Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
രാഹുല്‍ ഗാന്ധിക്ക് പിന്നാലെ മോദിയും തിരിച്ചെത്തി
ദില്ലി: കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി രാജ്യത്ത് തിരിച്ചെത്തിയതിന് പിന്നാലെ പ്രധാനമന്ത്രി നരേന്ദ്ര മോദിയും നാട്ടിലെത്തി. 56 ദിവസത്തെ അജ്ഞാത വാസത്തിന് ശേഷമാണ് രാഹുല്‍ തിരിച്ചുവന്നതെങ്കില്‍ മൂന്ന് രാജ്യങ്ങളിലെ പര്യടനം കഴിഞ്ഞാണ് മോദി വരുന്നത്. രാവിലെ എട്ടരയ്ക്ക് എയര്‍ ഇന്ത്യ വിമാനത്തിലാണ് പ്രധാനമന്ത്രി ദില്ലിയില്‍ ഇറങ്ങിയത്.
ഒന്‍പത് ദിവസത്തെ വിദേശ പര്യടനത്തില്‍ ഫ്രാന്‍സ്, ജര്‍മനി, കാനഡ എന്നീ രാജ്യങ്ങളാണ് മോദി സന്ദര്‍ശിച്ചത്. കാനഡയുമായുള്ള യുറേനിയം കരാറും ഫ്രാന്‍സുമായുള്ള റഫേല്‍ വിമാന ഇടപാടുമാണ് മോദിയുടെ ഈ പര്യടനത്തിലെ സുപ്രധാനമായ നേട്ടങ്ങള്‍. ഫ്രാന്‍സ് പ്രസിഡന്റ് ഫ്രാന്‍സ്വാ ഒലാദ്, ജര്‍മനിയുടെ ചാന്‍സലര്‍ ആഞ്ജല മെര്‍ക്കല്‍, കാനഡ പ്രധാനമന്ത്രി സ്റ്റീഫന്‍ ഹാര്‍പര്‍ തുടങ്ങിയ നേതാക്കളുമായി മോദി കൂടിക്കാഴ്ച നടത്തി.
കാനഡയിലെ ഒട്ടാവ, ടൊറന്റോ, വാന്‍കൂവര്‍ എന്നീ നഗരങ്ങള്‍ സന്ദര്‍ശിച്ച ശേഷം വാന്‍കൂവറില്‍ നിന്നാണ് മോദി ഇന്ത്യയിലേക്ക് മടങ്ങിയത്. വാന്‍കൂവറിലെ മോദി ഖല്‍സ ദിവാന്‍ ഗുരുദ്വാരയിലും ലക്ഷ്മി നാരായണ്‍ ക്ഷേത്രത്തിലും മോദി സന്ദര്‍ശനം നടത്തിയിരുന്നു. കാനഡ പ്രധാനമന്ത്രി സ്റ്റീഫന്‍ ഹാര്‍പര്‍ക്ക് ഇന്ത്യന്‍ പ്രധാനമന്ത്രി പ്രത്യേകം നന്ദി പറഞ്ഞു.
ദില്ലി വിമാനത്താവളത്തിലെത്തിയ നരേന്ദ്ര മോദിയെ ദില്ലി ബി ജെ പി അധ്യക്ഷന്‍ സതീഷ് ഉപാധ്യായ, പാര്‍ട്ടി എം എല്‍ എമാര്‍, മറ്റ് മുതിര്‍ന്ന നേതാക്കള്‍ തുടങ്ങിയവര്‍ ചേര്‍ന്ന് സ്വീകരിച്ചു.
