Click it and Unblock the Notifications
Just In
Don't Miss
-
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
പ്രശ്നം നിങ്ങളുടേതായിരിക്കില്ല, പക്ഷേ പങ്കാളി എത്ര പ്രകോപിപ്പിച്ചാലും ഈ ഒരു കാര്യം ചെയ്യരുത് -
ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ദില്ലിയില്‍ വാരാന്ത്യ കര്‍ഫ്യൂ പ്രഖ്യാപിച്ചു; മാളുകള്‍ അടയ്ക്കും, വിവാഹങ്ങള്‍ക്ക് നിയന്ത്രിത അനുമതി
ദില്ലി: കൊറോണ രോഗം അതിവേഗം വ്യാപിക്കുന്നതിനിടെ ദില്ലിയില്‍ വാരാന്ത്യ കര്‍ഫ്യൂ പ്രഖ്യാപിച്ച് അരവിന്ദ് കെജ്രിവാള്‍ സര്‍ക്കാര്‍. വെള്ളിയാഴ്ച മുതല്‍ കര്‍ഫ്യൂ ആയിരിക്കുമെന്ന് മുഖ്യമന്ത്രി പറഞ്ഞു. നേരത്തെ നിശ്ചയിച്ച വിവാഹങ്ങള്‍ നടത്തുന്നതിന് തടസമുണ്ടാകില്ല. എന്നാല്‍ കൂടുതല്‍ ആളുകള്‍ ഒത്തുചേരുന്നത് തടയും. പാസ് ഉപയോഗിച്ചാകും അനുമതി നല്‍കുക എന്നും മുഖ്യമന്ത്രി പറഞ്ഞു.
ഓഡിറ്റോറിയം, റസ്റ്ററന്റുകള്‍, മാളുകള്‍, ജിംനേഷ്യം, സ്പാ എന്നിവ വാരാന്ത്യത്തില്‍ അടച്ചിടും. സിനിമാ തിയ്യേറ്ററുകളില്‍ മൂന്നിലൊന്ന് പേര്‍ക്ക് അനുമതി നല്‍കും. പുറത്തുപോയുള്ള ഭക്ഷണം കഴിക്കല്‍ നിരോധിച്ചു. ഹോട്ടലുകള്‍ക്ക് ഹോം ഡെലിവെറി അനുവദിച്ചു. ആഴ്ച ചന്തകള്‍ നിയന്ത്രണങ്ങളോടെ പ്രവര്‍ത്തിക്കും. ദിവസം ഒരു പ്രദേശത്ത് ഒരു ചന്ത മാത്രമേ പ്രവര്‍ത്തിക്കാന്‍ അനുവദിക്കൂ.
എല്ലാ പൊതുപരിപാടികളും കര്‍ഫ്യൂ കാലയളവില്‍ നിരോധിച്ചു. വിവാഹ ചടങ്ങുകളില്‍ 50 പേര്‍ക്ക് പങ്കെടുക്കാം. മരണാനന്തര ചടങ്ങുകളില്‍ 20 പേര്‍ക്കും. നിങ്ങള്‍ക്കും നിങ്ങളുടെ കുടുംബത്തിനും വേണ്ടിയാണ് ഈ നിയന്ത്രണങ്ങളെല്ലാമെന്ന് കെജ്രിവാള്‍ ഓര്‍മിപ്പിച്ചു. ആരും ആശങ്കപ്പെടേണ്ടതില്ല. അവശ്യ വസ്തുക്കള്‍ വാരാന്ത്യത്തിലും ലഭിക്കുമെന്നും മുഖ്യമന്ത്രി പറഞ്ഞു. ലഫ്റ്റനന്റ് ഗവര്‍ണര്‍ അനില്‍ ബൈജാലുമായി ചര്‍ച്ച നടത്തിയ ശേഷമാണ് മുഖ്യമന്ത്രി ദില്ലിയിലെ പുതിയ നിയന്ത്രണങ്ങള്‍ സംബന്ധിച്ച് വിശദീകരിച്ചത്.
ബുധനാഴ്ച മാത്രം 17282 പേര്‍ക്ക് ദില്ലിയില്‍ കൊറോണ രോഗം ബാധിച്ചിരുന്നു. കൊറോണ റിപ്പോര്‍ട്ട് ചെയ്തതിന് ശേഷം ഒരു ദിവസം ഇത്രയും പേര്‍ക്ക് രോഗം ബാധിക്കുന്നത് ആദ്യമാണ്. കൊവിഡിന്റെ രണ്ടാം തരംഗത്തില്‍ കൂടുതല്‍ പ്രതിസന്ധി നേരിടുന്ന സംസ്ഥാനങ്ങളില്‍ ദില്ലിയും ഉള്‍പ്പെടും. മഹാരാഷ്ട്രയിലും ഗുജറാത്തിലും രോഗവ്യാപനം ശക്തമാണ്. ദില്ലിയില്‍ ബുധനാഴ്ച 100ലധികം പേര്‍ മരിച്ചു. മരണ നിരക്ക് കൂടിയതും ആശങ്ക വര്‍ധിപ്പിച്ചിട്ടുണ്ട്. ആശുപത്രികളില്‍ സൗകര്യങ്ങള്‍ വിപുലീകരിക്കാനുള്ള നീക്കങ്ങള്‍ പൂര്‍ണമായും വിജയിച്ചിട്ടില്ല.
Recommended Video
