29,288 വീഡിയോ,25 ട്വിറ്റര് അക്കൗണ്ട്!കുട്ടികളുടെ അശ്ലീല വീഡിയോ പ്രചരിപ്പിച്ച വിദേശ പൗരന് പിടിയില്
ഹൈദരാബാദിലെ മള്ട്ടിനാഷണല് കമ്പനിയുടെ നിയമ വിദഗ്ദനും ന്യൂജേഴ്സി സ്വദേശിയുമായ ജെയിംസ് കിര്ക്ക് ജോണ്സിനെയാണ് സിഐഡി അറസ്റ്റ് ചെയ്തത്.
ഹൈദരാബാദ്: ഇന്റര്നെറ്റിലൂടെ കുട്ടികളുടെ അശ്ലീല ദൃശ്യങ്ങള് വ്യാപകമായി പ്രചരിപ്പിക്കുകയും ഡൗണ്ലോഡ് ചെയ്ത് സൂക്ഷിക്കുകയും ചെയ്ത അമേരിക്കന് പൗരനെ ഹൈദരാബാദില് പിടികൂടി. ഹൈദരാബാദിലെ മള്ട്ടിനാഷണല് കമ്പനിയുടെ നിയമ വിദഗ്ദനും അമേരിക്കയിലെ ന്യൂജേഴ്സി സ്വദേശിയുമായ ജെയിംസ് കിര്ക്ക് ജോണ്സിനെയാണ് സിഐഡി അറസ്റ്റ് ചെയ്തത്.
ഇന്റര്പോള് നല്കിയ രഹസ്യവിവരത്തിന്റെ അടിസ്ഥാനത്തിലായിരുന്നു സിഐഡി ഉദ്യോഗസ്ഥര് ജെയിംസിന്റെ മാഥാപൂരിലെ വീട്ടില് റെയ്ഡ് നടത്തിയത്. ഇന്ത്യയിലെ ഒരു ഐപി അഡ്രസില് നിന്ന് വ്യാപകമായി കുട്ടികളുടെ അശ്ലീല ദൃശ്യങ്ങള് അപ്ലോഡ് ചെയ്യുന്നതും ഇന്റര്നെറ്റിലൂടെ പ്രചരിപ്പിക്കുന്നതും ഇന്റര്പോളിന്റെ ശ്രദ്ധയില്പ്പെട്ടിരുന്നു. ഹൈദരാബാദിലെ ഒരു ഐപി അഡ്രസില് നിന്നാണ് അശ്ലീല ദൃശ്യങ്ങള് പ്രചരിപ്പിക്കുന്നതായും ഇന്റര്പോള് വിവരം നല്കിയിരുന്നു.
അമേരിക്കന് സ്വദേശി...
ഹൈദരാബാദില് സിഐഡി അറസ്റ്റ് ചെയ്ത ജെയിംസ് കിര്ക്ക് ജോണ്സ് അമേരിക്കയിലെ ന്യൂജേഴ്സി സ്വദേശിയാണ്. നിയമവിദ്ഗദനായ ജെയിംസ് അമേരിക്കയിലെ വിവിധ കമ്പനികളില് ജോലി ചെയ്തിട്ടുണ്ട്.
ഹൈദരാബാദില്...
കഴിഞ്ഞ അഞ്ചു വര്ഷമായി ഹൈദരാബാദിലെ ഒരു പ്രമുഖ മള്ട്ടിനാഷണല് കമ്പനിയില് നിയമവിദഗ്ദനായി ജോലി ചെയ്തുവരികയാണ് അമേരിക്കക്കാരനായ ജെയിംസ്.
സിബിഐ നിരീക്ഷണത്തില്...
ഇന്ത്യയില് നിന്നുള്ള ഒരു ഐപി അഡ്രസില് നിന്ന് കുട്ടികളുടെ അശ്ലീല ദൃശ്യങ്ങള് ഇന്റര്നെറ്റിലൂടെ വ്യാപകമായി പ്രചരിപ്പിക്കുന്നത് ഇന്റര്പോളിന്റെ ശ്രദ്ധയില്പ്പെട്ടിരുന്നു. സിബിഐയും ഈ ഐപി അഡ്രസ് നിരീക്ഷിച്ചു വരികയായിരുന്നു.
