കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബംഗാളിന് പിന്നാലെ ത്രിപുരയിലും വിഭജന നീക്കം, അമിത് ഷായ്ക്ക് മുന്നില്‍.... പുതിയ സംസ്ഥാനം വേണം

Google Oneindia Malayalam News

ദില്ലി: ബംഗാളിന് പിന്നാലെ ത്രിപുരയിലും പ്രത്യേകം സംസ്ഥാനം വേണമെന്ന ആവശ്യം ശക്തമാകുന്നു. ബിജെപിയുടെ തന്നെ സഖ്യകക്ഷിയാണ് ഇത്തരമൊരു ആവശ്യം ഉന്നയിച്ചിരിക്കുന്നത്. ത്രിപുരയില്‍ ബിജെപിയുടെ സഖ്യകക്ഷിയായ ഐപിഎഫ്ടിയാണ് ഈ ആവശ്യവുമായി കേന്ദ്ര ആഭ്യന്തര അമിത് ഷായെ കണ്ടിരിക്കുന്നത്. ത്രിപുരയിലെ ആദിവാസി വിഭാഗത്തിനായി പ്രത്യേക സംസ്ഥാനമാണ് ഇവരുടെ ആവശ്യം. ഇപ്പോള്‍ ത്രിപുര ട്രൈബല്‍ ഏരിയാസ് ഓട്ടോണമസ് ഡിസ്ട്രിക് കൗണ്‍സില്‍ വിഭജിച്ച് തിപ്രലാന്‍ഡ് എന്ന സംസ്ഥാനം ഉണ്ടാക്കണമെന്നാണ് അമിത് ഷായോട് ആവശ്യപ്പെട്ടിരിക്കുന്നത്.

1

ഐപിഎഫ്ടി ആവശ്യപ്പെട്ട ട്രൈബല്‍ കൗണ്‍സിലിലാണ് ത്രിപുരയുടെ മൂന്നില്‍ രണ്ട് ഭൂരിപക്ഷവുമുള്ളത്. വിഭജിച്ചാല്‍ ത്രിപുര സംസ്ഥാനത്തിന്റെ തന്നെ പ്രസക്തി നഷ്ടപ്പെടും. ബിജെപിക്ക് ഇത് വലിയ തലവേദനയാവുമെന്ന് ഉറപ്പ്. വനം മന്ത്രി മേവര്‍ കുമാര്‍ ജമാത്തിയയുടെ നേതൃത്വത്തിലാണ് സംഘം അമിത് ഷായെ കാണാനെത്തിയത്. അഞ്ച് പോയിന്റുള്ള നിവേദനമാണ് നല്‍കിയത്. വേറെയും ചില ആവശ്യങ്ങള്‍ ഈ നിവേദനത്തില്‍ ഐപിഎഫ്ടി ആവശ്യപ്പെട്ടിട്ടുണ്ട്. ആദിവാസികളുടെ വികസനത്തിനായി പ്രത്യേക സമിതിയെയും ഇവര്‍ ആവശ്യപ്പെട്ടു.

ത്രിപുരയില്‍ ജനസംഖ്യയുടെ മൂന്നിലൊന്ന് ഭാഗം ആദിവാസികളാണ്. അതാണ് ഇത്തരം ആവശ്യങ്ങളുമായി രംഗത്ത് വരാന്‍ ഐപിഎഫ്ടിയെ പ്രേരിപ്പിച്ചത്. ആദിവാസികളാണ് പാര്‍ട്ടിയുടെ പ്രധാന വോട്ടുബാങ്കും. ആദിവാസി വിഭാഗത്തിന് തൊഴില്‍ മേഖലയിലേക്ക് കൊണ്ടുവരുന്നതിനായി സ്‌പെഷ്യല്‍ റിക്രൂട്ട്‌മെന്റാണ് ആവശ്യപ്പെട്ടിരിക്കുന്ന മറ്റൊരു കാര്യം. ട്രൈബല്‍ കൗണ്‍സിലിന്റെ ശാക്തീകരണത്തിനായി ഭരണഘടനയുടെ ആറാം അനുച്ഛേദം ഭേദഗതി ചെയ്യണമെന്നും പാര്‍ട്ടി ആവശ്യപ്പെട്ടു. ആദിവാസി ഭാഷയായ കോക്‌ബോറോക്് ഭരണഘടനയുടെ എട്ടാം അനുച്ഛേദത്തില്‍ ഉള്‍പ്പെടുത്തണമെന്നും നിവേദനത്തിലുണ്ട്.

Recommended Video

cmsvideo
PM Modi calls vaccinated people 'Bahubali'

അതേസമയം ത്രിപുര ട്രൈബല്‍ കൗണ്‍സിലില്‍ ബിജെപി-ഐപിഎഫ്ടി സഖ്യത്തിന് വന്‍ തിരിച്ചടിയേറ്റിരുന്നു. ഇതാണ് ഇപ്പോഴത്തെ മാറ്റത്തിന് കാരണം. പ്രദ്യോത് കിഷോര്‍ ദേബ് ബര്‍മന്‍ എന്ന നേതാവിന്റെ ഉദയവും ആദിവാസി മേഖലയില്‍ ഉണ്ടായിരിക്കുകയാണ്. ദേബ് ബര്‍മനും തിപ്രാലാന്‍ഡിനായി ആവശ്യപ്പെട്ടിട്ടുണ്ട്. ടൈബ്രണ്‍ കൗണ്‍സില്‍ മേഖലയില്‍ ജീവിക്കുന്ന ആദിവാസികള്‍ മാത്രം ഉള്‍പ്പെടുത്തിയുള്ള സംസ്ഥാനമാണ് ഇവര്‍ ആവശ്യപ്പെട്ടത്. അതോടൊപ്പം സംസ്ഥാനം വിട്ട് പുറത്ത് ജീവിക്കേണ്ടി വരുന്ന ആദിവാസി വിഭാഗത്തിനും ഇവിടെ താമസ സ്ഥലമൊരുക്കുമെന്നാണ് ഇവര്‍ പറയുന്നത്.

English summary
ipft asks for a special tribal state and meet amit shah with memorandum
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X