കുറി തൊട്ടെത്തിയ വിദ്യാര്ഥിനിയ്ക്ക് കടുത്ത ശിക്ഷ, ടിസി നല്കുമെന്ന് ഭീഷണി
സെക്കന്തരാബാദ്: പിറന്നാള് ദിനത്തില് സ്കൂളില് കുറി തൊട്ട് എത്തിയ 11കാരിയ്ക്ക് പീഡനം. സെക്കന്തരാബാദിലെ സെന്റ് ആന് സ്കൂളിലെ വിദ്യാര്ഥിനിയ്ക്കാണ് കുറി തൊട്ടതിന് ശിക്ഷ ഏറ്റ് വാങ്ങേണ്ടി വന്നത്. പിറന്നാള് ദിനത്തില് അമ്പലത്തില് പോവുകയും തുടര്ന്ന് കുറി തൊട്ട് സ്കൂളില് എത്തുകയുമായിരുന്നു കുട്ടി.
കുറി തൊട്ടതിന് ശിക്ഷയായി പ്രിന്സിപ്പള് സാലി ജോസഫിന്റെ മുറിയ്ക്ക് പുറത്ത് രണ്ട് മണിയ്ക്കൂറോളം കുട്ടിയെ നിര്ത്തി. തുടര്ന്നുള്ള ദിവസങ്ങളില് ശിക്ഷ നല്കിയത് ഭയന്ന് കുട്ടി സ്കൂളില് പോകാന് തയ്യാറായില്ല . സംഭവം അന്വേഷിച്ച് മാതാപിതാക്കളോട് കാര്യങ്ങള് പറഞ്ഞു. സംഭവത്തില് സംസ്ഥാന മനുഷ്യാവകാശ കമ്മീഷനെ സമീപിച്ചിരിയ്ക്കുകയാണ് കുട്ടിയുടെ മാതാപിതാക്കള് .
അമ്പലത്തില് പോയതിന് ശേഷമാണ് മകള് കുറി തൊട്ട് സ്കൂളിലെത്തിയതെന്ന് കുട്ടിയുടെ അമ്മ പ്രിന്സിപ്പാളിനോട് പറഞ്ഞെങ്കിലും അതൊന്നും കേള്ക്കാന് പ്രിന്സിപ്പാള് തയ്യാറായില്ല . കുട്ടി ഹെയര്പിന് ഉപയോഗിച്ചിരുന്നെന്നും പ്രധാനാധ്യാപിക പറഞ്ഞു .പെണ്കുട്ടിയ്ക്ക് ടിസി നല്കുമെന്നും പ്രധാനാധ്യാപിക പറഞ്ഞതായി കുട്ടിയുടെ അച്ഛന് പറയുന്നു . സംഭവത്തില് സംസ്ഥാന വിദ്യാഭ്യാസ വകുപ്പ് റിപ്പോര്ട്ട് തേടിയിട്ടുണ്ട് .