അംബാനിയല്ല ഇനി ഇന്ത്യയിലെ പണക്കാരന്... അത് ദിലീപ് സംഘ് വി
മുംബൈ: ലോകത്തിലെ ഏറ്റവും വലിയ പണക്കാരില് പെടും നമ്മുടെ അംബാനി സഹോദരന്മാര്. അതില് മുകേഷ് അംബാനി ആയിരുന്നു ഇന്ത്യയിലെ ഏറ്റവും വലിയ ധനികന്.
എന്നാല് മുകേഷ് അംബാനിക്ക് ആ പേര് നിലനിര്ത്താന് കഴിഞ്ഞില്ല എന്ന് വേണം കരുതാന്. അംബാനിയെ വെട്ടിച്ച് ദിലീപ് സംഘ് വി ഇന്ത്യയിലെ ഏറ്റവും വലിയ ധനികനായി.
ആരാണ് ഈ ദിലീപ് എന്നല്ലേ... സണ് ഫാര്മയുടെ പ്രമോട്ടറാണ് ഇദ്ദേഹം. വിപണി മൂല്യത്തിന്റെ അടിസ്ഥാനത്തില് ആസ്തി കണക്കാക്കുമ്പോഴാണ് ദിലീപ് സംഘ് വി മുകേഷ് അംബാനിയെ മറികടക്കുന്നത്.
ഒന്നര ലക്ഷം കോടി രൂപയാണ് ദിലീപിന്റെ ആസ്തി. കൃത്യമായി പറഞ്ഞാല് 1.46 ലക്ഷം കോടി രൂപ. വിപണി വ്യാഴാഴ്ച ക്ലോസ് ചെയപ്പോഴുള്ള കണക്ക് പ്രകാരമാണിത്. സണ് ഫാര്മയെ കൂടാതെ അഡ്വാന്സ്ഡ് റിസര്ച്ച്, റാന്ബാക്സി ലാബ് എന്നീ കമ്പനികളിലും വലിയ ഓഹരി പങ്കാളിത്തമുള്ള കക്ഷിയാണ് ദിലീപ് സംഘ് വി.
ഇത്രനാളും ഒന്നാം സ്ഥാനത്ത് നിന്നിരുന്നു മുകേഷ് അംബാനിയുടെ ആസ്തി 1.32 ലക്ഷം കോടി രൂപയാണ്. ആസ്തിക്കണക്കില് പതിനാലായിരം കോടി രൂപയുടെ വ്യത്യാസമാണ് ഇരുവരും തമ്മിലുള്ളത്.
സംഭവം ഇങ്ങനെയാണെങ്കിലും ആഗോള കോടീശ്വരന്മാരുടെ പട്ടികയില് ദിലീപിനേക്കാള് മുകളിലാണ് അംബാനിയുടെ സ്ഥാനം. മുകേഷ് അംബാനി 33-ാം സ്ഥാനത്തും ദിലീപ് സംഘ് വി 39-ാം സ്ഥാനത്താണ്.