ജെയിംസിന്റെ അപ്പാര്ട്ട്മെന്റില്...
ഇന്റര്പോള് നല്കിയ വിവരത്തിന്റെ അടിസ്ഥാനത്തില് ഹൈദരാബദിലെ ഐപി അഡ്രസില് നിന്നാണ് അശ്ലീല ദൃശ്യങ്ങള് പ്രചരിപ്പിക്കുന്നതെന്ന് മനസിലാക്കിയ സിഐഡി ഉദ്യോഗസ്ഥര് ചൊവ്വാഴ്ചയാണ് ജെയിംസിന്റെ അപ്പാര്ട്ട്മെന്റില് റെയ്ഡ് നടത്തിയത്.
താമസിക്കുന്നത് ഒറ്റയ്ക്ക്...
42കാരനായ ജെയിംസ് അവിവാഹിതനാണ്. മാഥാപൂരിലെ കമ്പനിയ്ക്കടുത്തുള്ള അപ്പാര്ട്ട്മെന്റില് ഒറ്റയ്ക്കാണ് ജെയിംസ് താമസിക്കുന്നത്.
അശ്ലീല ദൃശ്യങ്ങളുടെ വന് ശേഖരം...
ജെയിംസിന്റെ
അപ്പാര്ട്ട്മെന്റില്
റെയ്ഡ്
നടത്തിയ
സിഐഡി
ഉദ്യോഗസ്ഥര്
കുട്ടികളുടെ
അശ്ലീല
ദൃശ്യങ്ങളുടെ
വന്ശേഖരമാണ്
പിടിച്ചെടുത്തത്.
കമ്പ്യൂട്ടറിലും
നിരവധി
ഹാര്ഡ്
ഡിസ്ക്കുകളിലുമായി
29,288
അശ്ലീല
വീഡിയോകളാണ്
ജെയിംസിന്റെ
പക്കലുണ്ടായിരുന്നത്.
25 ട്വിറ്റര് അക്കൗണ്ടുകള്...
ഏകദേശം 25 വ്യാജ ട്വിറ്റര് അക്കൗണ്ടുകളാണ് ജെയിംസ് അശ്ലീല ദൃശ്യങ്ങള് പ്രചരിപ്പിക്കാന് ഉപയോഗിച്ചിരുന്നത്. കൂടാതെ ഫയല് ഷെയറിംഗ് ആപ്ലിക്കേഷനായ ജിഗാ ട്രൈബും ജെയിംസ് ഉപയോഗിച്ചിരുന്നു.
വീക്ക്നെസ്...
ചെറുപ്പം മുതലേ അശ്ലീല വീഡിയോകള് കാണാറുള്ള തനിക്ക് കുട്ടികളുടെ അശ്ലീല വീഡിയോകള് ഒരു വീക്ക്നെസാണെന്നാണ് ജെയിംസ് പോലീസിനോട് പറഞ്ഞത്.
നിരവധി പേര് കണ്ണികള്...
ലോകത്തിലെ വിവിധ ഭാഗങ്ങളില് നിന്നുള്ള കുട്ടികളുടെ അശ്ലീല വീഡിയോകള്ക്ക് അടിമപ്പെട്ട നിരവധി പേരുമായി ജെയിംസിന് ബന്ധമുണ്ടെന്നും സിഐഡി ഉദ്യോഗസ്ഥര് അറിയിച്ചു.
വിസാ കാലാവധി ഈ വര്ഷം അവസാനം വരെ...
സിഐഡി അറസ്റ്റ് ചെയ്ത ജെയിംസിനെതിരെ ഐടി ആക്ട് പ്രകാരം കേസെടുത്തിട്ടുണ്ട്. അഞ്ചു വര്ഷമായി ഇന്ത്യയിലുള്ള ജെയിംസിന്റെ വിസാ കാലാവധി ഈ വര്ഷം ഡിസംബറില് അവസാനിക്കും.