Click it and Unblock the Notifications
Just In
Don't Miss
-
അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി -
ഫിറ്റ്നസ് നോക്കുമ്പോഴും 15 വര്ഷമായി ഹോട്ടല് ഭക്ഷണം; ശരീരം നോക്കുന്നതിനെക്കുറിച്ച് ഉണ്ണി മുകുന്ദന് -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കുഞ്ഞന്നം ഇനി ഇന്ത്യയുടെ മുത്തശ്ശി
തൃശ്ശൂര്‍ : ഇന്ത്യയില്‍ ജീവിച്ചിരിക്കുന്ന പ്രായം കൂടിയ സ്ത്രീയെന്ന ലിംക ബുക്ക് ഓഫ് റെക്കോര്‍ഡ് ഇനി കുഞ്ഞന്നത്തിന് സ്വന്തം. തൃശ്ശൂര്‍ കേച്ചേരി സ്വദേശിനിയായ ഈ മുത്തശ്ശിയുടെ പ്രായം 112 വയസ്സ്. ഇന്ത്യയിലെ അവിവാഹിതയായ ഏറ്റവും പ്രായമുളള സ്ത്രീയും ഇവര്‍തന്നെ.
ലിംക ബുക്ക് ഓഫ് റെക്കോര്‍ഡ് അധികൃതര്‍ ദില്ലിയില്‍ നിന്ന് നേരിട്ടെത്തിയാണ്‌ മുത്തശ്ശിക്ക് സര്‍ട്ടിഫിക്കറ്റ് കൈമാറിയത്. ലിംക ബുക്ക് ഓഫ് റെക്കോര്‍ഡ്‌സിന്റെ 2015 ലെ പതിപ്പില്‍ ഇതോടെ കുഞ്ഞന്നം സ്ഥാനം പിടിച്ചു. നേരത്തെ ലിംകയുടെ വെബ്‌സൈറ്റില്‍ കുഞ്ഞന്നത്തിന്റെ ചിത്രം പ്രസിദ്ധീകരിച്ചിരുന്നു. പ്രായം തളര്‍ത്താത്ത ആരോഗ്യത്തെക്കുറിച്ച് ചോദിച്ചാല്‍ മുത്തശ്ശി വാചാലയാകും. ഇഷ്ടം പോലെ നടക്കും. പിന്നെ വെജിറ്റേറിയന്‍ ഭക്ഷണം മാത്രമാണ് കഴിക്കുന്നത്.
പാറന്നൂര്‍ വാഴപ്പിളളി അന്തോണിയുടെയും അച്ചുണ്ണിയുടെയും പതിനൊന്നു മക്കളില്‍ ഒമ്പതാമത്തെയാളാണ് കുഞ്ഞന്നം. മറ്റ് സഹോദരങ്ങളെല്ലാം നേരത്തെ മരിച്ചു. സഹോദരന്റെ മകന്റെയൊപ്പമാണ് മുത്തശ്ശിയുടെ ഇപ്പോഴത്തെ താമസം. ശരീരത്തില്‍ നീരുവന്നതിനെത്തുടര്‍ന്ന് ആശുപത്രിയിലായ കുഞ്ഞന്നത്തിനെ അവിടെയെത്തി നേരിട്ടുകണ്ടാണ് അധികൃതര്‍ സര്‍ട്ടിഫിക്കറ്റ് കൈമാറിയത്.
