മദ്യക്കുപ്പിയില് ഗണപതി!ഷൂവില് ഓം! ഹിന്ദു വികാരം വ്രണപ്പെടുത്തി!ഓണ്ലൈന് സൈറ്റുകള്ക്ക് പണി!
യെസ് വി വൈബ്. കോം, ലോ കോസ്റ്റ്.കോം എന്നിവയ്ക്കെതിരെയാണ് പരാതി നല്കിയിരിക്കുന്നത്.
ദില്ലി: ഹിന്ദു വികാരം വ്രണപ്പെടുത്തിയെന്നാരോപിച്ച് രണ്ട് ഓണ്ലൈന് അമേരിക്കന് കമ്പനികള്ക്കെതിരെ പോലീസ് കേസെടുത്തു. ബിയര് ബോട്ടിലില് ഗണപതിയുടെ ചിത്രം പതിപ്പിച്ചതിനും ഷൂസില് ഓം പതിപ്പിച്ചതിനുമാണ് കേസ് എടുത്തിരിക്കുന്നത്.
യെസ് വി വൈബ്. കോം, ലോ കോസ്റ്റ്.കോം എന്നിവയ്ക്കെതിരെയാണ് പരാതി നല്കിയിരിക്കുന്നത്. ഓം പതിപ്പിച്ചിരിക്കുന്ന ഷൂ വിറ്റതിനാണ് യെസ് വി വൈബ്. കോമിനെതിരെ പരാതി നല്കിയിരിക്കുന്നത്. ഗണപതിയുടെ ചിത്രം ബിയര് ബോട്ടിലില് പതിപ്പിച്ചതിനാണ് ലോ കോസ്റ്റ്. കോമിനെതിരെ കേസെടുത്തിരിക്കുന്നത്.
ഭാരത് സ്കൗട്ട് ആന്ഡ് ഗൈഡ് കമ്മിഷ്ണര് നരേഷ് കഡയാനാണ് പരാതി നല്കിയത്. വിദേശകാര്യ മന്ത്രാലയത്തിനും അദ്ദേഹം കത്ത് നല്കിയിട്ടുണ്ട്. വെബ്സൈറ്റുകള്ക്കെതിരെ നടപടി എടുക്കണമെന്നും ഉല്പ്പന്നങ്ങള് സൈറ്റുകളില് നിന്ന് നീക്കണമെന്നും കത്തില് ആവശ്യപ്പെട്ടിട്ടുണ്ട്.
ഷൂവില് ഓം പതിച്ചതിലൂടെ ലോകത്തുളള ഹിന്ദു മത വിശ്വാസികളുടെ വികാരം വ്രണപ്പെട്ടിരിക്കുകയാണെന്ന് പ്രശാന്ത് വിഹാര് പോലീസില് നല്കിയ പരാതിയില് അദ്ദേഹം പറയുന്നുകഴിഞ്ഞ വര്ഷം ജൂണില് ഹിന്ദു ദൈവങ്ങളുടെ ചിത്രം പതിച്ച ചവിട്ടി വില്പ്പനയ്ക്ക് വച്ചതിന് ആമസോണിനെതിരെ പ്രതിഷേധം ഉയര്ന്നിരുന്നു.