കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സെല്‍ഫി; ദിഗ് വിജയ് സിങിനോട് ന്യൂയോര്‍ക്ക് ടൈംസ് ക്ഷമ ചോദിച്ചു

  • By Anwar Sadath
Google Oneindia Malayalam News

ന്യൂയോര്‍ക്ക്: പ്രധാനമന്ത്രി നരേന്ദ്രമോദിയുടെ, സെല്‍ഫി വിത്ത് ഡോട്ടര്‍ കാമ്പയിന്റെ ഭാഗമായി പ്രസിദ്ധീകരിച്ച ചിത്രം മാറിപ്പോയതില്‍ ന്യൂയോര്‍ക്ക് ടൈംസ് ക്ഷമ ചോദിച്ചു. മകള്‍ക്കൊപ്പം സെല്‍ഫി എന്ന പരിപാടിയെക്കുറിച്ച് വിശദീകരിക്കുന്ന ലേഖനത്തില്‍ കാണ്‍ഗ്രസ് നേതാവ് ദിഗ് വിജയ് സിങും, കാമുകിയും മാധ്യമ പ്രവര്‍ത്തകയുമായ അമൃത റായിയുമൊത്തുള്ള ചിത്രമാണ് ന്യൂയോര്‍ക്ക് ടൈംസ് പ്രസിദ്ധീകരിച്ചിരുന്നത്.

മോദിയുടെ കാമ്പയിനെ കളിയാക്കി ചില വിരുതന്മാര്‍ ഇരുവരുടെയും ചിത്രങ്ങള്‍ ട്വിറ്ററില്‍ പോസ്റ്റ് ചെയ്തിരുന്നു. കോണ്‍ഗ്രസ് നേതാവിന്റെ, മകള്‍ക്കൊപ്പമുള്ള സെല്‍ഫി എന്ന് അടിക്കുറിപ്പും നല്‍കി. പ്രായവ്യത്യാസം ഏറെയുള്ളതിനാല്‍ അച്ഛനും മകളുമാണെന്ന് തെറ്റിദ്ധരിച്ച ന്യൂയോര്‍ക്ക് ടൈംസ് ചിത്രം പ്രസിദ്ധീകരിക്കുകയും ചെയ്തു.

digvijay-singh

സംഭവം വിവാദമായതോടെയാണ് ഇപ്പോള്‍ പത്രം ക്ഷമാപണം നടത്തിയത്. ഉത്തരവാദിത്വപ്പെട്ട മാധ്യമെന്ന നിലയില്‍ ഇത്തരം ഒരു തെറ്റു പറ്റരുതായിരുന്നെന്ന് ന്യൂയോര്‍ക്ക് ടൈംസ് വിശദമാക്കിയതായാണ് റിപ്പോര്‍ട്ട്. സംവത്തില്‍ ദിഗ് വിജയ് സിങ് ഇതുവരെ പ്രതികരിച്ചിരുന്നില്ല.

ദൂരദര്‍ശനിലെ മാധ്യമപ്രവര്‍ത്തക അമൃതറായിയും ദിഗ് വിജയ് സിങും തമ്മിലുള്ള സ്വകാര്യ നിമിഷങ്ങള്‍ ഒരു വര്‍ഷം മുന്‍പാണ് സോഷ്യല്‍ മീഡിയയില്‍ പ്രചരിച്ചത്. സംഭവം വിവാദമായതിനെ തുടര്‍ന്ന് ദിഗ് വിജയ് സിങ് തന്നെ വിശദീകരണം നല്‍കി. തങ്ങള്‍ പ്രണയത്തിലാണെന്നും വിവാഹം കഴിക്കുമെന്നും അദ്ദേഹം പറഞ്ഞതോടെ വിവാദം കെട്ടടങ്ങുകയും ചെയ്തു.

English summary
New York Times for Digvijay Singh Photo
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X