ഐടിഐയുടെ അഡ്മിറ്റ് കാര്ഡില് പട്ടിയും
കൊല്ക്കത്ത: ഐടിഐ എന്ട്രന്സ് പരീക്ഷക്കുള്ള അഡ്മിറ്റ് കാര്ഡിനായി നെറ്റില് നേക്കിയ സൗമ്യാഡിപ് മഹാതോ എന്ന 18 കാരന് ശെരിക്കും ഞെട്ടി. എന്താണെന്നോ ? അഡ്മിറ്റ് കാര്ഡില് ഉള്ള തന്റെ ഫോട്ടോ കണ്ടിട്ടു തന്നെ.
ഐ.ടി.ഐ എന്ഡ്രന്സ് പരീക്ഷക്കുള്ള അഡ്മിറ്റ് കാര്ഡില് സൗമ്യാഡിപ് മഹാതോയുടെ അഡ്രസിനും വിവരങ്ങള്ക്കുമൊപ്പം നായയുടെ ഫോട്ടോ പതിച്ചിരിക്കുന്നത് അപ്പോള് ഏങ്ങനെ ഞെട്ടാതിരിക്കും.
വെസ്റ്റ് ബംഗാള് സ്വദേളിയായ സൗമ്യാഡിപ് മഹാതോ ഒഫീഷ്യല് ഞായറാഴ്ച വെബ്സൈറ്റില് നിന്ന് ഡൌണ്ലോഡ് ചെയ്തതായിരുന്നു പരീക്ഷക്കുള്ള അഡ്മിറ്റ് കാര്ഡ്. ഇതിലാണ് പട്ടിയുടെ ചിത്രം കൊടുത്തിരിക്കുന്നത്.
അഡ്മിറ്റ് കാര്ഡ് ലഭിച്ച ഉടനെത്തന്നെ സൗമ്യാഡിപ് മഹാതോ പ്രദേശത്തെ നോഡല് ഓഫീസറുടെ സഹായം തേടി. വൈകുന്നേരത്തോടെ അഡ്മിറ്റ് കാര്ഡില് നിന്ന് നായയുടെ ഫോട്ടോ മാറ്റി. പുതിയ അഡ്മിറ്റ് കാര്ഡ് ലഭിച്ചതോടെ പൊതു പ്രവേശന പരീക്ഷ എഴുതാന് മഹാതോക്ക് കഴിയും. സംഭവത്തില് അന്വേഷണത്തിന് ഉത്തരവിട്ടതായി നോഡല് ഓഫീസര് അറിയിച്ചു.