എറണാകുളത്ത് എട്ട് പേർക്ക് കൊറോണ വൈറസ്: രണ്ട് പേർ വേറെ ജില്ലകളിൽ നിന്നുള്ളവർ
കൊച്ചി: എറണാകുളം ജില്ലയിൽ എട്ട് പേർക്ക് കൂടി കൊറോണ വൈറസ് സ്ഥിരീകരിച്ചു. കൂടാതെ മറ്റു ജില്ലകളിൽ രോഗം സ്ഥിരീകരിച്ച രണ്ട് പേർ കൂടി ജില്ലയിൽ ചികിത്സയിലുണ്ട്. മെയ് 26 ലെ കുവൈറ്റ്- കൊച്ചി വിമാനത്തിലെത്തിയ 46 വയസുള്ള നെടുമ്പാശ്ശേരി സ്വദേശിനി, 31കാരിയായ തിരുവനന്തപുരം സ്വദേശിനി, 47 വയസുകാരിയായ പത്തനംതിട്ട സ്വദേശിനി, 42 കാരിയായ ഏലൂർ സ്വദേശിനി, 42കാരിയായ ആലുവ സ്വദേശിനി എന്നിവർക്കാണ് രോഗം സ്ഥിരീകരിച്ചത്.
പാലക്കാട് ജില്ലയിൽ സ്ഥിതി രൂക്ഷം; ഇന്ന് 40 പേർക്ക് കൊവിഡ്!! രോഗികളുടെ വിവരങ്ങൾ ഇങ്ങനെ
മെയ് 26 ലെ അബുദാബി- കോഴിക്കോട് വിമാനത്തിലെത്തിയ 38 വയസ്സുകാരനായ ഏഴിക്കര സ്വദേശി. മെയ് 27 ലെ അബുദാബി - കൊച്ചി വിമാനത്തിലെത്തിയ 53 വയസുകാരനായ മൂവാറ്റുപുഴ സ്വദേശി, 50 വയസുകാരനായ പെരുമ്പാവൂർ സ്വദേശി, 59കാരനായ മുളന്തുരുത്തി സ്വദേശി എന്നിവർക്കും ജില്ലയിൽ രോഗം സ്ഥിരീകരിച്ചിട്ടുണ്ട്. മെയ് 27 ലെ ദുബായ്- കൊച്ചി വിമാനത്തിലെത്തിയ 63കാരനായ നെടുമ്പാശ്ശേരി സ്വദേശി എന്നിവർക്കാണ് ഇന്ന് രോഗം സ്ഥിരീകരിച്ചത്.
മെയ് 17 ലെ അബുദാബി- കൊച്ചി വിമാനത്തിലെത്തിയ 56 കാരനായ കീഴ്മാട് സ്വദേശിയും, മെയ് 18 ലെ അബുദാബി - കൊച്ചി വിമാനത്തിലെത്തിയ 38 കാരനായ ഏഴിക്കര സ്വദേശിയും, തൃശ്ശൂർ സ്വദേശിയായ 47 കാരനും, മെയ് 30 ന് രോഗം സ്ഥിരീകരിച്ച സ്വകാര്യ ഷിപ്പിങ് കമ്പനിയിലെ ജീവനക്കാരനായ 27 വയസുള്ള മഹാരാഷ്ട്ര സ്വദേശിയും രോഗമുക്തിയിട്ടുണ്ട്. ഇതോടെ ഇവരെ കളമശ്ശേരി മെഡിക്കൽ കോളേജിൽ നിന്ന് ഡിസ്ചാർജ് ചെയ്തു.
782 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കിയിട്ടുണ്ട്. നിരീക്ഷണ കാലയളവ് അവസാനിച്ച 644 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു. നിരീക്ഷണത്തിൽ ഉള്ളവരുടെ ആകെ എണ്ണം 9929 ആണ്. ഇതിൽ 8843 പേർ വീടുകളിലും, 462 പേർ കൊവിഡ് കെയർ സെന്ററുകളിലും, 624 പേർ പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്. ഇന്ന് 24 പേരെ പുതുതായി ആശുപത്രിയിൽ നിരീക്ഷണത്തിനായി പ്രവേശിപ്പിച്ചു. ജില്ലയിൽ വിവിധ ആശുപ്രതികളിലായി നിരീക്ഷണത്തിൽ കഴിഞ്ഞിരുന്ന 13 പേരെ ഇന്ന് ഡിസ്ചാർജ് ചെയ്തു. ജില്ലയിൽ വിവിധ ആശുപത്രികളിൽ നിരീക്ഷണത്തിലുള്ളവരുടെ എണ്ണം 105 ആണ്. നിലവിൽ 50 പേരാണ് ജില്ലയിൽ രോഗം സ്ഥിരീകരിച്ച് ചികിത്സയിൽ കഴിയുന്നത്.