Click it and Unblock the Notifications
Just In
Don't Miss
-
IPL 2024: എന്തൊരു തോല്വി! ആര്സിബിയ്ക്ക് പുതിയ ഉടമകള് വേണം! ബിസിസിഐയോട് മഹേഷ് ഭൂപതി -
മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
കൊളസ്ട്രോള് കൂടിയാല് പെട്ടെന്ന് തിരിച്ചറിയാം; ആരും ശ്രദ്ധിക്കാത്ത ഈ ലക്ഷണങ്ങളിലൂടെ -
മാരുതി ഏരിയയിലേ ഇല്ല, ഇന്ത്യയില് ഏറ്റവും കൂടുതല് വിറ്റഴിക്കുന്ന എസ്യുവികള് രണ്ടും ടാറ്റയുടേത് -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
അയല്‍വാസി പീഡിപ്പിച്ച് ഗര്‍ഭിണിയാക്കിയ 15 കാരി സ്കൂളില്‍ പ്രസവിച്ചു, പ്രതി 51 കാരന്‍!!
പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ സംഭവത്തില്‍ 51 കാരന്‍ അറസ്റ്റില്‍
ദില്ലി: അയല്‍വാസി പീഡിപ്പിച്ച് ഗര്‍ഭിണിയാക്കിയ 15 കാരി സ്കൂളില്‍ പ്രസവിച്ചു. സ്കൂളിലെ ശുചിമുറിയിലാണ് പെണ്‍കുട്ടി വളര്‍ച്ചയെത്താത്ത കുഞ്ഞിന് ജന്മം നല്‍കിയത്. സംഭവത്തില്‍ കുറ്റവാളി പോലീസ് പിടിയിലായി. ഒമ്പത് വര്‍ഷത്തിനിടെ പലതവണ ഇയാളുടെ പീഡനത്തിനിരയായ പെണ്‍കുട്ടി ഗര്‍ഭം ധരിക്കുകയായിരുന്നു. നോര്‍ത്ത് ദില്ലിയിലാണ് സംഭവം. മുഖര്‍ജി നഗറിലെ സ്കൂളില്‍ പത്താം ക്ലാസ് വിദ്യാര്‍ത്ഥിനിയാണ് പീഡനത്തിനിരയായ പെണ്‍കുട്ടി.
പരീക്ഷയെഴുതാന്‍ സ്കൂളില്‍ എത്തിയപ്പോള്‍ വയറുവേദന അനുഭവപ്പെട്ട പെണ്‍കുട്ടി ശുചി മുറിയില്‍ കുഞ്ഞിന് ജന്മം നല്‍കുകയായിരുന്നു. ഉടന്‍ തന്നെ കുട്ടിയെ ആശുപത്രിയിലെത്തിച്ച സ്കൂള്‍ അധികൃതര്‍ പോലീസില്‍ വിവരമറിയിക്കുകയായിരുന്നു. തുടര്‍ന്ന് പോലീസിനോട് കാര്യങ്ങള്‍ വെളിപ്പെടുത്തിയ പെണ്‍കുട്ടി തന്നെ 51 കാരനായ അയല്‍വാസി പലതവണ പീഡനത്തിന് ഇരയാക്കിയിരുന്നുവെന്ന് വെളിപ്പെടുത്തുകയായിരുന്നു. എന്നാല്‍ ഈ വിവരം ആരോടെങ്കിലും പറയാതിരിക്കാന്‍ കുറ്റവാളിയ്ക്ക് പണം നല്‍കുകയും ചെയ്തിരുന്നു.
പെണ്‍കുട്ടിയുടെ സഹായത്തോടെ കുറ്റവാളിയെ തിരിച്ചറിഞ്ഞ പോലീസ് ഇയാളെ അറസ്റ്റ് ചെയ്യുകയായിരുന്നു. ബീഹാര്‍ സ്വദേശിയായ ഇയാള്‍ ദില്ലിയില്‍ ഓട്ടോ ഡ്രൈവറായി ജോലി നോക്കിവരികയാണ്. പെണ്‍കുട്ടി വയറുവേദനയെക്കുറിച്ച് പരാതി പറഞ്ഞതിനെ തുടര്‍ന്ന് ഗര്‍ഭഛിദ്രത്തിന് വേണ്ടി ചില ഗുളികകള്‍ നല്‍കിയിരുന്നുവെന്ന് അറസ്റ്റിലായ പ്രതി പോലീസിനോട് പറഞ്ഞു. എന്നാല്‍ വയറുവേദനയെക്കുറിച്ച് മകള്‍ പരാതി പറഞ്ഞെങ്കിലും ഗര്‍ഭിണിയാണെന്ന് കരുതിയിരുന്നില്ലെന്നാണ് രക്ഷിതാക്കള്‍ പറയുന്നത്.
