വിമാന ഇന്ധനെ വിലയെ പിന്നിലാക്കി പുതിയ റെക്കോഡിട്ട് പെട്രോളും ഡീസലും; 30 ശതമാനം അധികവില

ദില്ലി; പെട്രോൾ, ഡീസൽ വില മറ്റൊരു റെക്കോഡിലേക്ക്. ഞായറാഴ്ച ഇന്ധന വില വീണ്ടും ഉയർന്നതോടെ വിമാനത്തിൽ ഉപയോഗിക്കുന്ന ഏവിയേഷന്‍ ടര്‍ബൈന്‍ ഇന്ധന (എടിഎഫ്) വിലയെ ബഹുദൂരം പിന്നിലാക്കിയിരിക്കുകയാണ് പെട്രോളും ഡീസലും. എ ടി എഫ് ഇന്ധന വിലയേക്കാൾ 30 ശതമാനം അധിക വിലയാണ് ഇപ്പോൾ പെട്രോളിനും ഡീസലിനും നൽകേണ്ടി വരിക.

ഞായറാഴ്ച പെട്രോൾ ലിറ്ററിന് 34 പൈസയും ഡീസൽ 35 പൈസയുമായിരുന്നു ഉയർന്നത്. തുടർച്ചയായി നാലാം ദിവസമാണ് ഈ വർധന രേഖപ്പെടുത്തുന്നത്. ദില്ലിയിൽ ഇതോടെ പെട്രോൾ വില 105.84 രൂപയായും മുംബൈയിൽ 111.77 രൂപയായും ഉയർന്നു.മുംബൈയിൽ ഡീസലിന് ഇപ്പോൾ ലിറ്ററിന് 102.52 രൂപയും ഡൽഹിയിൽ 94.57 രൂപയാണ് വില. വിമാനങ്ങളില്‍ ഉപയോഗിക്കുന്ന ഏവിയേഷന്‍ ടര്‍ബൈന്‍ ഇന്ധനത്തിന് (എടിഎഫ്) 79 രൂപയാണ് ലിറ്ററിന് വില.

അതേസമയം ഞായറാഴ്ചത്തെ വർധനയോടെ എല്ലാ സംസ്ഥാന തലസ്ഥാനങ്ങളിലും പെട്രോൾ ഇപ്പോൾ ലിറ്ററിന് 100 രൂപയോ അതിൽ കൂടുതലോ ആയിട്ടുണ്ട്..കേരളം, കർണാടക, മധ്യപ്രദേശ്, രാജസ്ഥാൻ, ഒഡിഷ, ആന്ധ്രാപ്രദേശ്, തെലങ്കാന, ഗുജറാത്ത്, മഹാരാഷ്ട്ര, ചത്തീസ്ഗഢ്, ബിഹാർസംസ്ഥാനങ്ങളിൽ ഡീസൽ വിലയായകട്ടെ 100-ൽ എത്തി നിൽക്കുകയാണ്. ബെംഗളൂരു, ദാമൻ, സിൽവാസ എന്നിവിടങ്ങളിൽ ഡീസൽ ലിറ്ററിന് 100 രൂപ കടക്കുകയും ചെയ്തു.

രാജ്യത്തിന് ഏറ്റവും ഉയർന്ന ഇന്ധന വില ഉളളത് രാജസ്ഥാനിലെ ഗംഗാനഗറിലാണ്. ഇവിടെ 117 രൂപയാണ് പെട്രോളിന് വില. ഡീസലിന് 106 രൂപയും. സെപ്റ്റംബര്‍ മുതല്‍ പെട്രോളിന് 16 തവണയും ഡീസലിന് 19 തവണയുമാണ് വില ഉയർന്നത്. പ്രാദേശിക നികുതികൾ അനുസരിച്ചാണ് ഓരോ സംസ്ഥാനങ്ങളിലേയും വില വ്യത്യാസപ്പെടുന്നത്.

അടിപൊളി ലുക്കില്‍ തിളങ്ങി നിരഞ്ജന; എന്തൊരു ക്യൂട്ടാണെന്ന് ആരാധകര്‍, വൈറല്‍ ചിത്രങ്ങള്‍ കാണാം

അതേസമയം തിങ്കളാഴ്ച പെട്രോളിന്റെയും ഡീസലിന്റെയും വില മാറ്റമില്ലാതെ തുടരുകയാണ്. ദില്ലിയിൽ ഇന്ന് പെട്രോളിന് 105.84 രൂപയും ഡീസലിന് 94.57 രൂപയുമാണ്.മുംബൈയിൽ ഒരു ലിറ്റർ പെട്രോളിന് 111.77 രൂപയും ഡീസലിന് ലിറ്ററിന് 102.52 രൂപയുമാണ്.ചെന്നൈയിൽ പെട്രോൾ വില ലിറ്ററിന് 103 രൂപയ്ക്ക് മുകളിലാണ്.ഒരു ലിറ്റർ ഡീസലിന്റെ വില ലിറ്ററിന് 98.92 രൂപയാണ്. നാല് മെട്രോ നഗരങ്ങളിൽ മുംബൈയിലാണ് ഇന്ധന വില ഏറ്റവും ഉയർന്ന നിലയിൽ. ൽക്കത്തയിൽ പെട്രോളിന് 106.43 രൂപയും ഡീസലിന് 97.68 രൂപയുമാണ്.ഭോപ്പാലിൽ പെട്രോളിന് 114.45 രൂപയും ഡീസലിന് ലിറ്ററിന് 103.78 രൂപയുമാണ്.

Recommended Video