തമിഴിലെ താരപ്പോര്, വിശാലിനെതിരെ ശരത് കുമാര് മാനനഷ്ട കേസ് നല്കി
ചെന്നൈ: തമിഴ് നാട്ടില് താരസംഘടനയിലെ പോര് മുറുകുന്നു. നടന് വിശാലിനെതിരെ ശരത് കുമാര് കേസ് കൊടുത്തു. ശരത് കുമാറിനെതിരെ തെറ്റായ ആരോപണങ്ങള് പ്രചരിപ്പിച്ചതിനാണ് വിശാലിനെതിരെ ശരത് കുമാര് കേസ് കൊടുത്തത്.
ശരത് കുമാറിനെതിരെ കള്ളക്കഥ പ്രചരിപ്പിയ്ക്കുന്ന വിശാല് പൊതുമാപ്പ് പറയണമെന്നും ഇല്ലെങ്കില് കേസ് കൊടുക്കുമെന്ന് അദ്ദേഹത്തിന്റെ ഭാര്യയും നടിയുമായ രാധിക പറഞ്ഞിരുന്നു. വിശാലിനെതിരെ മാനനഷ്ടക്കേസാണ് ശരത് കുമാര് കൊടുത്തിരിയ്ക്കുന്നത്.
നടികര് സംഘം തിരഞ്ഞെടുപ്പുമായി ബന്ധപ്പെട്ട് ഇരു വിഭാഗവും തമ്മില് വാഗ്വാദങ്ങള് നടക്കുന്നതിനിടെയാണ് കേസ്. നടികര് സംഘത്തില് നിന്നും വേര്പെട്ട് വിശാലിന്റെ നേതൃത്വത്തില് പാണ്ഡവര് അണി എന്ന പുതിയ സംഘടനയാണ് ശരത് കുമാറിനെതിരെ മത്സരിയ്ക്കുന്നത്. വിശാല്, കാര്ത്തി. നാസര്, പൊന്വണ്ണന് എന്നിവരാണ് ഈ സംഘടനയില് ഉള്ളത്. ഒക്ടോബര് 18നാണ് തിരഞ്ഞെടുപ്പ്.