Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വാഹനത്തിന് ഇന്‍ഷുറന്‍സില്ലേ? എന്നാല്‍ പുറത്തിറക്കരുത്, ഇറക്കിയാല്‍ പണിയുറപ്പ്!!!
ഇന്‍ഷുറന്‍സില്ലാതെ ഓടുന്ന വാഹനങ്ങള്‍ക്കെതിരേ കര്‍ശന നടപടിയെടുക്കാന്‍ സര്‍ക്കാര്‍ നീക്കം
ദില്ലി: ഇന്‍ഷുറന്‍സില്ലാത്ത വാഹനങ്ങള്‍ക്കെതിരേ കര്‍ശന നിയമം വരുന്നു. ഇന്‍ഷുറന്‍സില്ലാതെ ഓടുന്ന വാഹനങ്ങള്‍ പിടിച്ചെടുക്കാനാണ് സര്‍ക്കാര്‍ നീക്കം. മാത്രമല്ല ഇത്തരത്തില്‍ പിടിച്ചെടുക്കുന്ന വാഹനങ്ങള്‍ ഇന്‍ഷുറന്‍സ് പുതുക്കിയാല്‍ മാത്രമേ ഉടമകള്‍ക്കു തിരിച്ചുനല്‍കാവൂയെന്നുമാണ് നിര്‍ദേശം.
റോഡ് സുരക്ഷയ്ക്കായുള്ള സുപ്രീം കോടതി സമിതിയാണ് ഇന്‍ഷുറസന്‍സില്ലാത്ത വാഹനങ്ങള്‍ക്കെതിരേ ശക്തമായ നടപടി വേണമെന്ന് സംസ്ഥാനങ്ങള്‍ക്കു നിര്‍ദേശം നല്‍കിയത്.
രാജ്യത്തെ പകുതിയിലധികം വാഹനങ്ങള്‍ക്കും ഇന്‍ഷുറന്‍സില്ലെന്നാണ് കണ്ടെത്തിയിരിക്കുന്നത്. ഇന്‍ഷുറന്‍സ് നിയന്ത്രണ വികസന അതോറിറ്റിയും ജനറല്‍ ഇന്‍ഷുറന്‍സ് കൗണ്‍സിലുമാണ് സുരക്ഷ സമിതിക്കു മുമ്പാകെ അറിയിച്ചത്. ഇരുചക്ര വാഹനങ്ങളില്‍ 75 ശതമാനവും ഇന്‍ഷുറന്‍സില്ലാതെയാണ് ഓടുന്നത്. പരിശോധനയില്‍ ഹാജരാക്കുന്നത് വ്യാജരേഖകളുമാണ്.
നിലവില്‍ തേര്‍ഡ് പാര്‍ട്ടി ഇന്‍ഷുറന്‍സില്ലാത്ത വാഹന ഉടമകള്‍ക്കു മൂന്നു മാസം തടവും ആയിരം രൂപയുമാണ് ശിക്ഷ. എന്നാല്‍ ഇതു വകവയ്ക്കാതെയാണ് ആളുകള്‍ ഇന്‍ഷുറന്‍സില്ലാതെ വാഹനമോടിക്കുന്നത്. അപകടത്തില്‍ പെട്ടിട്ടും ചില വാഹനങ്ങള്‍ നിര്‍ത്താതെ പോവുന്നത് ഇന്‍ഷുറന്‍സ് ഇല്ലാത്തതിനാലാവാമെന്നാണ് സമിതിയുടെ വിലയിരുത്തല്‍.
ഇന്‍ഷുറന്‍സില്ലാത്ത വാഹനങ്ങള്‍ നിര്‍ത്താതെ പോവുന്നതിനാല്‍ അപകടത്തില്‍ പെടുന്നവര്‍ക്ക് പലപ്പോഴും ഇന്‍ഷുറന്‍സ് തുക പോലും ലഭിക്കുന്നില്ല. മുഴുവന്‍ വാഹനങ്ങള്‍ക്കും ഇന്‍ഷുറന്‍സുണ്ടെങ്കില്‍ മാത്രമേ ഇതു പരിഹരിക്കാനാവൂ.
ജനുവരി 31നുള്ളില്‍ തന്നെ രാജ്യത്ത് ഇന്‍ഷുറന്‍സില്ലാതെ ഓടുന്ന വാഹനങ്ങളെക്കുറിച്ചുള്ള കണക്ക് നല്‍കാന്‍ റോഡ് സുരക്ഷയ്ക്കായുള്ള സുപ്രീം കോടതി സമിതി നിര്‍ദേശിച്ചു. മുഴുവന്‍ സംസ്ഥാനങ്ങളിലെയും ഗതാഗത അതോറിറ്റിക്ക് ഇതു ലഭ്യമാക്കാനും ആവശ്യപ്പെട്ടിട്ടുണ്ട്.
