Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല്‍ മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ധാര്‍മികമായി ഒഴിഞ്ഞു മാറാന്‍ കഴിയില്ല, ലാവനില്‍ സിബിഎെ സുപ്രീം കോടതിയെ സമീപിക്കണം
കേസിലെ ചില പ്രതികള്‍ വിചാരണ നേരിടണം എന്നു പറഞ്ഞതിലൂടെ അഴിമതി നടന്നുവെന്നാണ് വ്യക്തമാകുന്നത്.
തിരുവനന്തപുരം: ലാവലിന്‍ കേസില്‍ പിണറായി വിജയന് കുറ്റവിമുക്തനായെങ്കിലും ധാര്‍മികമായി അദ്ദേഹത്തിന് ഇതില്‍ നിന്നും ഒഴിഞ്ഞു മാറാന്‍ കഴിയില്ലെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ വ്യക്തമാക്കി. ലാവലിന്‍ കേസുമായി ബന്ധപ്പെട്ട ഹൈക്കോടതി വിധി അറിഞ്ഞ ശേഷം പ്രതികരിക്കുകയായിരുന്നു കുമ്മനം.
ലാവലിന്‍ കേസില്‍ സിബി ഐ അപ്പീല്‍ നല്‍കാന്‍ തയ്യാറാവണം. സുപ്രീം കോടതിയെ സമീപിക്കണമെന്നും കുമ്മനം പറയുന്നു. ലാവലിന്‍ കേസില്‍ പിണറായി വിജയനെ കുറ്റവിമുക്തനാക്കിയ നടപടി ഹൈക്കോടതി ശരി വെച്ചിരുന്നു. കേസിലെ ചില പ്രതികള്‍ വിചാരണ നേരിടണം എന്നു പറഞ്ഞതിലൂടെ അഴിമതി നടന്നുവെന്നാണ് വ്യക്തമാകുന്നതെന്നും കുമ്മനം വ്യക്തമാക്കി.
ഒഴിഞ്ഞു മാറാന്‍ സാധിക്കില്ല
ലാവലിന്‍ കേസില്‍ അഴിമതി നടന്നുവെന്ന് വ്യക്തമായ സാഹചര്യത്തില്‍ അതിന്റെ ധാര്‍മ്മികമായ ഉത്തരവാദിത്തം അന്നത്തെ മന്ത്രിസഭയ്ക്കുണ്ട്. അന്ന് വൈദ്യുതി മന്ത്രിയായിരുന്ന പിണറായി വിജയന് ഇതില്‍ നിന്നും ഒഴിഞ്ഞു മാറാന്‍ കഴിയില്ലെന്നും കുമ്മനം വ്യക്തമാക്കി.
കെഎസ്ഇബി ഉദ്യോഗസ്ഥരെ പഴി ചാരുന്നത് ശരിയല്ല
കേസുമായി ബന്ധപ്പെട്ട് കെഎസ്ഇബി ഉദ്യോഗസ്ഥരെ പഴിചാരുന്നത് ശരിയല്ല. കരാര്‍ തയ്യാറാക്കിയത് അവരാണെങ്കിലും അതിനു പിന്നില്‍ രാഷ്ട്രീയ തീരുമാനം ഉണ്ടെന്നും കുമ്മനം പറയുന്നു.
സിബിഐ അപ്പീല്‍ നല്‍കണം
ലാവലിന്‍ കേസില്‍ ഹൈക്കോടതി വിധിക്കെതിരെ അപ്പീല്‍ നല്‍കാന്‍ സിബിഐ തയ്യാറാവണമെന്നും അദ്ദേഹം ആവശ്യപ്പെട്ടു. പിണറായി വിജയന് അടക്കമുള്ള പ്രതികളെ കുറ്റവിമുക്തരാക്കിയ നടപടി ഹൈക്കോടതി ശരിവെച്ചിരുന്നു.
സിബിഐ നടത്തിയ വേട്ടയാടല്‍
കേസില്‍ സിബിഐ പിണറായി വിജയനെ വേട്ടയാടുകയായിരുന്നുവെന്ന് ഹൈക്കോടതി വിമര്‍ശിച്ചിരുന്നു. പിണറായി വിജയന് അടക്കമുള്ള മൂന്നു പ്രതികളെയാണ് കോടതി വെറുതെ വിട്ടത്.
വിചാരണ നേരിടണം
ലാവലിന്‍ കേസില്‍ പിണറായി വിജയനെ കുറ്റവിമുക്തനാക്കിയെങ്കിലും മൂന്ന് കെഎസ്ഇബി ഉദ്യോഗസ്ഥര്‍ കേസില്‍ വിചാരണ നേരിടണമെന്നും ഹൈക്കോടതി നിര്‍ദേശിച്ചിരുന്നു. അഴിമതി നടന്നുവെന്നാണ് ഇതിലൂടെ വ്യക്തമാവുന്നതെന്നും കുമ്മനം പറയുന്നു.
