ദേശീയഗാനത്തിന് എഴുന്നേല്ക്കാത്ത മുസ്ലിം കുടുംബത്തെ തീയറ്ററില് നിന്നും ഇറക്കിവിട്ടു, വീഡിയോ!
സിനിമാ തീയറ്ററില് ദേശീയഗാനം കേള്പ്പിക്കുന്നത് ദേശഭക്തിയുടെ ചിഹ്നമാണോ. തീയറ്ററില് ദേശീയഗാനം കേള്ക്കുമ്പോള് എഴുന്നേറ്റ് നിന്നില്ലെങ്കില് അത് കുറ്റമാണോ. നിയമവിദഗ്ധര് ഉള്പ്പെടെയുള്ളവര് ചര്ച്ചയിലാണ്. തീരുവനന്തപുരത്ത് സല്മാന് എന്ന ചെറുപ്പക്കാരന് ദേശീയഗാന വിവാദത്തില് പെട്ടതോടെയാണ് മലയാളികള് ഈ വിഷയം കാര്യമായി ശ്രദ്ധിച്ചു തുടങ്ങിയത്.
ഇപ്പോഴിതാ ദേശീയഗാനം പാടുമ്പോള് എഴുന്നേറ്റ് നിന്നില്ല എന്നാരോപിച്ച് ഒരു മുസ്ലിം കുടുംബത്തെ സിനിമാ തീയറ്ററില് നിന്നും ഇറക്കിവിട്ടിരിക്കുന്നു. സോഷ്യല് മീഡിയയില് വൈറലായിക്കൊണ്ടിരിക്കുകയാണ് ഈ സംഭവത്തിന്റെ വീഡിയോ. 2 മിനുട്ട് 40 സെക്കന്ഡ് ദൈര്ഘ്യമുള്ള വീഡിയോ ആണ് ഫേസ്ബുക്കിലും വാട്സ് ആപ്പിലുമായി പ്രചരിക്കുന്നത്.
എന്തിനാണീ ബഹളം
ദേശീയഗാനത്തെ ബഹുമാനിക്കണം എന്നത് പൗരന്മാരുടെ കടമയാണ്. എന്ന് കരുതി സിനിമാ തീയറ്ററില് ദേശീയഗാനം കേള്പ്പിക്കുന്നതും ആളുകളെ എഴുന്നേറ്റ് നില്ക്കാന് നിര്ബന്ധിക്കുന്നതും എന്ത് ന്യായത്തിന്റെ പുറത്താണ് - ദേശീയഗാന വിവാദം കത്തിനിന്നപ്പോള് ഉയര്ന്ന ഈ ചോദ്യം വീണ്ടും പ്രസക്തമാകും. ഈ വീഡിയോ കണ്ടാല്.
തട്ടിക്കയറലും ബഹളവും
ദേശീയഗാനത്തിനിടെ എഴുന്നേറ്റില്ല എന്ന് പറഞ്ഞ് ഒരു മുസ്ലിം കുടുംബത്തെ ആളുകള് ചോദ്യം ചെയ്യുന്നതാണ് ദൃശ്യങ്ങളില്. ഇവരെ തടയാന് മറ്റ് ചിലര് ശ്രമിക്കുന്നതും കാണാം.
ഇറക്കിവിട്ടതിന് കയ്യടി
തര്ക്കത്തിനൊടുവില് കുടുംബത്തെ ഇറക്കിവിട്ടത് അവിടെ കൂടിനിന്നിരുന്ന ആളുകള് കയ്യടിയോടെയാണ് സ്വീകരിച്ചത്. വീഡിയോ ഷെയറിങ് സൈറ്റായ യൂട്യൂബില് നവംബര് 29നാണ് ഈ വീഡിയോ ഷെയര് ചെയ്തത്.
മുംബൈയോ ബെംഗളൂരുവോ
എവിടെയാണ് ഈ സംഭവം നടന്നത് എന്നത് ദൃശ്യങ്ങളില് നിന്നും വ്യക്തമല്ല. ചിലര് പറയുന്നു ഇത് മുംബൈ ആണെന്ന് മറ്റ് ചിലര് പറയുന്നു ബെംഗളൂരു ആണെന്ന്
ഇതാണാ വീഡിയോ
ദേശീയഗാനത്തിന് എഴുന്നേല്ക്കാത്ത മുസ്ലിം കുടുംബത്തെ തീയറ്ററില് നിന്നും ഇറക്കിവിട്ടതായി പ്രചരിക്കുന്ന വീഡിയോ ഇതാണ്. കാണൂ..
ലൈക്ക് വണ്ഇന്ത്യ
വേറിട്ടൊരു വാര്ത്താ വായനാനുഭവത്തിന് മലയാളം വണ്ഇന്ത്യയുടെ ഫേസ് ബുക്ക് എക്കൗണ്ട് ലൈക്ക് ഇവിടെ ക്ലിക്ക് ചെയ്യൂ ഫോളോ ട്വിറ്റര്