ചെല്സി താരത്തിന് രഹസ്യ കാമുകിയില് മക്കള്
ലണ്ടന്: ഇംഗ്ലീഷ് പ്രീമിയര് ലീഗ് ക്ലബ്ബ് ചെല്സിയുടെ മിഡ് ഫീല്ഡര് ജോണ് ഒബി മിക്കേലിന് രഹസ്യ കാമുകിയും മക്കളുമുണ്ടെന്ന് ഒരു മാധ്യമം വെളിപ്പെടുത്തി. അടുത്തിടെ റഷ്യന് ബിസിനസ് വുമണ് ഓള്ഗ ഡെയ്ച്ചെങ്കോയുമായി മിക്കേലിന് ബന്ധമുണ്ടെന്ന വാര്ത്തകള്ക്കു പിന്നാലെയാണ് മറ്റൊരു കാമുകിയും മക്കളും ഉണ്ടെന്ന കാര്യവും പുറത്തുവരുന്നത്.
നാലുവയസുളള മകനും ഒരു വയസുളള മകളുമാണ് മിക്കേലിന് രഹസ്യ ബന്ധത്തിലുള്ളത്. ഇക്കാര്യം നേരത്തെ മാധ്യമങ്ങളില് നിന്നും മറച്ചുവെച്ചിരുന്നു. 2013ല് ഇവര്ക്കാര് 5 ലക്ഷം പൗണ്ട് വിലയുള്ള ഒരു വീട് മിക്കേല് വാങ്ങിച്ചു നല്കിയിരുന്നത്രേ. മാത്രമല്ല, മക്കള്ക്ക് ചെലവിനു നല്കുവാനും മിക്കേല് മടിയൊന്നും കാട്ടുന്നില്ല.
2013ല് ലണ്ടനിലെ ഒരു നൈറ്റ് ക്ലബ്ബില് വെച്ച് മിക്കേലും യുവതിയും കണ്ടുമുട്ടിയതിന് ശേഷമാണ് രണ്ടാമത്തെ മകള് പിറന്നതെന്ന് യുവതിയുടെ സുഹൃത്ത് പറയുന്നു. മിക്കേല് തന്റെ സുഹൃത്തിന് സാമ്പത്തികമായി സഹായം നല്കുന്നുണ്ടെന്നും കുട്ടികളുടെ ഭാവിക്കുവേണ്ടി നല്ലൊരു തുക വര്ഷാവര്ഷം നല്കാന് കരാര് ചെയ്തെന്നും അവര് പറഞ്ഞു.
പുതിയ കാമുകി ഓള്ഗയുമായുള്ള ചിത്രങ്ങള് മിക്കേല് തന്നെയാണ് സോഷ്യല് മീഡിയയിലൂടെ അടുത്തിടെ പുറത്തുവിട്ടത്. താന് തന്റെ പ്രണയം കണ്ടെത്തിയെന്നായിരുന്നു ഇതേക്കുറിച്ച് നൈജീരിയന് താരം പ്രതികരിച്ചത്. അതേസമയം, കാമുകിയും മക്കളും ഉള്ള വിഷയത്തില് മിക്കേലിന്റെ വക്താവ് മാധ്യമങ്ങളോട് പ്രതികരിച്ചില്ല. അദ്ദേഹത്തിന്റെ സ്വകാര്യ വിഷയമാണതെന്നാണ് വക്താവിന്റെ മറുപടി.