Click it and Unblock the Notifications
Just In
Don't Miss
-
ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അവര്‍ അന്നമൂട്ടുന്നവര്‍; വേണ്ടത് ചെയ്യണം- കര്‍ഷക സമരത്തിന് പിന്തുണയുമായി നടന്‍ കാര്‍ത്തി
ചെന്നൈ: രാജ്യതലസ്ഥാനത്ത് കര്‍ഷകരുടെ വന്‍ പ്രക്ഷോഭം നടക്കുകയാണ്. കേന്ദ്രസര്‍ക്കാര്‍ അടുത്തിടെ നടപ്പാക്കിയ മൂന്ന് കാര്‍ഷിക പരിഷ്‌കരണ നിയമങ്ങള്‍ക്കെതിരെയാണ് സമരം. ആദ്യം പഞ്ചാബിലും ഹരിയാനയിലും മാത്രം ഒതുങ്ങി നിന്നിരുന്ന പ്രതിഷേധം ദില്ലിയിലേക്ക് എത്തിയിരിക്കുന്നു. എന്നാല്‍ ദില്ലിയുടെ അതിര്‍ത്തി അടച്ച് അവരെ തടഞ്ഞിരിക്കുകയാണ് സര്‍ക്കാര്‍. കൊടും തണുപ്പ് അവഗണിച്ച് സമരക്കാര്‍ രാത്രിയും പകലും പോലീസ് തടഞ്ഞ സ്ഥലത്ത് തന്നെ ഇരിക്കുന്നു. ലോകരാജ്യങ്ങളുടെ ശ്രദ്ധ വരെ ഈ സംഭവത്തിലേക്ക് പതിഞ്ഞിരിക്കുകയാണ്. കനേഡിന്‍ പ്രധാനമന്ത്രി വിഷയത്തില്‍ പ്രതികരിച്ചു. എന്നാല്‍ ഇത്തരം ഇടപെടലുകള്‍ സൗഹൃദത്തെ ബാധിക്കുമെന്ന സൂചനയാണ് കേന്ദ്രസര്‍ക്കാര്‍ നല്‍കിയത്.
കര്‍ഷകര്‍ക്ക് പിന്തുണ പ്രഖ്യാപിച്ച് ഒട്ടേറെ പ്രമുഖരാണ് രംഗത്തുവരുന്നത്. ക്രിക്കറ്റ് താരം ഹര്‍ഭജന്‍ സിങ് മുതല്‍ സാഹിത്യകാരും മറ്റും പിന്തുണയര്‍പ്പിച്ചു. ഒട്ടേറെ മുന്‍ കായിക താരങ്ങള്‍ പത്മ പുരസ്‌കാരങ്ങള്‍ തിരിച്ചു നല്‍കി പ്രതിഷേധിച്ചു. മാസങ്ങളോളം സമരം ചെയ്യാനുള്ള ഒരുക്കത്തിലാണ് സമരക്കാര്‍ ദില്ലിയിലേക്ക് എത്തിയിട്ടുള്ളത്. ഈ വേളയില്‍ അവരുടെ കൃഷിയിടം നോക്കുന്നത് വനിതകളാണ്. ഹരിയാനയില്‍ മര്‍ദ്ദനവും തടസങ്ങളും പോലീസ് പ്രയോഗിച്ചെങ്കിലും എല്ലാം മറികടന്ന് ദില്ലി അതിര്‍ത്തിയിലെത്തിയ കര്‍ഷകരെ പിന്തുണച്ച് രംഗത്തുവന്നിരിക്കുകയാണ് തമിഴ് നടന്‍ കാര്‍ത്തി. കാര്‍ഷിക മേഖലയോട് എപ്പോഴും അതിയായ മമത കാണിച്ചിട്ടുള്ള നടനാണ് കാര്‍ത്തി.
കര്‍ഷകരുടെ പ്രതിഷേധം കണക്കിലെടുക്കണമെന്നും അന്നമൂട്ടുന്ന ജനങ്ങള്‍ ഇപ്പോള്‍ തെരുവില്‍ കഴിയുകയാണെന്നും കാര്‍ത്തി പറയുന്നു. അവരുടെ ആവശ്യങ്ങള്‍ കേള്‍ക്കാനും പരിഹരിക്കാനും ബന്ധപ്പെട്ടവര്‍ തയ്യാറാകണമെന്നും കാര്‍ത്തി ആവശ്യപ്പെടുന്നു. തണുപ്പും കൊറോണ ഭീഷണിയും അവഗണിച്ച് സമരത്തിനിറങ്ങിയവരെ ശ്രദ്ധിക്കാതെ പോകരുതെന്നും കാര്‍ത്തി കുറിക്കുന്നു. കര്‍ഷകര്‍ എന്ന ഒരു ഐഡിന്റിറ്റിയിലാണ് അവര്‍ ഒരുമിച്ചിരിക്കുന്നതെന്നും നടന്‍ ചൂണ്ടിക്കാട്ടുന്നു.
Recommended Video
നിത്യവൃത്തിക്ക് വേണ്ടി പാടത്ത് പണിയെടുക്കുന്ന കര്‍ഷകരാണ് നമുക്ക് ഭക്ഷണം ഒരുക്കുന്നത്. ആഴ്ചയിലധികമായി അവര്‍ പ്രതിഷേധത്തിലാണ്. ജലദൗര്‍ലഭ്യത കൊണ്ടും പ്രകൃതി ദുരന്തം കൊണ്ടും നേരത്തെ അവര്‍ പ്രതിസന്ധി നേരിടുന്നവരാണ്. അവരുടെ ഉല്‍പ്പന്നങ്ങള്‍ക്ക് ന്യായമായ വില ലഭിക്കുന്നില്ല. മൂന്ന് നിയമങ്ങള്‍ കാരണം ഇപ്പോള്‍ അവരുടെ ജീവിതം കൂടുതല്‍ പ്രതിസന്ധിയുള്ളതാക്കുന്നു എന്നും കാര്‍ത്തി പ്രസ്താവനയില്‍ പറയുന്നു.
