Click it and Unblock the Notifications
Just In
Don't Miss
-
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
കാത്തിരിപ്പിനൊടുവിൽ സിജോ തിരിച്ചെത്തുന്നു; വീട്ടിൽ അടിമുടി മാറ്റം; എങ്ങനെ മുന്നോട്ട് പോകുമെന്ന് പ്രേക്ഷകർ -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
വണ്ടിയിടിച്ചു മരണം; താന്‍ കുറ്റക്കാരനല്ലെന്ന് സല്‍മാന്‍ ഖാന്‍
മുംബൈ: മദ്യപിച്ച് വാഹനമോടിച്ച് വഴിയരുകില്‍ ഉറങ്ങുകയായിരുന്നയാളെ കൊലപ്പെടുത്തിയെന്ന കേസില്‍ താന്‍ നിരപരാധിയാണെന്ന് സല്‍മാന്‍ഖാന്‍. മുംബൈ സെഷന്‍സ് കോടതിയില്‍ കേസിന്റെ വിചാരണയ്ക്ക് നേരിട്ട് എത്തിയപ്പോഴാണ് കേസില്‍ താന്‍ പൂര്‍ണമായും നിരപരാധിയാണെന്ന് സല്‍മാന്‍ഖാന്‍ അറിയിച്ചത്.
2002 സപ്തംബര്‍ 28നായിരുന്നു കേസിന് ആസ്പദമായ സംഭവം. മുംബൈയിലെ ബാന്ദ്രയില്‍ വെച്ച് സല്‍മാന്‍ ഖാന്റെ കാര്‍ വഴിയരുകില്‍ ഉറങ്ങിക്കിടന്നവരുടെ ശരീരത്തിലൂടെ കയറിയിറങ്ങുകയായിരുന്നു. സംഭവത്തില്‍ ഒരാള്‍ മരിക്കുകയും നാലുപേര്‍ക്ക് പരിക്കേല്‍ക്കുകയും ചെയ്തു. അപകടം നടന്നയുടന്‍ കാറിന്റെ ഡ്രൈവിംഗ് സീറ്റില്‍ നിന്നും സല്‍മാന്‍ഖാന്‍ ഇറങ്ങിവരുന്നത് കണ്ടെന്ന് ദൃക്‌സാക്ഷി കോടതിയില്‍ മൊഴി നല്‍കിയിരുന്നു.
എന്നാല്‍ സംഭവസമയം തന്റെ ഡ്രൈവറാണ് കാര്‍ ഓടിച്ചിരുന്നതെന്ന് സല്‍മാന്‍ഖാന്‍ കോടിയില്‍ വ്യക്തമാക്കി. ഇടതുവശത്തെ ഡോര്‍ ജാം ആയതിനാല്‍ ആണ് ഡ്രൈവറുടെ സീറ്റിലൂടെ ഇറങ്ങേണ്ടിവന്നത്. അന്നേദിവസം താന്‍ മദ്യപിച്ചിരുന്നെന്ന വാദവും സല്‍മാന്‍ തള്ളി. സഹോദരനൊപ്പം ബാറില്‍ പോയിരുന്നെങ്കിലും മദ്യപിച്ചിരുന്നില്ലെന്ന് അദ്ദേഹം പറഞ്ഞു.
പോലീസിനെ വിവരം അറിയിച്ചശേഷമാണ് സംഭവസ്ഥലത്തിനിന്നും പോയത്. വാഹനം വഴിയരുകില്‍ കിടന്നവരുടെ ശരീരത്തില്‍ കയറിയെന്നത് പിന്നീടാണ് അറിഞ്ഞത്. കേസില്‍ താന്‍ തീര്‍ത്തും നിരപരാധിയാണെന്നും അദ്ദേഹം കോടതിയെ അറിയിച്ചു. അതിനിടെ കേസുമായി ബന്ധപ്പെട്ട വാര്‍ത്തകള്‍ക്ക് മാധ്യമങ്ങളെ വിലക്കണമെന്ന സല്‍മാന്റെ ആവശ്യം കോടതി തള്ളി.
