റോഡിന് അബ്ദുള് കലാമിന്റെ പേര്, പ്രതിഷേധവുമായി സിപിഎം രംഗത്ത്
ദില്ലി: റോഡിന് അബ്ദുള് കലാമിന്റെ പേര് നല്കിയതില് പ്രതിഷേധം ശക്തമാകുന്നു. ദില്ലിയിലെ ഔറംഗസീബ് റോഡിനാണ് അബ്ദുള് കലാമിന്റെ പേര് നല്കിയിരിക്കുന്നത്. ആം ആദ്മി പാര്ട്ടി ഇതിനെ പിന്തുണച്ചെങ്കിലും സിപിഐഎം ശക്തമായി എതിര്ക്കുകയാണ് ചെയ്തത്.
ഇതിനെതിരെ പ്രദേശത്ത് സിപിഎമ്മിന്റെ പ്രതിഷേധങ്ങളും നടക്കുന്നുണ്ട്. വര്ഗീയ അടിസ്ഥാനത്തിലാണ് ഔറംഗസീബിന്റെ പേരു മാറ്റി കലാമിന്റെ പേരു നല്കിയത്. ഇത്തരം നിലപാടിനോട് യോജിക്കാന് ആവില്ലെന്നാണ് സിപിഎമ്മിന്റെ നിലപാട്. ആം ആദ്മി പാര്ട്ടി ഇതിനെ പിന്തുണച്ചത് ശരിയായില്ലെന്നും സിപിഎം നേതൃത്വം വ്യക്തമാക്കി.
ഔറംഗസീബിന്റെ പേര് ആ റോഡിന് തിരിച്ചു നല്കണമെന്നാണ് സിപിഎമ്മിന്റെ ആവശ്യം. അബ്ദുള് കലാമിനോടുള്ള ആദരവ് കാണിക്കാന് മറ്റ് പല മാര്ഗങ്ങളുണ്ടെന്നും സിപിഎം നേതാക്കള് പറയുന്നു.
ഔറംഗസീബിന്റെ പേരിലുള്ള റോഡിനു അബ്ദുള് കലാമിന്റെ പേര് നല്കാന് ദില്ലി നഗരസഭയാണ് തീരുമാനിച്ചത്. ഇതിനെ ദില്ലി മുഖ്യമന്ത്രി അരവിന്ദ് കെജ്രിവാളിന്റെ പിന്തുണയും ലഭിച്ചിരുന്നു.