Click it and Unblock the Notifications
Just In
Don't Miss
-
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ -
ജാസ്മിന് നന്നായി വളച്ചൊടിച്ചു, ഗബ്രി നന്നായി കളിക്കുന്നുവെന്ന ഭയം; ജാസ്മിന് 916 ഫേക്ക്! -
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ബാന്ദ്രയില്‍ വീണ്ടും സെല്‍ഫി ദുരന്തം; മാതാപിതാക്കള്‍ക്ക് മുന്നില്‍ വിദ്യാര്‍ഥിനി കടലില്‍വീണ് മരിച്ചു
മുംബൈ: സെല്‍ഫി ദുരന്തമേഖലയായി പ്രഖ്യാപിച്ച മുംബൈയിലെ ബാന്ദ്ര ബാന്‍ഡ്സ്റ്റാന്‍ഡിലെ കോട്ടയില്‍ വീണ്ടും സെല്‍ഫി ദുരന്തം. മാതാപിതാക്കള്‍ക്കും സഹോദരിക്കുമൊപ്പം കോട്ട സന്ദര്‍ശിക്കാനെതിതിയ എഞ്ചിനീയറിങ് വിദ്യാര്‍ഥിനി സെല്‍ഫിക്കിടെ കടലില്‍ വീഴുകയായിരുന്നു. സെല്‍ഫി എടുക്കരുതെന്ന വിലക്ക് മറികടന്നായിരുന്നു പെണ്‍കുട്ടിയുടെ സാഹസിക സെല്‍ഫിയെന്ന് ദൃക്‌സാക്ഷികള്‍ പറഞ്ഞു.
മുംബൈയില്‍ എഞ്ചിനീയറിങ് വിദ്യാര്‍ഥിനിയായിരുന്ന മീനാക്ഷി പ്രിയ രാജേഷ് ആണ് മരിച്ചത്. പരീക്ഷ കഴിഞ്ഞശേഷം നാട്ടില്‍നിന്നും മാതാപിതാക്കളെയും സഹോദരിയെയും മുംബൈ കാണാന്‍ ക്ഷണിക്കുകയായിരുന്നു മീനാക്ഷി. ഒരു ഹോട്ടലില്‍ മുറിയെടുത്ത ഇവര്‍ ഒരുദിവസം മുഴുവന്‍ നഗരം ചുറ്റിക്കാണാനായി ടാക്‌സിയും ഏര്‍പ്പാട് ചെയ്തിരുന്നു.
സ്ഥലങ്ങളെല്ലാം കണ്ടശേഷം ഒടുവില്‍ എത്തിയതായിരുന്നു ബാന്ദ്ര കോട്ടയില്‍. ഇതിനിടെ കടലിനോട് ചേര്‍ന്നുള്ള പാറപ്പുറത്ത് കയറി സെല്‍ഫിയെടുക്കാന്‍ മീനാക്ഷി കുടുംബാംഗങ്ങളെ ക്ഷണിച്ചു. പിതാവിന്റെ മുന്നറിയിപ്പ് മറികടന്നായിരുന്നു സെല്‍ഫി. സെല്‍ഫിക്കിടെ കൂറ്റന്‍തിരമാലയില്‍ ബാലന്‍സ്‌തെറ്റി മീനാക്ഷി കടലില്‍ വീഴുകയായിരുന്നു.
സ്ഥലത്തുണ്ടായിരുന്ന മീന്‍പിടുത്തക്കാര്‍ രണ്ടുമണിക്കൂര്‍ നേരത്തെ തിരച്ചിലില്‍ മൃതദേഹം കണ്ടെടുത്തു. പോലീസ് കേസ് രജിസ്റ്റര്‍ ചെയ്തിട്ടുണ്ട്. കടലില്‍ വീണ് യുവാക്കള്‍ മരിച്ചശേഷം ഇവിടെ സെല്‍ഫി നിരോധിത മേഖലയായി മുന്നറിയിപ്പ് നല്‍കിയിരുന്നു. മുംബൈ പോലീസ് മുന്നറിയിപ്പ് ബോര്‍ഡും സ്ഥാപിച്ചു. എന്നാല്‍, പിറകില്‍ തിരകള്‍ ഉയരുമ്പോള്‍ സെല്‍ഫിയെടുക്കാനായി ഇവിടെ ഇപ്പോഴും തിരക്കനുഭവപ്പെടാറുണ്ടെന്ന് പ്രദേശവാസികള്‍ പറഞ്ഞു.
