കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

യുപി പോലീസിന് തിരിച്ചടി; ട്വിറ്റര്‍ എംഡിക്കെതിരായ നോട്ടീസ് കര്‍ണാടക ഹൈക്കോടതി റദ്ദാക്കി

Google Oneindia Malayalam News

ബെംഗളൂരു: ട്വിറ്റര്‍ ഇന്ത്യ എംഡി മനീഷ് മഹേശ്വരിക്കെതിരെ ഉത്തര്‍ പ്രദേശിലെ ഗാസിയാബാദ് പോലീസ് പുറത്തിറക്കിയ നോട്ടീസ് കര്‍ണാടക ഹൈക്കോടതി റദ്ദാക്കി. മുസ്ലിം വൃദ്ധനെ ഒരു കൂട്ടം യുവാക്കള്‍ മര്‍ദ്ദിക്കുകയും ഇതിന്റെ വീഡിയോ ട്വിറ്ററില്‍ ചിലര്‍ പോസ്റ്റ് ചെയ്യുകയും ചെയ്ത സംഭവത്തിലാണ് പോലീസ് കമ്പനി എംഡിക്ക് നോട്ടീസ് നല്‍കിയിരുന്നത്. പോലീസിന് മനീഷ് മഹേശ്വരിയെ ചോദ്യം ചെയ്യണമെങ്കില്‍ അദ്ദേഹത്തിന്റെ ഓഫീസിലെത്താം. അല്ലെങ്കില്‍ ഓണ്‍ലൈന്‍ വഴി ചോദ്യം ചെയ്യാമെന്നും കോടതി വ്യക്തമാക്കി. സോഷ്യല്‍ മീഡിയ പ്ലാറ്റ്‌ഫോമില്‍ വരുന്ന എല്ലാ കാര്യങ്ങള്‍ക്കും തനിക്ക് പങ്കില്ലെന്ന് മനീഷ് മഹേശ്വരി കോടതിയില്‍ ബോധിപ്പിച്ചു.

t

പോലീസിനുള്ള അധികാരം വ്യക്തികളെ പീഡിപ്പിക്കാനുള്ള ഉപകരമായി മാറ്റാന്‍ അനുവദിക്കില്ലെന്ന് ജസ്റ്റിസ് ജി നാഗേന്ദര്‍ പറഞ്ഞു. കമ്പനിയുടെ സെയില്‍സ്, മാര്‍ക്കറ്റിങ് കാര്യങ്ങളാണ് മനീഷ് മഹേശ്വരി നോക്കുന്നതെന്ന് അദ്ദേഹത്തിന്റെ അഭിഭാഷകന്‍ സിവി നാഗേഷ് കോടതിയെ ബോധിപ്പിച്ചു. ട്വിറ്റര്‍ കമ്പനിയുടെ മുഴുവന്‍ ബോര്‍ഡ് അംഗങ്ങളെ കുറിച്ചുള്ള വിവരങ്ങളും പൊതുഇടങ്ങളില്‍ ലഭ്യമാണ്. എന്നിട്ടും തന്റെ കക്ഷിയെ പോലീസ് ലക്ഷ്യമിടുകയാണെന്നും അഭിഭാഷകന്‍ വാദിച്ചു. തുടര്‍ന്നാണ് കോടതി നോട്ടീസ് റദ്ദാക്കിയത്.

മുസ്തഫ രാജുമായുള്ള വിവാഹം; പ്രിയാമണിക്ക് പറയാനുള്ളത് ഇതാണ്... ഞങ്ങളുടെ ബന്ധത്തിന്റെ ശക്തിമുസ്തഫ രാജുമായുള്ള വിവാഹം; പ്രിയാമണിക്ക് പറയാനുള്ളത് ഇതാണ്... ഞങ്ങളുടെ ബന്ധത്തിന്റെ ശക്തി

ഉത്തര്‍ പ്രദേശിലെ ലോനിയില്‍ മുസ്ലിം വൃദ്ധനെ മര്‍ദ്ദിച്ച് താടി മുറിച്ചുകളഞ്ഞ സംഭവം ദേശീയ തലത്തില്‍ ചര്‍ച്ചയായിരുന്നു. എന്താണ് സംഭവിച്ചത് എന്ന് വിശദീകരിക്കുന്ന വൃദ്ധന്റെ വീഡിയോയും മര്‍ദ്ദിക്കുന്ന രംഗങ്ങളും ട്വിറ്റര്‍ പ്രചരിച്ചു. വ്യാജമായ വീഡിയോ ആണ് പ്രചരിച്ചത് എന്നാണ് പോലീസ് അറിയിച്ചത്. ഈ സംഭവത്തിലാണ് ട്വിറ്ററിനെതിരെ യുപി പോലീസ് കേസെടുത്തത്.

വിവാഹ മോചനം നേടിയിട്ട് 7 വര്‍ഷം; പ്രിയ രാമനും രഞ്ജിത്തും വീണ്ടും ഒന്നിച്ചു... അപൂര്‍വം ഈ താര ദമ്പതികള്‍വിവാഹ മോചനം നേടിയിട്ട് 7 വര്‍ഷം; പ്രിയ രാമനും രഞ്ജിത്തും വീണ്ടും ഒന്നിച്ചു... അപൂര്‍വം ഈ താര ദമ്പതികള്‍

ചോദ്യം ചെയ്യലിന് ഹാജരാകണമെന്ന് പോലീസ് അയച്ച നോട്ടീസില്‍ ആവശ്യപ്പെട്ടിരുന്നു. ഹാജരാകില്ലെന്നും ഓണ്‍ലൈന്‍ വഴി ചോദ്യങ്ങള്‍ക്ക് മറുപടി നല്‍കാമെന്നും മനീഷ് മഹേശ്വരി വ്യക്തമാക്കുകയും ചെയ്തു. വീഡിയോയില്‍ പറയുന്ന കാര്യങ്ങള്‍ പോലീസ് തള്ളിയിരുന്നു. ഇത് വ്യാജമാണെന്ന് പോലീസ് അറിയിക്കുകയും ചെയ്തു. എന്നിട്ടും വീഡിയോ നീക്കം ചെയ്യാന്‍ ട്വിറ്റര്‍ തയ്യാറാക്കത്തതാണ് കേസെടുക്കാന്‍ കാരണം. എന്നാല്‍ നോട്ടീസ് ഹൈക്കോടതി റദ്ദാക്കിയതോടെ പോലീസിന് മുമ്പില്‍ മനീഷ് മഹേശ്വരിക്ക് നേരിട്ട് ഹാജരാകേണ്ടതില്ല.

Recommended Video

cmsvideo
'മുസ്ലിം സ്ത്രീകൾ ലേലത്തിന് 'പ്രതിഷേധം കത്തുന്നു | Oneindia Malayalam

English summary
Ghaziabad incident: Karnataka High Court Quashes Notice Against Twitter MD
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X