കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നക്ഷത്ര പദവിക്ക് കോഴ; ടൂറിസം അസിസ്റ്റന്റ് ഡയറക്ടര്‍ അറസ്റ്റില്‍, ഭാര്യയുടെ അക്കൗണ്ടില്‍ കോഴപ്പണം

Google Oneindia Malayalam News

ചെന്നൈ/കൊച്ചി: ഹോട്ടലുകളുടെ നക്ഷത്ര പദവിക്ക് കോഴ വാങ്ങിയ സംഭവത്തില്‍ കേന്ദ്ര ടൂറിസം അസിസ്റ്റന്റ് ഡയറക്ടര്‍ എസ് രാമകൃഷ്ണയെ സിബിഐ അറസ്റ്റ് ചെയ്തു. കേരളത്തിലും തമിഴ്‌നാട്ടിലും വിവിധ കേന്ദ്രങ്ങളില്‍ റെയ്ഡ് തുടരവെയാണ് അറസ്റ്റ്. തമിഴ്‌നാട്ടിലെ പഴനിയില്‍ വച്ചാണ് രാമകൃഷ്ണയെ അറസ്റ്റ് ചെയ്തത്. രാമകൃഷ്ണയ്ക്ക് പുറമെ ഇന്ത്യ ടൂറിസം ചെന്നൈ റീജ്യണല്‍ ഡയറക്ടര്‍ സഞജയ് വാട്‌സിനും കോഴ നല്‍കിയെന്ന് സിബിഐ കണ്ടെത്തിയിട്ടുണ്ട്.

C

കേരളത്തിലെ വിവിധ ഹോട്ടലുകള്‍ പരിശോധിച്ച് ചെന്നൈയിലേക്ക് തിരിക്കാന്‍ കൊച്ചി വിമാനത്താവളത്തിലേക്ക് പോകവെ സഞ്ജയ് വാട്‌സിനെ സിബിഐ കസ്റ്റഡിയില്‍ എടുത്തു. ഇയാളുടെ മൊബൈല്‍ ഫോണ്‍ വാങ്ങി വാട്‌സ്ആപ്പ് സന്ദേശങ്ങള്‍ പരിശോധിച്ചപ്പോഴാണ് കോഴയുമായി ബന്ധപ്പെട്ട കൂടുതല്‍ വിവരങ്ങള്‍ സിബിഐക്ക് ലഭിച്ചത്.

സ്റ്റാര്‍ പദവി ലഭിക്കാന്‍ ഹോട്ടല്‍ ഉടമകള്‍ ടൂറിസം വകുപ്പ് ഉദ്യോഗസ്ഥര്‍ക്ക് കോഴ നല്‍കി എന്നാണ് സിബിഐ കണ്ടെത്തിയിരിക്കുന്നത്. ചെന്നൈയിലെ ഉദ്യോഗസ്ഥരാണ് കോഴ വാങ്ങിയത്. കേരളത്തിലും മറ്റും റെയ്ഡ് തുടരുകയാണ്. 50 ലക്ഷത്തിലധികം രൂപ കണ്ടെടുത്തു. ഹോട്ടര്‍ ഉടമകളുടെയും ഏജന്റുമാരുടെയും ടൂറിസം ഉദ്യോഗസ്ഥരുടെയും നീക്കങ്ങള്‍ സിബിഐ കഴിഞ്ഞ കുറച്ചുദിവസങ്ങളായി നിരീക്ഷിച്ചുവരികയായിരുന്നു.

കര്‍ഷകര്‍ ഇരമ്പി വരുന്നു; വന്‍ പ്രക്ഷോഭം, ദില്ലി അതിര്‍ത്തി അടച്ചു, പോലീസ് സജ്ജംകര്‍ഷകര്‍ ഇരമ്പി വരുന്നു; വന്‍ പ്രക്ഷോഭം, ദില്ലി അതിര്‍ത്തി അടച്ചു, പോലീസ് സജ്ജം

കേരളത്തിലെ ഹോട്ടലുകള്‍ പരിശോധിച്ചുവരികയായിരുന്നു റീജ്യണല്‍ ഡയറക്ടര്‍ സഞ്ജയ് വാട്‌സ്. ഇദ്ദേഹം തിരിച്ചുപോകവെ കാര്‍ തടഞ്ഞാണ് കൊച്ചിയില്‍ നിന്ന് കസ്റ്റഡിയിലെടുത്തത്. ഇദ്ദേഹത്തിന്റെ ഫോണില്‍ നിന്ന് കൂടുതല്‍ വിവരങ്ങള്‍ സിബിഐക്ക് ലഭിച്ചു. ഫോണിലെ വിവരങ്ങള്‍ ശേഖരിച്ച ശേഷം വാട്‌സിനെ പോകാന്‍ അനുവദിച്ചു. ഇടനിലക്കാര്‍ വഴിയാണ് ഇടപാടുകള്‍ നടന്നത് എന്നാണ് അന്വേഷണ സംഘം സംശയിക്കുന്നത്.

കേരളത്തിലെ ബാറുകള്‍ക്കും ഹോട്ടലുകള്‍ക്കും സ്റ്റാര്‍ പദവി അനുവദിക്കുന്നത് ചെന്നൈയിലെ റീജ്യണല്‍ ഓഫീസില്‍ നിന്നാണ്. അടിസ്ഥാന സൗകര്യം പോലുമില്ലാത്ത ഹോട്ടലുകള്‍ക്ക് സ്റ്റാര്‍ പദവി നല്‍കി എന്നാണ് കണ്ടെത്തല്‍. മധുര സിബിഐ ഓഫീസിനാണ് കോഴ സംബന്ധിച്ച സൂചനകള്‍ ലഭിച്ചത്. തുടര്‍ന്ന് കേരളത്തിലെ ഉദ്യോഗസ്ഥര്‍ക്ക് വിവരം കൈമാറി. പിന്നീട് നിരീക്ഷണം ശക്തമാക്കി വരികയായിരുന്നു. സഞ്ജയ് വാട്‌സ് കൊച്ചിയിലേക്ക് വരുന്നു എന്ന വിവരവും സിബിഐക്ക് ലഭിച്ചു. തുടര്‍ന്ന് ഇയാളുടെ യാത്രാ വിവരങ്ങളും സന്ദര്‍ശന കേന്ദ്രങ്ങളും നിരീക്ഷിച്ചു. റെയ്ഡ് തുടങ്ങി. ഏജന്റുമാരില്‍ നിന്നാണ് പണം പിടിച്ചത്. സഞ്ജയ് വാട്‌സിന്റെയും രാമകൃഷ്ണയുടെ ഭാര്യമാരുടെ അക്കൗണ്ടില്‍ അനധികൃതമായ പണം കണ്ടെത്തി എന്ന വിവരങ്ങളും പുറത്തുവന്നിട്ടുണ്ട്.

Recommended Video

cmsvideo
Messi and Pele Reacts To Diego Maradona's Sudden Demise | Oneindia Malayalam

English summary
Bribe For Hotel Star Status: CBI Arrested Tourism Assisted Director from Tamil Nadu
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X