Click it and Unblock the Notifications
Just In
Don't Miss
-
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ... -
'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
പ്രണയം നിഷേധിച്ചു; മെട്രോ സ്‌റ്റേഷനില്‍ യുവതിയെ ഓട്ടോഡ്രൈവര്‍ കുത്തിക്കൊലപ്പെടുത്തി
മെട്രോ സ്‌റ്റേഷനിലെത്തിയ ഉടനെ പിന്തുടര്‍ന്നെത്തിയ ജിതേന്ദര്‍ പിന്നിലൂടെ പിങ്കിയെ കുത്തിവീഴ്ത്തുകയായിരുന്നെന്ന് ദൃക്‌സാക്ഷികള്‍ പറഞ്ഞു.
ഗുഡ്ഗാവ്: എജി റോഡ് മെട്രോ സ്‌റ്റേഷനില്‍വെച്ച് യുവതി കുത്തേറ്റ് മരിച്ചു. സ്ഥിരമായി പിന്തുടര്‍ന്ന് ശല്യം ചെയ്തിരുന്ന ഓട്ടോ ഡ്രൈവറാണ് മുപ്പത്തിനാലുകാരിയായ പിങ്കി ദേവി എന്ന യുവതിയെ പലതവണയായി കുത്തിക്കൊലപ്പെടുത്തിയത്. സംഭവത്തില്‍ ജിതേന്ദര്‍(26) എന്നയാളെ സിഐഎസ്എഫ് ഉദ്യോഗസ്ഥര്‍ ഉടന്‍ പിടികൂടി പോലീസിന് കൈമാറി.
രാവിലെ 9.30ഓടുകൂടിയായിരുന്നു പ്രതി പിങ്കിയെ ആക്രമിച്ചത്. മെട്രോ സ്‌റ്റേഷനിലെത്തിയ ഉടനെ പിന്തുടര്‍ന്നെത്തിയ ജിതേന്ദര്‍ പിന്നിലൂടെ പിങ്കിയെ കുത്തിവീഴ്ത്തുകയായിരുന്നെന്ന് ദൃക്‌സാക്ഷികള്‍ പറഞ്ഞു. ഗുരുതരമായി പരിക്കേറ്റ പിങ്കിയെ ഉടന്‍ സ്വകാര്യ ആശുപത്രിയിലേക്കും പിന്നീട് ഗുഡ്ഗാവ് സിവില്‍ ആശുപത്രിയിലേക്കും മാറ്റിയെങ്കിലും ജീവന്‍ രക്ഷിക്കാനായില്ല.
രോഹിണിയിലെ ഒരു ബ്യൂട്ടിപാര്‍ലറില്‍ ജോലി ചെയ്തുവരികയായിരുന്നു യുവതി. മെട്രോയില്‍ സ്ഥിരമായി യാത്ര ചെയ്തിരുന്ന ഇവര്‍ക്ക് പിന്നാലെ ജിതേന്ദര്‍ പ്രണയാഭ്യര്‍ഥനയുമായി ഒപ്പം കൂടിയിരുന്നെങ്കിലും അവര്‍ അവഗണിക്കുകയായിരുന്നു. ജിതേന്ദര്‍ ശല്യം ചെയ്തിരുന്നകാര്യം പിങ്കി നേരത്തെ ഭര്‍ത്താവിനെ അറിയിച്ചിരുന്നു.
സംഭവ സമയത്തും ജിതേന്ദര്‍ തനിക്ക് പിന്നിലുണ്ടെന്ന് പിങ്കി ഭര്‍ത്താവിനോട് ഫോണ്‍ ചെയ്തു പറഞ്ഞിരുന്നു. ഭര്‍ത്താവിനോട് സംസാരിച്ചുകൊണ്ടിരിക്കവെയായിരുന്നു ആക്രമണം. ഫോണില്‍ നിലവിളിക്കുന്ന ശബ്ദം കേട്ടന്നും പിന്നീട് അരമണിക്കൂറിന് ശേഷമാണ് സംഭവം താനറിയുന്നതെന്നും ഭര്‍ത്താവ് പറഞ്ഞു. ഉത്തര്‍ പ്രദേശുകാരനായ ജിതേന്ദര്‍ ഇപ്പോള്‍ പോലീസ് കാവലില്‍ ആശുപത്രിയിലാണുള്ളത്.
