Click it and Unblock the Notifications
Just In
Don't Miss
-
മദ്യപിച്ച് വാഹനമോടിച്ച വ്യക്തിയെ വെറുതെവിട്ട് കോടതി, കാരണം ഓട്ടോ ബ്ര്യൂവറി സിന്ഡ്രം അഥവാ മദ്യപാന രോഗം -
ഞങ്ങളെല്ലാം നല്ല സുഹൃത്തുക്കളായിരുന്നു, പിന്നീട് പ്രശ്നങ്ങൾ; പരസ്പരം സെറ്റിൽ സംഭവിച്ചത്; ഗായത്രി -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ? -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സ്വര്‍ണം വില കൂടി, ജനുവരിയിലെ ഏറ്റവും ഉയര്‍ന്ന വില
160 രൂപ കൂടി ഒരു പവന് സ്വര്‍ണത്തിന് ചൊവ്വാഴ്ച വില 21520 രൂപയായി. ആഗോള വിപണിയിലെ വ്യതിയാനമാണ് ആഭ്യന്തര വിപണിയില്‍ സ്വര്‍ണ വില വര്‍ധിക്കാന്‍ കാരണം.
കോഴിക്കോട്: സ്വര്‍ണ വില പവന് 160 രൂപ കൂടി. ഗ്രാമിന് 20 രൂപ വര്‍ധിച്ച് 2690 രൂപയായി. ഒരു പവന് സ്വര്‍ണത്തിന് ചൊവ്വാഴ്ചത്തെ വില 21520 രൂപയാണ്. ജനുവരിയിലെ ഏറ്റവും ഉയര്‍ന്ന വിലയാണിത്.
കഴിഞ്ഞ കുറച്ച് ദിവസങ്ങളായി പവന് 21360 രൂപയായിരുന്നു. ആഗോള വിപണിയിലെ വ്യതിയാനമാണ് ആഭ്യന്തര വിപണിയില്‍ സ്വര്‍ണ വില വര്‍ധിക്കാന്‍ കാരണം. വരും ദിവസങ്ങളിലും നേരിയ വര്‍ധനവുണ്ടാകാന്‍ സാധ്യതയുണ്ടെന്നാണ് വിലയിരുത്തല്‍.
കഴിഞ്ഞ വര്‍ഷവും ഇതേ സമയം സ്വര്‍ണ വില വര്‍ധിച്ചിരുന്നു. ആഗോള വിപലിയില്‍ സ്വര്‍ണം വാങ്ങുന്നത് വര്‍ധിച്ചതിനെ തുടര്‍ന്നായിരുന്നു വില കൂടിയത്. ഈ സാഹചര്യം തന്നെയാണ് പുതുവര്‍ഷത്തിലുമുള്ളത്.
ആഗോള വിപണിയില്‍ ഡോളറിന് വില ഇടിഞ്ഞതാണ് ആളുകള്‍ സ്വര്‍ണത്തിലേക്ക് തിരിയാന്‍ കാരണം. സുരക്ഷിത നിക്ഷേപമായി എപ്പോഴും കരുതുന്നത് മഞ്ഞലോഹത്തെയാണ്. ഡോളറില്‍ വിലയിടിവും കയറ്റവും സ്വാഭാവികമാണ്. എന്നാല്‍ സുരക്ഷിതം സ്വര്‍ണമാണെന്ന് ഉപഭേക്താക്കള്‍ പറയുന്നു.
ഒരു ഔണ്‍സ് ഗോള്‍ഡിന് സിംഗപ്പൂരില്‍ 0.43 ശതമാനം വിലയാണ് വര്‍ധിച്ചത്. അമേരിക്കയില്‍ സംഭവിച്ച ഭരണമാറ്റവും സ്വര്‍ണവിലയിലെ വ്യതിയാനത്തിന് കാരണമാണ്. നിയുക്ത പ്രസിഡന്റ് ഡൊണാള്‍ഡ് ട്രംപിന്റെ പുതിയ സാമ്പത്തിക പദ്ധതികളെ ആശ്രയിച്ചിരിക്കും ഭാവിയിലെ വില വിത്യാസം.
ഇന്ത്യയില്‍ നോട്ട് നിരോധനത്തിന് ശേഷം സ്വര്‍ണവില അല്‍പ്പം കുറഞ്ഞിരുന്നു. ഒരു തവണ 23480 വരെ ഉയര്‍ന്ന ശേഷമായിരുന്നു വിലയിടിയല്‍. നോട്ട് നിരോധനത്തിന് ശേഷം സ്വര്‍ണം വാങ്ങുന്നത് നിരീക്ഷിക്കുന്നുണ്ടെന്ന റിപോര്‍ട്ടുകളും ജനങ്ങള്‍ സ്വര്‍ണം വാങ്ങുന്നതില്‍ നിന്നു പിന്തിരിയാന്‍ കാരണമായി.
