരില്‍ ശക്തന്‍

ഡിങ്കന്‍- ശക്തരില്‍ ശക്തന്‍, എതിരാളിയ്‌ക്കൊരുപോരാളി!!!

English summary
All about Dinkan and Dinkoism
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X