ബിജെപിയേയും ജെഡിയുവിനേയും പ്രതിസന്ധിയിലാക്കി തേജസ്വിയുടെ പുതിയ നീക്കം
പാറ്റ്ന: ബിഹാറില് എന്ഡിഎ സഖ്യ കക്ഷികളായ ബിജെപിയേയും നിതീഷ് കുമാറിന്റെ ജെഡിയുവിനേയും പ്രതിസന്ധിയിലാക്കി ആര്ജെഡി നേതാവ് തേജസ്വി യാദവിന്റെ പുതിയ നീക്കം. സംസ്ഥാനത്തെ വലിയൊരു വിഭാഗം ഏറെ നാളായി ആവശ്യപ്പെട്ടുകൊണ്ടിരിക്കുന്ന പിന്നോക്ക സമുദായ സെന്സസിനായി പ്രക്ഷോഭം ആരംഭിക്കാനാണ് തേജസ്വി തീരുമാനിച്ചിരിക്കുന്നത്. 2021 സെന്സസില് പിന്നാക്ക സമുദായ വിവര ശേഖരണമുണ്ടാവില്ലെന്ന് കേന്ദ്ര ആഭ്യന്തര സഹമന്ത്രി നിത്യാനന്ദ റായി ലോക്സഭയെ അറിയിച്ചിരുന്നു.
ഇതിന് പിന്നാലെയാണ് പിന്നാക്ക സമുദായങ്ങളുടെ വിവര ശേഖരണം ആവശ്യപ്പെട്ട് സംസ്ഥാനത്ത് ഉടനീളം പ്രക്ഷോഭം ആരംഭിക്കുമെന്ന് ആര്ജെഡി അധ്യക്ഷന് കൂടിയായ തേജസ്വി യാദവ് വ്യക്തമാക്കിയിരിക്കുന്നത്. നേരത്തെ ബിഹാര് നിയമസഭയില് പിന്നാക്ക സമുദ്യ സെന്സസിനായി പ്രമേയ പാസാക്കിയിരുന്നു. ആര്ജെഡി, ജെഡിയു, ബിജെപി കക്ഷികള് എല്ലാം അന്ന് പ്രമേയത്തെ പിന്തുണയ്ക്കുകയും ചെയ്തു.
സംസ്ഥാനത്തെ പിന്നാക്ക ജനവിഭാഗത്തെ ബിജെപി ചതിച്ചുവെന്നും അതിന് ജെഡിയു കൂട്ടുനില്ക്കുന്നുവെന്നുമാണ് ആര്ജെഡി ആരോപിക്കുന്നത്. കേന്ദ്ര സര്ക്കാറിന്റെ നിലപാട് വഞ്ചനാപരമാണ്. മൃഗങ്ങളുടെ സെന്സസില് നായയുടേയും പൂച്ചയുടെയും ആനയുടെയും കുതിരയുടെയും കണക്കെടുക്കാമെങ്കിൽ പിന്നാക്ക ജാതി സെന്സസിനെ മാത്രം എന്തിന് അവഗണിക്കുന്നുവെന്നും അദ്ദേഹം ചോദിച്ചു.
Recommended Video
പ്രായം ചോര്ത്താത്ത സൗന്ദര്യം : ബിക്കിനിയില് തിളങ്ങി പറങ്കിമലയിലെ നടി: വൈറലായി ചിത്രങ്ങള്