എട്ടുവയസ്സുകാരി പകുതി വെന്തു, മൃതദേഹം ചാക്കില്‍കെട്ടി ഉപേക്ഷിച്ച നിലയില്‍

ചെന്നൈ: എട്ടുവയസ്സുകാരിയുടെ പകുതി വെന്ത മൃതദേഹം ചാക്കില്‍കെട്ടി ഉപേക്ഷിച്ച നിലയില്‍ കണ്ടെത്തി. മഹാലക്ഷ്മി നഗറില്‍ ഗുഡുവഞ്ചേരിയിലാണ് സംഭവം. ഞായറാഴ്ച രാവിലെയാണ് മൃതദേഹം കണ്ടെത്തിയത്. സ്വകാര്യ നഴ്‌സറി സ്‌കൂളിനടുത്താണ് പകുതി കത്തിയ മൃതദേഹം ചാക്കില്‍ കെട്ടിയ നിലയില്‍ കണ്ടെത്തിയത്. പോലിസ് അന്വേഷണം ആരംഭിച്ചിട്ടുണ്ട്.

പെണ്‍കുട്ടി ബലാത്സംഗത്തിന് ഇരയായിട്ടുണ്ടോ എന്ന കാര്യം തള്ളികളയാനാവില്ല. കുട്ടി വിവസ്ത്രയായിരുന്നു, ബലാത്സംഗത്തിന് ശേഷം കുട്ടിയെ കഴുത്ത് ഞെരിച്ച് കൊന്നതാണെന്ന് സംശയുമുണ്ടെന്ന് പോലിസ് പറഞ്ഞു. ഇതിന് ശേഷം പെണ്‍കുട്ടിയെ ആരോ കൊലപ്പെടുത്തിയതാണ് . കുട്ടിയെ പെട്ടെന്ന് അറിയാതിരിക്കാന്‍ മുഖം കത്തിച്ചതാണെന്നാണ് പോലിസ് ഭാഷ്യം.മൃതദേഹം ചെങ്കല്‍പ്പെട്ട് സര്‍ക്കാര്‍ ആശുപത്രിയില്‍ രാസപരിശോധനയ്ക്ക് അയച്ചിട്ടുണ്ട്.

കുട്ടിയെ കാണാതായി എന്ന പരാതി പോലിസിന് ഇതുവരെയും ലഭിച്ചിട്ടില്ല, എന്നാല്‍ മറ്റുള്ള അടുത്തുള്ള പോലിസ് സ്‌റ്റേഷനിലേക്കും ഇതുമായി ബന്ധപ്പെട്ട അറിയിപ്പ് കൊടുത്തിട്ടുണ്ടന്ന് പോലിസ് പറഞ്ഞു.

പോസ്റ്റ് മോര്‍ട്ടം റിപ്പോര്‍ട്ടിന് വേണ്ടി കാത്തിരിക്കുകയാണ് പോലിസ് പറഞ്ഞു. ഇതുകഴിഞ്ഞ് കാര്യങ്ങള്‍ വ്യക്തമാകുയെന്നും പോലിസ് പറഞ്ഞു. സംഭവുമായി ബന്ധപ്പെട്ട് പ്രതിയെ പിടിച്ചിട്ടില്ല. അതേസമയം പോലിസ് ശക്തമായി അന്വേഷണം ആരംഭിച്ചിട്ടുണ്ട്.

English summary

A half burnt body of an eight-year-girl was found in a sack dumped in a bush at Mahalakshmi Nagar in Guduvancherry in neighbouring Kancheepuram district on Sunday morning.