ഉത്തരാഘണ്ഡ് പിടിക്കാന് ഒരു വര്ഷം മുന്നേ ഒരുങ്ങി കോണ്ഗ്രസ്: സര്വ്വം പൊളിച്ചെഴുതി
ദില്ലി: ഉത്തരാഖണ്ഡിലെ പുതിയ കോണ്ഗ്രസ് അധ്യക്ഷനായി ഗണേഷ് ഗോഡിയാളിനെ തിരഞ്ഞെടുത്തു. നിലവിലെ അധ്യക്ഷന് പ്രീതം സിംഗ് നിയമസഭാ കക്ഷി നേതാവായതിനെ തുടര്ന്ന് പിസിസിയുടെ തലപ്പത്ത് മാറ്റം വന്നത്. അടുത്ത വര്ഷം നിയമസഭാ തിരഞ്ഞെടുപ്പ് നടക്കാനിരിക്കുന്ന സാഹചര്യത്തില് മുൻ മുഖ്യമന്ത്രി ഹരീഷ് റാവത്തിനെ ഉത്തരാഖണ്ഡിലെ പ്രചാരണ സമിതി മേധാവിയായും തിരഞ്ഞെടുത്തു.
അടുത്ത വർഷം ആദ്യം നിയമസഭാ തെരഞ്ഞെടുപ്പ് നടക്കുമെന്ന സാഹചര്യത്തില് പാര്ട്ടി ഒറ്റക്കെട്ടായി മുന്നോട്ട് പോവുമെന്നും കോണ്ഗ്രസ് പ്രസ്താവനയില് വ്യക്തമാക്കി.
ഉത്തരാഖണ്ഡ് പാർട്ടി യൂണിറ്റിനായി നാല് വർക്കിംഗ് പ്രസിഡന്റുമാരെയും കോൺഗ്രസ് പ്രസിഡന്റ് സോണിയ ഗാന്ധി നിയമിച്ചതായി സംസ്ഥാന നേതാക്കള് വ്യക്തമാക്കി. ജീത് റാം, ഭുവൻ കപ്രി, തിലക് രാജ് ബെഹാർ, രഞ്ജിത് റാവത്ത് എന്നിവരാണ് പുതിയ പാര്ട്ടി വര്ക്കിങ് പ്രസിഡന്റുമാര്.
കാമ്പെയ്ൻ കമ്മിറ്റി, ഏകോപന സമിതി, മാനിഫെസ്റ്റോ കമ്മിറ്റി, ഉത്തരാഖണ്ഡ് കോൺഗ്രസിന് കോർ കമ്മിറ്റി എന്നിവയുടെ പുതിയ ചെയർമാൻമാരെയും കോണ്ഗ്രസ് താല്ക്കാലിക അധ്യക്ഷ സോണിയ ഗാന്ധി നിയമിച്ചിണ്ട്. ഹരീഷ് റാവത്ത് പ്രചാരണ സമിതി ചെയർമാനാവുമ്പോള് രാജ്യസഭാ അംഗം പ്രദീപ് തംത വൈസ് ചെയർമാനും ദിനേശ് അഗർവാൾ കൺവീനറുമാണ്.
പാർട്ടിയുടെ ഉത്തരാഖണ്ഡ് യൂണിറ്റിന്റെ പുതിയ ട്രഷററായി ആര്യന്ദ്ര ശർമയെ നിയമിച്ചതായും പ്രസ്താവനയിൽ പറയുന്നു. സംസ്ഥാന കോൺഗ്രസ് കോർ കമ്മിറ്റിയുടെ അദ്ധ്യക്ഷത എ.ഐ.സി.സി ചുമതലയുള്ള ദേവേന്ദ്ര യാദവ് ആയിരിക്കും വഹിക്കുക. പുതുതായി നിയമിതനായ സംസ്ഥാന പാർട്ടി മേധാവി ദിനേശ് ഗോഡിയാൽ, പ്രീതം സിംഗ്, ഹരീഷ് റാവത്ത് എന്നിവരുൾപ്പെടെ 16 അംഗങ്ങളും കോര് കമ്മറ്റിയില് ഉണ്ടാവും.
മുൻ പിസിസി മേധാവി കിഷോർ ഉപാധ്യായയെ കോൺഗ്രസിന്റെ ഉത്തരാഖണ്ഡ് കോർഡിനേഷൻ കമ്മിറ്റി ചെയർമാനായും മുൻ മന്ത്രി നവപ്രഭാട്ട് മാനിഫെസ്റ്റോ കമ്മിറ്റി ചെയർമാനായും നിയമിച്ചു. മുൻ എംപി മഹേന്ദ്ര പാൽ ആണ് മാനിഫെസ്റ്റോ കമ്മിറ്റി വൈസ് ചെയർമാന്.
മുൻ എഐസിസി സെക്രട്ടറി പ്രകാശ് ജോഷിയെയാണ് പിസിസി ഇലക്ഷൻ മാനേജ്മെന്റ് കമ്മിറ്റിയുടെ പുതിയ ചെയർമാനായി തിരഞ്ഞെടുത്ത്. വൈസ് ചെയർമാനായി രജീന്ദർ ഭണ്ഡാരിയെയാണ് നിയമിച്ചത്. പബ്ലിസിറ്റി കമ്മിറ്റി ചെയർമാനായി സുമിത് ഹൃദയയേഷിനെയും വൈസ് ചെയർപേഴ്സണായി സരോജനി കൈൻതുറയെയും തിരഞ്ഞെടുത്തു.
Recommended Video