മുഖ്യമന്ത്രി കസേര തെറിക്കല് ഉറച്ചു; സൂചന നല്കി യദ്യൂരപ്പയും, 26 ന് ശേഷം എന്ത് സംഭവിക്കും
ബെംഗളൂരു: ഒരാഴ്ചയ്ക്കുള്ളില് കര്ണാടക മുഖ്യമന്ത്രി സ്ഥാനത്ത് നിന്നും താന് രാജിവെച്ചേക്കുമെന്ന സൂചന നല് ബിഎസ് യദ്യൂരപ്പ. ജുലൈ 26 ന് ശേഷം പാര്ട്ടി ദേശീയ നേതൃത്വം എന്ത് തീരുമാനിക്കുന്നോ അത് അനുസരിക്കാന് താന് ബാധ്യസ്ഥനാണെന്നാണ് യദ്യൂരപ്പ വ്യക്തമാക്കുന്നത്.
"നമ്മുടെ ഗവൺമെന്റ് രണ്ടുവർഷം പൂർത്തിയാകുന്ന ജൂലൈ 26 ന് ഒരു പരിപാടി ഉണ്ട്. ഇതിനുശേഷം ബിജെപി പ്രസിഡന്റ് ജെ പി നദ്ദ തീരുമാനിക്കുന്നതെന്തും ഞാൻ അനുസരിക്കും," യദ്യൂരപ്പ പറഞ്ഞു.
മുഖ്യമന്ത്രി സ്ഥാനത്തേക്ക് മറ്റൊരാളെ തിരഞ്ഞെടുക്കാന് പാര്ട്ടി തയ്യാറായാല് രാജിവെക്കുമെന്ന് രണ്ട് മാസം മുമ്പ് തന്നെ താന് പറഞ്ഞിരുന്നു. അധികാരത്തിലാണെങ്കിലും അല്ലെങ്കിലും ബിജെപിക്ക് വേണ്ടി പ്രവര്ത്തിക്കുക എന്നത് എന്റെ കടമയാണ്. പാർട്ടി പ്രവർത്തകരും തന്നെ അനുകൂലിക്കുന്ന സമാദായിക നേതാക്കളും ഇതിനെ ഉള്ക്കൊള്ളണമെന്നും അദ്ദേഹം കൂട്ടിച്ചേര്ത്തു.
എന്നാല് തന്നോട് രാജിവെക്കാന് ബിജെപി നേതൃത്വം ഇതുവരെ ആവശ്യപ്പെട്ടിട്ടില്ലെന്നും അദ്ദേഹം പറഞ്ഞു. നിർദ്ദേശങ്ങൾ വരുമ്പോൾ ഞാൻ രാജിവച്ച് പാർട്ടിക്ക് വേണ്ടി പ്രവർത്തിക്കും. പാർട്ടി നേതൃത്വം തന്നോട് ഒന്നും പറഞ്ഞിട്ടില്ലെ. 25 ന് എന്താണ് സംഭവിക്കുന്നതെന്ന് നമുക്ക് നോക്കമെന്നും ബിഎസ് യദ്യൂരപ്പ പറഞ്ഞു.
"നിങ്ങൾ പറയുന്നിടത്തോളം കാലം ഞാൻ മുഖ്യമന്ത്രിയാകും. നിങ്ങൾ വേണ്ട എന്ന് പറയുമ്പോൾ - ഞാൻ സംസ്ഥാനത്തിനായി പ്രവർത്തിക്കും. ജനക്ഷേമ പ്രവര്ത്തനങ്ങളുമായിട്ടാണ് ഞാന് ഇപ്പോള് മുന്നോട്ട് പോവുന്നത് അവസാന നിമിഷം വരെ മുഖ്യമന്ത്രി എന്ന നിലയിലും അതിന് ശേഷവും ഞാൻ എന്റെ കടമ നിർവഹിക്കും," -അദ്ദേഹം പറഞ്ഞു.
