ഡ്രൈവര്‍ രഹിത കാറുകള്‍ക്ക് അനുമതി നല്‍കില്ലെന്ന് ഗഡ്കരി: തൊഴിവസരങ്ങള്‍ ഇല്ലാതാക്കും!!

  • Posted By:
Subscribe to Oneindia Malayalam

ദില്ലി: രാജ്യത്ത് ഡ്രൈവര്‍മാരില്ലാത്ത കാറുകള്‍ക്ക് അനുമതി നല്‍കാനാവില്ലെന്ന് കേന്ദ്ര ഗതാഗത മന്ത്രി നിതിന്‍ ഗഡ്കരി. ഇവയെ പിന്തുണയ്ക്കുന്നത് രാജ്യത്ത് തൊഴിലില്ലായ്മയക്ക് ഇടയാക്കുമെന്നാണ് ഗഡ്കരി ഉന്നയിക്കുന്ന വാദം. ലോകത്ത് ഡ്രൈവര്‍ലെസ് കാറുകള്‍ പുറത്തിറക്കുന്ന മെഴ്സിഡസ്, ഗൂഗിള്‍ തുടങ്ങിയ കമ്പനികള്‍ക്ക് തിരിച്ചടിയാവുന്നതാണ് ഇന്ത്യയുടെ നിലപാട്.

തൊഴിലില്ലായ്മ സൃഷ്ടിക്കുന്ന സാങ്കേതിക വിദ്യ വേണ്ടെന്നും തൊഴിലില്ലായ്മ നില്‍നില്‍ക്കുന്നുണ്ടെങ്കില്‍ സാങ്കേതിക വിദ്യകള്‍ അവസാനിപ്പിച്ച് ജനങ്ങള്‍ക്ക് തൊഴില്‍ നല്‍കുകയാണ് അനിവാര്യമാണെന്നും നിതിന്‍ ഗഡ്കകരി പറയുന്നു. നിലവില്‍ രാജ്യത്ത് 22 ലക്ഷത്തോളം ഡ്രൈവര്‍മാരുണ്ടെന്ന് വ്യക്തമാക്കിയ ഗഡ്കരി രാജ്യത്ത് 100 ഡ്രൈവര്‍ ട്രെയിനിംഗ് സ്ഥാപനങ്ങള്‍ തുടങ്ങുമെന്നും അറിയിച്ചു. അടുത്ത അഞ്ച് വര്‍ഷത്തിനകം അഞ്ച് ലക്ഷം പേര്‍ക്ക് തൊഴില്‍ നല്‍കാനാണ് കേന്ദ്ര നീക്കം.

 gadkari-25-1

യാത്രക്കാര്‍ക്ക് ഏത് തരത്തിലുമുള്ള വാഹനം യാത്രയ്ക്കായി തിരഞ്ഞെടുക്കുന്നതിനുള്ള കമ്മ്യൂട്ടര്‍ പ്ലാറ്റ്ഫോം കേന്ദ്ര സര്‍ക്കാര്‍ ആരംഭിക്കാനിരിക്കുകയാണെന്ന് നിതിന്‍ ഗഡ്കരി വ്യക്തമാക്കി. ഇലക്ട്രിക് നാലുചക്ര വാഹനങ്ങള്‍, ഇരു ചക്ര വാഹനങ്ങള്‍ എന്നിവ കേന്ദ്രീകരിച്ച് സര്‍വ്വീസ് നടത്തുന്നതായിരിക്കും കമ്യൂട്ടര്‍ പ്ലാറ്റ്ഫോം. ഇതിന് പുറമേ പൊതു ഗതാഗത സംവിധാനത്തിന് ആഡംബര ബസുകള്‍ ഏര്‍പ്പെടുത്തുന്നതിനായി ലോക ബാങ്ക്, ഏഷ്യന്‍ ഡവലപ്പ്മെന്‍റ് ബാങ്ക്, ലണ്ടന്‍ ട്രാന്‍സ്പോര്‍ട്ട് അതോറിറ്റി എന്നിവയുമായി കേന്ദ്രസര്‍ക്കാര്‍ ചര്‍ച്ചകള്‍ നടത്തിവരികയാണ്. നിലവിലെ ബസ് നിരക്കിനേക്കാള്‍ കുറഞ്ഞ ചെലവില്‍ മികച്ച യാത്ര വാഗ്ദാനം ചെയ്യുന്നതായിരിക്കും ആഡംബര ബസുകള്‍.
English summary
Driverless Cars Won’t Be Allowed in India, Says Transport Minister Nitin Gadkari
Please Wait while comments are loading...