എംജിആറിന് തൊട്ടടുത്ത് പുരട്ചി തലൈവിയ്ക്കും അന്ത്യവിശ്രമം... ആഗ്രഹപ്രകാരം തന്നെ

മറീന ബീച്ചില്‍ എംജിആറിന്‍റെ സ്മാരകത്തിനടുത്ത് തന്നെ ആയിരിക്കും ജയലളിതയുടെ അന്ത്യവിശ്രമവും

ചെന്നൈ: അന്തരിച്ച തമിഴ്‌നാട് മുഖ്യമന്ത്രി ജയലളിതയുടെ മൃതദേഹം ഡിസംബര്‍ 6 ചൊവ്വാഴ്ച തന്നെ സംസ്‌കരിക്കും. ഡിസംബര്‍ 5 ന് രാത്രി 11.30 ഓടെയാണ് ജയലളിത അന്തരിച്ചത് എന്നാണ് അപ്പോളോ ആശുപത്രി പുറത്തിറക്കിയ പത്രക്കുറിപ്പില്‍ വ്യക്തമാക്കിയിരിക്കുന്നത്.

ചെന്നൈ മറീന ബീച്ചില്‍ ആയിരിക്കും ജയലളിതയുടെ മതദേഹം സംസ്‌കരിക്കുക. മുന്‍ മുഖ്യമന്ത്രി എംജിആറിന്റെ ശവകുടീരത്തിനോട് ചേര്‍ന്നായിരിക്കും ഇത്.

ജയലളിതയുടെ ആഗ്രഹ പ്രകാരം തന്നെയാണ് ഈ സ്ഥലം തിരഞ്ഞെടുത്തത് എന്നാണ് വിവരം. അപ്പോളോ ആശുപത്രിയില്‍ നിന്ന് ചൊവ്വാഴ്ച പലര്‍ച്ചെ രണ്ടരയോടെ ജയലളിതയുടെ മൃതദേഹം മുഖ്യമന്ത്രിയുടെ ഔദ്യോഗിക വസതിയായ പോയസ് ഗാര്‍ഡനിലേക്ക് മാറ്റിയിരുന്നു. രാജാജി ഹാളിലും മൃതദേഹം പൊതുദര്‍ശനത്തിന് വയ്ക്കും.

English summary

Jayalalithaa's cremation will be at Marina Beach- report.