Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
മാനേജറുടെ കൊലപാതകം: ആള്‍ദൈവം ഗുര്‍മീത് റാം റഹീം സിംഗിനും മറ്റ് നാല് പേര്‍ക്കും ജീവപര്യന്തം
ദില്ലി: ദേരാ സച്ചാ സൗദ തലവനും ആള്‍ദൈവവുമായ ഗുര്‍മീത് റാം റഹീം സിംഗിന് ജീവപര്യന്തം. ഗുര്‍മീതിന്റെ മാനേജര്‍ രഞ്ജിത്ത് സിംഗിന്റെ കൊലപാതകത്തിലാണ് കോടതി വിധി പറഞ്ഞത്. ഗുര്‍മീതിനൊപ്പം നാല് പേര്‍ക്കും ജീവപര്യന്തം വിധിച്ചിട്ടുണ്ട്. കൊല്ലപ്പെട്ട രഞ്ജിത്ത് ദേര സച്ച സൗദയുടെ മാനേജറും സംഘടനയുടെ ഭക്തനുമായിരുന്നു. 2002ലാണ് ഇയാള്‍ വെടിയേറ്റ് കൊല്ലപ്പെടുന്നത്. ജസ്ബീര്‍, സബ്ദില്‍, അവതാര്‍, കൃഷന്‍ലാല്‍, ഇന്ദര്‍സെന്‍ എന്നിവരെയാണ് കോടതി ശിക്ഷിച്ചത്. ഒക്ടോബര്‍ എട്ടിന് കോടതി ഇവര്‍ കുറ്റക്കാരാണെന്ന് കണ്ടെത്തിയിരുന്നു. കൊലപാതക ശ്രമം അടക്കം കുറ്റങ്ങള്‍ ഇവര്‍ക്കെതിരെയുണ്ടായിരുന്നു.
ഹരിയാനയിലെ പഞ്ച്കുലയിലുള്ള സിബിഐ കോടതിയാണ് ഗുര്‍മീത് കുറ്റക്കാരനാണെന്ന് കണ്ടെത്തിയത്. 31 ലക്ഷം രൂപ പിഴയായി ഗുര്‍മീതില്‍ നിന്നും 50000 രൂപ മറ്റ് നാല് പേരില്‍ നിന്നും ഈടാക്കും. ഗുര്‍മീത് സ്ത്രീകളെ ചൂഷണം ചെയ്യുന്ന രീതികളെ കുറിച്ച് നേരത്തെ ഒരു കത്ത് പ്രചരിച്ചിരുന്നു. ഇതിന് പിന്നില്‍ രഞ്ജിത്ത് ആണെന്ന് സംശയമുണ്ടായിരുന്നു. ഇതിനെ തുടര്‍ന്നാണ് ഇയാള്‍ ഗുര്‍മീതും കൂട്ടാളികളും കൊലപ്പെടുത്തിയത്. ഇതിനായി ഇവര്‍ ആ ദ്യം ഗൂഢാലോചന നടത്തിയെന്ന് സിബിഐ കുറ്റപത്രത്തില്‍ പറയുന്നു. ഹരിയാനയിലെ കുരുക്ഷേത്രയില്‍ വെച്ചാണ് രഞ്ജിത്തിനെ ഇവര്‍ വെടിവെച്ച് കൊന്നത്.
ഗുര്‍മീത് ഇപ്പോള്‍ ഇരുപത് വര്‍ഷത്തെ ശിക്ഷ അനുഭവിച്ച് കൊണ്ടിരിക്കുകയാണ്. ആശ്രമത്തിലെ അന്തേവാസികളായ രണ്ട് സ്ത്രീകളെ ബലാത്സംഗം ചെയ്ത കുറ്റത്തിനാണ് ജയിലിലായത്. 2017 ഓഗസ്റ്റിനായിരുന്നു ഇയാള്‍ കുറ്റക്കാരനാണെന്ന് കോടതി വിധിച്ചത്. 2019ല്‍ മാധ്യമപ്രവര്‍ത്തകന്‍ രാമചന്ദ്ര ഛത്രപതിയുടെ കൊലപാതകത്തിലും ഗുര്‍മീതും കൂട്ടാളികളായ മൂന്ന് പേരും കുറ്റക്കാരാണെന്ന് കണ്ടെത്തിയിരുന്നു. ഗുര്‍മീതിന്റെ ലൈംഗിക ചൂഷണത്തെ കുറിച്ചുള്ള കത്ത് ഛത്രപതിയാണ് പ്രസിദ്ധീകരിച്ചത്. ബുര്‍ജ് ജവഹര്‍ സിംഗ് വാല ഗുരുദ്വാരയില്‍ മോഷണം നടത്തിയ കേസും ഗുര്‍മീത് നേരിടുന്നുണ്ട്. ഇവിടെ നിന്ന് മതഗ്രന്ഥം മോഷ്ടിക്കാന്‍ ശ്രമിച്ചുവെന്നാണ് പരാതി.
നേരത്തെ ഗുര്‍മീതിനെ അറസ്റ്റ് ചെയ്യാനായി വലിയ പോരാട്ടം തന്നെ പോലീസ് നടത്തേണ്ടി വന്നിരുന്നു. പോലീസ് ഗുര്‍മീതിനെ അറസ്റ്റ് ചെയ്തതിന് പിന്നാലെ ഇയാളുടെ അനുയായികള്‍ വലിയ പ്രശ്‌നങ്ങള്‍ പഞ്ച്കുലയിലും ഹരിയാനയുടെ മറ്റ് ഭാഗങ്ങളിലും ഉണ്ടാക്കിയിരുന്നു. 36 പേരാണ് ആ സംഭവത്തില്‍ കൊല്ലപ്പെട്ടത്. നാനൂറിലധികം പേര്‍ക്ക് പരിക്കേറ്റിട്ടുണ്ട്. ആ അക്രമത്തിന് ഇതുവരെ ആരെയും കുറ്റക്കാരായി കണ്ടെത്തിയിട്ടില്ല. ഗുര്‍മീതിനെതിരെയുള്ള മറ്റ് കേസുകള്‍ പോലെ ഈ കേസും നേരത്തെ തന്നെ വലിയ വിവാദമായതാണ്. മാധ്യമങ്ങളില്‍ ഇത് വലിയ വാര്‍ത്തയായതുമാണ്.
ഓരോ വീഴ്ചയ്ക്ക് ശേഷവും ഉയര്‍ച്ചയുണ്ടാകുമെന്ന് അമേയ, പൊളി ഫോട്ടോഷൂട്ടെന്ന് ആരാധകര്‍
Recommended Video
