നിത അംബാനി ഏഷ്യയിലെ ശക്തയായ വ്യവസായ സംരഭക
ന്യുയോര്ക്ക്: ഏഷ്യയിലെ ശക്തയായ വ്യവസായ സംരഭകയായി റിലയന്സ് ഫൗണ്ടേഷന് ചെയര്പേഴ്സണ് നിത അംബാനി തിരഞ്ഞെടുക്കപ്പെട്ടു. അമേരിക്കന് ബിസിനസ് മാഗസിന് ആയ ഫോര്ബ്സ് ആണ് ഏഷ്യയിലെ 50 മികച്ച വ്യവസായ സംരഭകമാരില് നിന്ന് നിത അംബാനിയെ ഒന്നാമതായി
തിരഞ്ഞെടുത്തത്.എസ്.ബി.ഐ ചെയര്മാനും മാനേജിങ് ഡയറക്ടറുമായ അരുന്ധതി ഭട്ടാചാര്യയാണ് രണ്ടാം സ്ഥാനത്ത്. ചൈന, ഇന്ഡോനേഷ്യ,ആസ്ട്രേലിയ,വിയറ്റ്നാം,തായ്ലന്റ് ഹോങ്കോങ്,ജപ്പാന്,സിംഗപൂര്,ഫിലിപ്പീന്സ്,ന്യുസിലാന്റ് തുടങ്ങിയ രാജ്യങ്ങളില് നിന്നുളള വനിതകള് ലിസ്റ്റിലുണ്ടായിരുന്നു.
മൂ സിഗ്മ സി.ഇ.ഒ അംബിക ധീരജ്, (14) വെല്സ്പണ് ഇന്ത്യ സി.ഇ.ഒ ദിപാലി ഗോയങ്ക (16),ലുപിന് സി.ഇ.ഒ വിനീത ഗുപ്ത(18),ഐ.സി.ഐ.സി.ഐ ബാങ്ക് മാനേജിങ് ഡയറക്ടറും സി.ഇ.ഒ യുമായ ചന്ദ കൊച്ചാര്(22),വി.എല്.സി.സി ഹെല്ത്ത് കെയര് ഫൗണ്ടറും വൈസ് ചെയര്മാനുമായ വന്ദന ലുത്ര (26),ബയോകോണ് ചെയര്മാനും മാനേജിങ് ഡയറക്ടറുമായ കിരണ് മസുംദാര് ഷാ (28) എന്നിവരും തിരഞ്ഞെടുക്കപ്പെട്ട ഇന്ത്യക്കാരില്പ്പെടുന്നു.