കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പൂതൃക്കയിലിന്‌ ജാമ്യവ്യവസ്ഥയില്‍ ഇളവനുവദിച്ചു

  • By Super
Google Oneindia Malayalam News

കൊച്ചി: അഭയ കൊലക്കേസിലെ രണ്ടാംപ്രതി ഫാദര്‍ ജോസ്‌ പൂതൃക്കയിലിന്‌ ജാമ്യവ്യവസ്ഥയില്‍ ഇളവ്‌ ലഭിച്ചു. മജിസ്‌ട്രേട്ട്‌ കോടതിയുടെ അനുമതിയില്ലാതെ താമസസ്ഥലം വിട്ടുപോകരുതെന്ന വ്യവസ്ഥയില്‍ ഒരു മാസത്തേയ്‌ക്കാണ്‌ ഹൈക്കോടതി ഇളവനുവദിച്ചിരിക്കുന്നത്‌.

കാസര്‍കോട്‌ ജില്ലയിലെ രാജപുരം പയസ്‌ ടെന്‍ത്‌ കോളെജിലെ പ്രിന്‍സിപ്പല്‍ സ്ഥാനം കൈമാറാന്‍ പോകേണ്ടതിനാല്‍ സഞ്ചാരസ്വാതന്ത്ര്യം വേണമന്ന ആവശ്യം പരിഗണിച്ചാണ്‌ ജസ്റ്റിസ്‌ വി രാംകുമാറിന്റെ ഉത്തരവ്‌.

കല്ലാര്‍പള്ളിയിലെ മുഖ്യ പുരോഹിതനാണ്‌ പൂതൃക്കയില്‍. ഈ നിലയില്‍ അവിടുത്തെ കണക്കുകള്‍ ബോധ്യപ്പെടുത്താനും മതപരമായ ചടങ്ങുകളില്‍ പങ്കെടുക്കാനും അനുവാദം നല്‍കണമെന്നും ഹര്‍ജിക്കാരന്‍ ആവശ്യപ്പെട്ടിരുന്നു. ജാമ്യവ്യവസ്ഥയില്‍ ഫോണ്‍ ചെയ്യുന്നതിനും വിലക്കുണ്ട്‌. ജനുവരി 1നാണ്‌ പൂതൃക്കയിലിന്‌ ഹൈക്കോടതി ജാമ്യം അനുവദിച്ചത്‌.

കര്‍ശനമായ ജാമ്യവ്യവസ്ഥകളില്‍ ഇളവുതേടി ഒന്നാം പ്രതി ഫാദര്‍ തോമസ്‌ കോട്ടൂര്‍, മൂന്നാം പ്രതി സിസ്റ്റര്‍ സെഫി എന്നിവരും കോടതിയെ സമീപിച്ചിട്ടുണ്ട്‌. ഇവരുടെ ഹര്‍ജികള്‍ താമസിയാതെ കോടതി പരിഗണിയ്‌ക്കും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X