ടൈംസ് ഓഫ് ഇന്ത്യ മോദിക്കും പണി കൊടുക്കാന് നോക്കി
ഉത്തരാഖണ്ഡ് പ്രളയവുമായി ബന്ധപ്പെട്ട്, അന്ന് ഗുജറാത്ത് മുഖ്യമന്ത്രിയായിരുന്ന നരേന്ദ്ര മോദിക്കും ടൈംസ് ഓഫ് ഇന്ത്യ ഒരു പണി കൊടുത്തിരുന്നു. രണ്ടു ദിവസം കൊണ്ട് ആയിരകണക്കിനാളുകളെ രക്ഷിച്ച് മോദി മടങ്ങി എന്നാണ് ടൈംസ് ഓഫ് ഇന്ത്യ റിപ്പോര്ട്ട് ചെയ്തത്. 80 ഇന്നോവ കാറുകളും ചാര്ട്ട് ചെയ്ത നാലുവിമാനങ്ങളും നിരവധി ലക്ഷ്വറി ബസ്സുകളും ഉപയോഗിച്ചാണത്രെ മോദി ഇത് ചെയ്തത്.
മോഡിയുടെ രക്ഷാപ്രവര്ത്തനം, തെറ്റുപറ്റി ടൈംസ്
എന്നാല് പറഞ്ഞത് വിഴുങ്ങേണ്ടി വന്ന ടൈംസ് ഓഫ് ഇന്ത്യ പിന്നീട് തിരുത്ത് കൊടുത്തു. മോദിയുമായോ ഗുജറാത്ത് സര്ക്കാര് പ്രതിനിധികളുമായോ സംസാരിക്കാതെ തട്ടിവിട്ടതാണ് റിപ്പോര്ട്ടെന്ന് ടൈംസ് തുറന്ന് സമ്മതിച്ചു. മോദിയെ താറടിച്ചുകാണിയ്ക്കാനുള്ള ബോധപൂര്വമായ ശ്രമത്തിന്റെ ഭാഗമാണ് റിപ്പോര്ട്ടെന്നാണ് ബി ജെ പി നേതാക്കള് അന്ന് ഇതിനോട് പ്രതികരിച്ചത്. സോഷ്യല് മീഡിയയിലും കാര്ട്ടൂണുകളിലും ഇക്കാര്യം പറഞ്ഞ് ആളുകള് മോദിയെ കളിയാക്കിയതിന് കണക്കില്ല.