കര്ണാടകയിലെ ബിജെപിയില് നിന്നുള്ള ആദ്യ മുഖ്യമന്ത്രിയാണ് ബിഎസ് യദ്യൂരപ്പ. പാര്ട്ടിയിലെ ഉള്പ്പാര്ട്ടി നീക്കങ്ങളുടെ ഭാഗമായി ബിഎസ് യദ്യൂരപ്പയെ മുഖ്യമന്ത്രി സ്ഥാനത്ത് നിന്നും നീക്കാന് ദേശീയ നേതൃത്വം ഒരുങ്ങുന്നതായുള്ള റിപ്പോര്ട്ടുകള് നേരത്തെ പുറത്ത് വന്നിരുന്നു. എന്നാല് ഇതു സംബന്ധിച്ച ഔദ്യോഗിക പ്രതികരണം നടത്താന് പാര്ട്ടിയുമായി ബന്ധപ്പെട്ട ആരും തയ്യാറായിട്ടില്ല.
ഒരേ സമയം രണ്ട് പ്രണയം, രണ്ട് പ്രമുഖ നടിമാര്, അക്ഷയ് കുമാര് തന്നെ ചതിച്ചു, ശില്പ ഷെട്ടി പറഞ്ഞത്
കഴിഞ്ഞ വെള്ളിയാഴ്ച പ്രധാനമന്ത്രി നരേന്ദ്ര മോദിയുമായും മറ്റ് ബിജെപി നേതൃത്വത്തിലുള്ളവരുമായും ദില്ലിയിലെത്തി യദ്യൂരപ്പ കൂടിക്കാഴ്ച നടത്തിയിരുന്നു. മുഖ്യമന്ത്രി സ്ഥാനത്ത് നിന്നും രാജിവെക്കാന് തയ്യാറാണ്. എന്നാല് തന്റെ മക്കള്ക്ക് കേന്ദ്ര മന്ത്രി പദവി വേണമെന്ന ഉപാധി യദ്യൂരപ്പ മുന്നോട്ട് വെച്ചതായുമുള്ള റിപ്പോര്ട്ടുകള് പുറത്ത് വന്നിരുന്നു.
ഇതിന് ശേഷം ഏത് സമയവും യദ്യൂരപ്പ രാജിവെച്ചേക്കുമെന്ന സൂചനയുണ്ടായിരുന്നു. എന്നാല് യദ്യൂരപ്പയും അദ്ദേഹത്തിന്റെ അനുയായികളും ഇപ്പോഴും പറയുന്നത് ദേശീയ നേതൃത്വം രാജി ആവശ്യപ്പെട്ടിട്ടില്ലെന്നാണ്. ദില്ലിയില് നിന്ന് തിരിച്ചെത്തിയ യദ്യൂരപ്പ പാര്ട്ടി അനുകൂലികളും അല്ലാത്തവരുമായി നിരന്തരം ചര്ച്ചകള് നടത്തുകയും ചെയ്തു.
യദ്യൂരപ്പയുടെ മാറ്റുന്നതില് ലിംഗായത്ത് സമുദായത്തില് നിന്നുള്ളവര്ക്ക് അതൃപ്തിയുള്ളതായി റിപ്പോര്ട്ടുകളുണ്ട്. ലിംഗായത്ത് സമുദായത്തില് നിന്നുള്ള പ്രമുഖ നേതാവാണ് ബിഎസ് യദ്യൂരപ്പ. മുഖ്യമന്ത്രി സ്ഥാനത്ത് നിന്നും യദ്യൂരപ്പയെ മാറ്റുന്നത് സംബന്ധിച്ച് ലിംഗായത്തുകള്ക്കിടയില് രൂപപ്പെട്ട അതൃപ്തി മുതലെടുക്കാന് കോണ്ഗ്രസും ശ്രമം തുടങ്ങിയിട്ടുണ്ട്.
Recommended Video