Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സബര്‍മതി സ്‌ഫോടനം; 16 വര്‍ഷം വിചാരണ കൂടാതെ ജയിലില്‍; കാശ്മീരിയെ കുറ്റവിമുക്തനാക്കി
ദില്ലി: സബര്‍മതി എക്‌സ്പ്രസ് സ്‌ഫോടനക്കേസുമായി ബന്ധപ്പെട്ട് പ്രതിചേര്‍ക്കപ്പെട്ടിരുന്ന കാശ്മീര്‍ സ്വദേശിയെ 16 വര്‍ഷങ്ങള്‍ക്കുശേഷം കുറ്റവിമുക്തനാക്കി. അലിഗഡ് മുസ്ലീം യൂണിവേഴ്‌സിറ്റിലെ റിസര്‍ച്ച് സ്‌കോളറായിരുന്ന ഗുല്‍സാര്‍ അഹമ്മദ് വാണിയെയാണ് ഉത്തര്‍ പ്രദേശിലെ ബാരാബങ്കി കോടതി കുറ്റവിമുക്തനാക്കിയത്.
വാണിയെയും ഒപ്പം പ്രതി ചേര്‍ക്കപ്പെട്ടവരെയും ജഡ്ജി എം എ ഖാന്‍ കുറ്റവിമുക്തനാക്കിയതായി വാണിയുടെ അഭിഭാഷനകന്‍ പ്രഭാത് സിങ് പറഞ്ഞു. 2000 ഓഗസ്ത് 14 നടന്ന സ്‌ഫോടനത്തില്‍ ഒട്ടേറെ പേര്‍ക്ക് പരിക്കേറ്റിരുന്നു. 2001 ജൂലൈ 31നാണ് വാണിയെ ദില്ലിയില്‍വെച്ച് അറസ്റ്റ് ചെയ്ത് പ്രതി ചേര്‍ക്കുന്നത്. അന്ന് 28 വയസുകാരനായിരുന്ന വാണി യൂണിവേഴ്‌സിറ്റില്‍ റിസര്‍ച്ച് നടത്തുകയായിരുന്നു.
കഴിഞ്ഞ 16 വര്‍ഷവും തടവില്‍ പാര്‍പ്പിച്ചശേഷമാണ് വാണിയെ കുറ്റവിമുക്തനാക്കുന്നത്. വിധി വന്നതോടെ വാണി സ്വതന്ത്രനാക്കപ്പെട്ടു. കഴിഞ്ഞ പതിനാറു വര്‍ഷവും വാണിക്ക് ജാമ്യം അനുവദിക്കാത്തതിനെ സുപ്രീംകോടതി നേരത്തെ വിമര്‍ശിച്ചിരുന്നു. വിവിധ സംസ്ഥാനങ്ങളിലായി പതിനാലോളം എഫ്‌ഐആറുകളിലായാണ് വാണിയെ പ്രതി ചേര്‍ത്തിരുന്നത്.
വിചാരണ പൂര്‍ത്തിയായില്ലെങ്കില്‍ നവംബറില്‍ വാണിയെ സ്വതന്ത്രനാക്കാന്‍ സുപ്രീംകോടതി നേരത്തെ നിര്‍ദ്ദേശിച്ചിരുന്നു. വിചാരണ കൂടാത തടവുകാരനാക്കിയ വാണിക്ക് തന്റെ ജീവിതത്തിന്റെ 16 വര്‍ഷമാണ് നഷ്ടപ്പെട്ടത്.
