എണ്ണവില പിടിച്ച് നിര്ത്താനുള്ള മാര്ഗ്ഗം?
എണ്ണവില പിടിച്ചു നിര്ത്താന് ഇനി എന്ത് ചെയ്യും എന്നാണ് ആലോചന. നിലവിലെ സാഹചര്യം തുടരുകയാണെങ്കില് 2015 ന്റെ തുടക്കത്തില് വില ബാരലിന് നാല്പത് ഡോളര് വരെ താഴ്ന്നേക്കുമെന്നാണ് റിപ്പോര്ട്ടുകള്.
എണ്ണ ഉത്പാദനം കുറക്കാതെ തന്നെ ഈ പ്രതിസന്ധിയെ മറികടക്കാനാണ് സൗദി അറേബ്യ ഉള്പ്പെടെയുള്ള വന് ശക്തികള് തീരുമാനിക്കുന്നത്. ഇതിന് അമേരിക്കയുടെ പിന്തുണയും ഉണ്ട്.
എണ്ണ ഉത്പാദനത്തിന്റെ ചെലവ് പല രാജ്യങ്ങളില് പലതാണെന്ന് നേരത്തെ സൂചിപ്പിച്ചുവല്ലോ. അത് മുതലെടുക്കാനാണ് വന് ശക്തികളുടെ തീരുമാനം. എണ്ണവില ക്രമാതീതമായി കുറയുമ്പോള് സാമ്പത്തിക സ്ഥിരതയില്ലാത്ത രാജ്യങ്ങള്ക്ക് പിടിച്ച് നില്ക്കാനാവില്ല.
ഇതോടെ അവിടെ നിന്നുളള ഉത്പാദനം കുറയും ക്രമേണ ഡിമാന്റ്-സപ്ലൈ അനുപാതത്തില് വ്യത്യാസം വരികയും വിപണിയില് കുതിച്ച് കയറ്റം ഉണ്ടാവുകയും ചെയ്യും എന്നാണ് പ്രതീക്ഷിക്കപ്പെടുന്നത്.
1980 കളില് സൗദി അറേബ്യ എണ്ണ ഉത്പാദനം കുറച്ചപ്പോള് അനുഭവിച്ചത് എന്തെന്ന് ലോകത്തിന് നന്നായി അറിയാം. എണ്പതുകളുടെ പ്രേതം ഇപ്പോള് എണ്ണവിപണിയെ ബാധിക്കുമോ എന്ന ഭയത്തിലായിരുന്നു വിപണി. എന്നാല് ഉത്പാദനം കുറക്കാതെ തന്നെ നഷ്ടം നേരിടാന് സൗദി തീരുമാനിക്കുന്നത് സമ്പദ് വ്യവസ്ഥക്ക് ഗുണകരമാകുമെന്നാണ് വിലയിരുത്തല്.
അടുത്ത പേജില് വായിക്കാം: ഉത്പാദനം കുറക്കാതിരുന്നാല് നഷ്ടം ആര്ക്ക്, ലാഭം ആര്ക്ക്