ചടങ്ങില് മാംസം വിളമ്പിയില്ല, വരന് വിവാഹം വേണ്ടെന്ന് വെച്ചു !! വധുവിനെ വേറെ ആള് കല്യാണം കഴിച്ചു
തന്നെയും കുടുംബത്തേയും അപമാനിച്ച ആളെ വിവാഹം കഴിയ്ക്കാന് തയ്യാറല്ലെന്നായിരുന്നു വധുവിന്റെ നിലപാട്.
മുസാഫര് നഗര്: വിവാഹത്തിന് മാംസം വിളമ്പാത്തതിനെ തുടര്ന്ന് വരന്റെ വീട്ടുകാര് വിവാഹത്തില് നിന്ന് പിന്മാറി. മുസാഫര് നഗര് സ്വദേശിയായ റിസ്വാനും കുടുംബവുമാണ് കല്യാണം വേണ്ടെന്ന് വെച്ചത്.
റിസ്വാനും നഗ്നമയും തമ്മിലുള്ള വിവാഹമാണ് നടക്കേണ്ടിയിരുന്നത്. നഗ്മയുടെ വീട്ടില് വെച്ചായിരുന്നു നിക്കാഹ്. ഇതിനായി വരനും വീട്ടുകാരും എത്തിയിരുന്നു.
നഗ്മയുടെ വീട്ടില് എത്തിയപ്പോഴാണ് റിസ്വാന്റെ വീട്ടുകാര് അറിയുന്നത് അവിടെ മാംസം തയ്യാറാക്കിയിട്ടില്ലെന്ന്. പച്ചക്കറി മാത്രം കഴിച്ചുള്ള കല്യാണത്തിന് തയ്യാറല്ലെന്നായി റിസ്വാന്.
വീട്ടില് മാംസം വിളമ്പാത്തതിനെ തുടര്ന്ന് കല്യാണത്തില് നിന്ന് പിന്മാറുകയാണെന്ന് റിസ്വാന് അറിയിച്ചു. വരന്്റെ വീട്ടുകാരും ഇത് സമ്മതിച്ചു.
അതിഥികള്ക്ക് മുമ്പില് അപമാനിതരായതിനെ തുടര്ന്ന് വധുവിന്റെ വീട്ടുകാര് ഗ്രാമത്തലവന്മാരെ സമീപിച്ചു. അവിടെ വെച്ച് കല്യാണത്തിന് തയ്യാറാണെന്ന് റിസ്വാന് പറഞ്ഞു.
തന്നെയും കുടുംബത്തേയും അപമാനിച്ച ആളെ വിവാഹം കഴിയ്ക്കാന് തയ്യാറല്ലെന്നായിരുന്നു വധുവിന്റെ നിലപാട്. അത് മാത്രമല്ല, ഒരു അകന്ന ബന്ധുവിനെ കൊണ്ട് നഗ്മയെ വിവാഹം കഴിപ്പിയ്ക്കുകയും ചെയ്തു.