Click it and Unblock the Notifications
Just In
Don't Miss
-
അരി കുതിര്ക്കേണ്ട, വെള്ളത്തിലിടണ്ട, കാത്തുനില്ക്കേണ്ട: 15 മിനിറ്റില് ഉണ്ണിയപ്പം -
IPL 2024: 20ാം ഓവര് എന്തുകൊണ്ട് യഷിന് നല്കി? രാഹുല് ധോണിയെ സഹായിച്ചു! തെളിവ് ഇതാ -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വിമാനത്തില്‍ നിന്നും ചാടിയത് അക്ഷയ് കുമാറിനെ അനുകരിക്കാനെന്ന് യാത്രക്കാരന്‍
മുംബൈ: വെള്ളിയാഴ്ച മുംബൈ വിമാനത്താവളത്തില്‍ വെച്ച് ലാന്‍ഡിങ്ങിനിടെ വിമാനത്തില്‍ ചാടിയത് ബോളിവുഡ് താരം അക്ഷയ് കുമാറിന്റെ ആക്ഷനെ അനുകരിക്കാനാണെന്ന് യാത്രക്കാരന്‍. വിമാനത്തില്‍ നിന്നും ചാടിയതിന് അറസ്റ്റിലായ ആകാശ് ജെയിന്‍ ആണ് പോലീസിന് വിചിത്രമായ മൊഴി നല്‍കിയിരിക്കുന്നത്. താന്‍ അക്ഷയ് കുമാറിന്റെ വലിയ ആരാധകനാണെന്നും ഇയാള്‍ പോലീസിനെ അറിയിച്ചു.
എന്നാല്‍ ആകാശിന്റെ മൊഴി പോലീസ് വിശ്വാസത്തില്‍ എടുത്തിട്ടില്ല. ഇയാളുടെ വിമാന സഞ്ചാരം തന്നെ ദുരൂഹത നിറഞ്ഞതാണെന്ന് പോലീസ് പറഞ്ഞു. വീട്ടില്‍ നിന്നും 30,000 രൂപ മോഷ്ടിച്ചശേഷമാണ് വിമാനയാത്രയ്‌ക്കെത്തിയതെന്നാണ് ജലന്ദര്‍ സ്വദേശിയായ ആകാശ് പോലീസിന് മൊഴി നല്‍കിയിരിക്കുന്നത്. മുംബൈയില്‍ നിന്നും ഗോവയിലേക്ക് പോവുകയായിരുന്നു ഉദ്ദേശം.
എന്നാല്‍ ജലന്ദറില്‍ നിന്നും പൂനയിലേക്ക് പോവുകയും അവിടെനിന്നും മുംബൈയിലേക്ക് യാത്ര ചെയ്യുകയുമായിരുന്നു ആകാശ്. ജെറ്റ് എയര്‍വേയ്‌സിന്റെ ഛണ്ഡിഗഡ് മുംബൈ വിമാനം ലാന്‍ഡ് ചെയ്യുന്നതിനിടെ എമര്‍ജന്‍സി വാതിലിലൂടെ ആകാശ് പുറത്തേയ്ക്ക് ചാടുകയായിരുന്നു. പതിനഞ്ചടി മുകളില്‍ നിന്നാണ് ചാട്ടം.
വിമാനജീവനക്കാര്‍ വിവരം നല്‍കിയതിനെ തുടര്‍ന്ന് വിമാനത്താവള അധികൃതര്‍ ആകാശിനെ ഉടന്‍ കസ്റ്റഡിയിലെടുക്കുകയും ചെയ്തു. ചാട്ടത്തില്‍ കാര്യമായ പരിക്കൊന്നും ആകാശിന് സംഭവിച്ചിട്ടില്ല. അതേസമയം, കടുത്ത സുരക്ഷാ വീഴ്ചയാണ് വിമാനജീവനക്കാരുടേത് എന്നാണ് വിലയിരുത്തല്‍. യാത്രക്കാരന്‍ എമര്‍ജന്‍സി വാതില്‍ തുറന്ന് പുറത്തുചാടിയതില്‍ ജെറ്റ് എയര്‍വേയ്‌സിനോട് അധികൃതര്‍ വിശദീകരണം തേടിയിട്ടുണ്ട്
