Click it and Unblock the Notifications
Just In
Don't Miss
-
IPL 2024: സന്ദീപിന്റെ ഫൈഫറോ, ജയ്സ്വാളിന്റെ സെഞ്ച്വറിയോ അല്ല; ടേണിങ് പോയിന്റ് മറ്റൊന്ന്! -
പുത്തൻ ഇലക്ട്രിക് തമ്പ്രാക്കന്മാരുടെ ആപ്പീസ് പൂട്ടും; ആക്ടിവ ഇവിയുടെ വരവിന് കുറിമാനമിട്ട് ഹോണ്ട -
നിങ്ങളുടെ ദാമ്പത്യബന്ധം ശക്തമാണോ? പങ്കാളിയുടെ സ്നേഹം മനസിലാക്കിത്തരും ഈ 8 ലക്ഷണങ്ങള് -
തങ്കപ്പനല്ല, പൊന്നപ്പൻ..! റെക്കോർഡ് വിലയിൽ നിന്നും താഴോട്ടിറങ്ങി സ്വർണം, 5 ദിവസം കൊണ്ട് കുറഞ്ഞത് 1,600 രൂപ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ് -
ഐഫോൺ 16 കണ്ട് ഞെട്ടാൻ റെഡിയായിക്കോ! എഐക്കായി ഫോണുകളുടെ തലവര മാറ്റുന്ന നീക്കവുമായി ആപ്പിൾ -
'പോകരുതെന്ന് ആര്യ പലവട്ടം പറഞ്ഞതാണ്, ആ ഉപദേശവും അനുഭവങ്ങളുമാകും സിബിനെ ക്വിറ്റ് ചെയ്യാൻ പ്രേരിപ്പിച്ചത്'
കോണ്‍ഗ്രസ് രഹിത ഇന്ത്യ! മഹാരാഷ്ട്രയില്‍ നാലാമത്, ഹരിയാനയില്‍ മൂന്നാമത്...
ദില്ലി: മഹാരാഷ്ട്ര, ഹരിയാന വോട്ടെണ്ണല്‍ അവസാന ഘട്ടത്തിലേക്ക് കടക്കുമ്പോള്‍ കോണ്‍ഗ്രസിന് ചരിത്രത്തിലെ തന്നെ ഏറ്റവും വലിയ തിരിച്ചടി. മഹാരാഷ്ട്രയില്‍ ഒരു ഘട്ടത്തില്‍ നാലാം സ്ഥാനത്തേക്ക് കോണ്‍ഗ്രസ് പിന്തള്ളപ്പെട്ടു. ഹരിയാനയില്‍ ഇന്ത്യന്‍ നാഷണല്‍ ലോക് ദളിന് പിന്നില്‍ മൂന്നാം സ്ഥാനത്താണ് കോണ്‍ഗ്രസ്.
തിരഞ്ഞെടുപ്പിന് തൊട്ടുമുമ്പായി എന്‍സിപി സഖ്യം ഉപേക്ഷിച്ച് പോയതാണ് കോണ്‍ഗ്രസിന് വന്‍ തിരിച്ചടി സമ്മാനിച്ചത്. ബിജെപിക്കും ശിവസേനക്കും പിറകില്‍ മൂന്നാം സ്ഥാനത്താണ് ഒരു ഘട്ടത്തില്‍ എന്‍സിപി നില്‍കുന്നത്. മൂന്ന്, നാല് സ്ഥാനങ്ങള്‍ ഇടക്കിടെ മാറി മറിയുന്നുണ്ട് മഹാരാഷ്ട്രയില്‍.
44 സീറ്റുകളിലാണ് കോണ്‍ഗ്രസിന് മഹാരാഷ്ട്രയില്‍ മുന്‍ തൂക്കമുള്ളത്. എന്‍സിപിക്ക് 45 സീറ്റുകളിലും. 110 സീറ്റുകളുമായി ബിജെപി ബഹുദൂരം മുന്നിലാണ്. 66 സീറ്റുകളില്‍ ശിവസേനക്ക് മുന്‍തൂക്കമുണ്ട്.
തിരഞ്ഞെടുപ്പിന് തൊട്ടുമുമ്പ് ശിവസേനയും ബിജെപിയും സഖ്യം ഉപേക്ഷിച്ചതിന് തൊട്ടുപിറകേയായിരുന്നു എന്‍സിപി-കോണ്‍ഗ്രസ് സഖ്യം പിരിഞ്ഞത്. എന്‍സിപി ബിജെപിക്കൊപ്പം ചേരും എന്ന് റിപ്പോര്‍ട്ടുകളുണ്ടായിരുന്നു.
ഹരിയാനയില്‍ 50 സീറ്റുകളിലാണ് ബിജെപി മുന്നിട്ട് നില്‍ക്കുന്നത്. കോണ്‍ഗ്രസിന് മുന്‍തൂക്കമുള്ളത് വെറും 11 സീറ്റകളില്‍ മാത്രമാണ്. ഐഎന്‍എല്‍ഡി 19 സീറ്റുകളില്‍ മുന്നിലാണ്. കഴിഞ്ഞ തവണത്തെ നാല് സീറ്റുകളില്‍ നിന്നാണ് ബിജെപി വന്‍ നേട്ടം ഉണ്ടാക്കിയിരിക്കുന്നത്.
