വോഡാഫോണ്, ഐഡിയ, എയര്ടെല് റോമിങ് നിരക്കുകള് വെട്ടിക്കുറച്ചു
ദില്ലി: വോഡാഫോണും എയര്ടെലും ഇന്ത്യയില് റോമിങ് നിരക്കുകള് 75 ശതമാനത്തോളം വെട്ടിക്കുറച്ചു. നിരക്കുകള് കുറയ്ക്കുന്നതിനുള്ള ട്രായിയുടെ നിര്ദേശത്തെ തുടര്ന്നാണ് നടപടി. പുതുക്കിയ നിരക്കുകള് മേയ് ഒന്നുമുതല് നിലവില് വരും.
റോമിങില് ലോക്കല് മെസേജുകള്ക്ക് ഒരു രൂപ എന്ന പഴയ നിരക്ക് 25 പൈസയയാണ് കമ്പനി വെട്ടിക്കുറച്ചത്. എസ്.റ്റി.ഡി മെസേജ് നിരക്കുകള് 1.50 രൂപയില് നിന്നും 38 പൈസയായും കുറച്ചു.
റോമിങില് കോളുകള് സ്വീകരിക്കുന്നതിന് മുമ്പ് 75 പൈസ എന്ന നിരക്ക് 40 ശതമാനം കുറച്ച് 45 പൈസ എന്ന നിരക്കിലേക്കും വോഡാഫോണ് എത്തിയിട്ടുണ്ട്. ലോക്കല് ഔട്ഗോയിങ് കോളുകള് 1.15 രൂപയില് നിന്നും 80 പൈസയായും എസ്.റ്റി.ഡി. കോളുകള് 1.50 രൂപയില് നിന്നും ഒരു രൂപയായും കുറച്ചു.
ഐഡിയ റോമിങ് കോള് നിരക്ക് 40% കുറച്ചു.ലോക്കല് ഔട്ഗോയിങ് കോളുകള് 20% ഉം എസ്റ്റിഡി കോളുകള്ക്ക് 23% ഉം ലോക്കല് മെസേജുകള്ക്ക് 25 പൈസയും എസ്റ്റിഡി മെസേജുകള്ക്ക് 38 പൈസയുമായി വെട്ടിക്കുറച്ചു