റാണാ അയ്യൂബിന്റെ ട്വീറ്റ് വിവാദത്തിൽ!!! രാഷ്ട്രപതി സ്ഥാനാര്‍ത്ഥിയെ പരിഹസിച്ചെന്ന് ബിജെപി!!!

  • Published:
Subscribe to Oneindia Malayalam

ബിജെപിയുടെ പ്രസിഡന്റ് സ്ഥാനാര്‍ഥി രാം നാഥ് കോവിന്ദിനെ ട്വിറ്ററിലൂടെ വിമര്‍ശിച്ച പ്രമുഖ മാധ്യമ പ്രവര്‍ത്തക റാണാ അയൂബിനെതിരെ പരാതി. ബിജെപി വക്താവായ നൂപുര്‍ ശര്‍മയാണ് പൊലീസില്‍ പരാതി നല്‍കിയത്. റാണാ അയൂബിന്‍റെ ട്വീറ്റ് അത്യന്തം ആക്ഷേപകരവും അപകീര്‍ത്തികരവും അപമാനകരവുമാണെന്ന് പരാതിയില്‍ നൂപുര്‍ പറയുന്നു .

റാണയുടെ ട്വീറ്റ് ഇങ്ങനെ: 'പ്രതിഭാ പാട്ടിലാണ് എറ്റവും മോശം രാഷ്ട്രപതിയെന്നാണ് നിങ്ങള്‍ വിചാരിച്ചിരുന്നത് എന്ന് പന്തയം വയ്ക്കാം'. പരാമര്‍ശം അപകീര്‍ത്തികരവും വിലകുറഞ്ഞതും വെറുപ്പുളവാക്കുന്നതുമാണെന്നാണ് ബിജെപി ആരോപണം. റാണക്കെതിരെ പരാതി നല്‍കിയ വിവരം നുപുര്‍ തന്നെയാണ് ട്വിറ്ററിലൂടെ പുറത്തുവിട്ടത്.ശര്‍മയുടെ പരാതി ബിജെപി ട്വീറ്റ് ചെയ്തു. പട്ടികവര്‍ഗക്കാരെ അടച്ചാക്ഷേപിക്കുന്ന പ്രസ്തനാവ നടത്തിയ റാണാ അയൂബിനെതിരെ പട്ടികജാതി പട്ടികവര്‍ഗക്കാര്‍ക്ക് നേരെയുള്ള അതിക്രമങ്ങള്‍ തടയുന്നതിനുള്ള പ്രത്യേക നിയമപ്രകാരം കേസെടുക്കണമെന്നാണ് പരാതിയിൽ പറയുന്നുണ്ട്.

rana ayub

ഇന്നലെയാണ് ബിജെപി ദേശീയ അധ്യക്ഷൻ അമിത് ഷാ ബീഹാർ ഗവർണർ രാംനാഥ് കോവിന്ദിനെ രാഷ്ട്രപതി സ്ഥാനാർഥിയായി പ്രഖ്യാപിച്ചത്. ഇതിനെതിരെ പ്രതിപക്ഷപാർട്ടികളും സഖ്യകക്ഷി ശിവസേനയും രംഗത്തെത്തിയിരുന്നു. ബിജെപി രാഷ്ട്രപതി സ്ഥാനാർഥിയാക്കുന്ന ആദ്യ ദളിത് നേതവാണ് കോവിന്ദ്.

English summary
Bharatiya Janata Party Spokesperson Nupur Sharma on Monday night registered a police complaint against journalist Rana Ayyub for what she called a “defamatory, hate-filled and derogatory” tweet about the National Democratic Alliance’s presidential candidate Ram Nath Kovind. Ayyub had said of the BJP’s choice: “And you thought Pratibha Patil was the worst bet.”. BJP on Monday had announced Bihar Governor Ram Nath Kovind as NDA’S presidential nominee.
Please Wait while comments are loading...