കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കുടുംബ വഴക്ക്; ഗൃഹനാഥന്‍ അപ്പാര്‍ട്ടമെന്റിന് തീയിട്ടു; നാലു മരണം

  • By Gokul
Google Oneindia Malayalam News

ദില്ലി: കുടുംബ വഴക്കിനെ തുടര്‍ന്ന് മദ്ധ്യവയസ്‌കന്‍ അപ്പാര്‍ട്ട്‌മെന്റിന് തീയിട്ടതിനെ തുടര്‍ന്ന് നാലുപേര്‍ മരിച്ചു. എട്ടുപേര്‍ക്ക് ഗുരുതരമായി പൊള്ളലേറ്റു. ഡല്‍ഹിയിലെ പാലം വിഹാറിലാണ് സംഭവം. ഭാര്യയും കുട്ടികളും അവരുടെ മാതാവും താമസിക്കുന്ന അപ്പാര്‍ട്ടിമെന്റിനാണ് ട്രക്ക് ഡ്രൈവറായ അനില്‍ കുമാര്‍ തീയിട്ടത്. ഇയാളെ പോലീസ് പിന്നീട് അറസ്റ്റ് ചെയ്തു.

തന്റെ അവിഹിത ബന്ധത്തെ ഭാര്യാമാതാവ് ചോദ്യം ചെയ്തതിലുള്ള പ്രതികാരമായാണ് അനില്‍കുമാര്‍ കടുംകൈ ചെയ്തതെന്നാണ് വിവരം. അനില്‍കുമാറിന്റെ ഭാര്യയും മക്കളും ഏറെക്കാലമായി അവരുടെ മാതാവിനൊപ്പമാണ് താമസം. കഴിഞ്ഞദിവസം പുലര്‍ച്ചെ രണ്ടുമണിയോടെ സ്ഥലത്തെത്തിയ കുമാര്‍ താഴത്തെ നിലയില്‍ തീ കൊളുത്തുകയായിരുന്നു. '

fire

മൂന്നു നിലകളുള്ള അപ്പാര്‍ട്ട്‌മെന്റില്‍ നിന്നും ചിലര്‍ക്ക് പൊടുന്നനെ രക്ഷപ്പെടാന്‍ കഴിഞ്ഞില്ല. കുമാറിന്റെ ഭാര്യാ മാതാവ് കൈലാഷ് റാണി, രണ്ടാം നിലയിലെ താമസക്കാരനായ ജഗ്ദീപ് (32), ജഗ്ദീപിന്റെ ഒരു വയസുള്ള മകന്‍ ആകാശ് എന്നിവരാണ് മരിച്ചത്. മരിച്ച ഒരാളെ തിരിച്ചറിയാന്‍ സാധിച്ചിട്ടില്ല. അനില്‍ കുമാറിന്റെ ഭാര്യയും രണ്ടുമക്കളും അപകടത്തില്‍ നിന്നും രക്ഷപ്പെട്ടു.

കുമാര്‍ തീയിടുന്നത് തൊട്ടടുത്തുള്ള പാര്‍ക്കിങ് ഏരിയയിലുള്ള സിസിടിവിയില്‍ പതിഞ്ഞതായി പോലീസ് വ്യക്തമാക്കി. പ്രതി കുറ്റ സമ്മതിച്ചിട്ടുണ്ട്. അഗ്നിശമനസേന ഉടന്‍ സ്ഥത്ത് കുതിച്ചെത്തിയതിനാലാണ് കൂടുതല്‍ ആളപായം ഇല്ലാതിരുന്നതെന്ന് പോലീസ് പറഞ്ഞു. ബിജെപി കൗണ്‍സിലറുടെ ഉടമസ്ഥതയിലുള്ളതാണ് അപ്പാര്‍ട്ട്‌മെന്റ്.

English summary
Delhi Palam apartment fire; 4 killed
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X