കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ശശികല ജയിലിന് സമീപമുള്ള എംഎല്‍എയുടെ വീട്ടിലെത്തി; ഞെട്ടിക്കുന്ന വെളിപ്പെടുത്തല്‍

  • By Anwar Sadath
Google Oneindia Malayalam News

ബെംഗളുരു: അനധികൃത സ്വത്ത് സമ്പാദനക്കേസില്‍ പരപ്പന അഗ്രഹാര ജയിലില്‍ കഴിയുന്ന എഐഎഡിഎംകെ നേതാവ് വികെ ശശികല ജയിലിനടുത്തുള്ള എംഎല്‍എയുടെ വീട് സന്ദര്‍ശിച്ചതായി ഡിജിപി ഡി രൂപ. ജയിലില്‍ നിന്നും ഇക്കാര്യത്തില്‍ വ്യക്തമായ വിവരം ലഭിച്ചിരുന്നതായി രൂപ റിപ്പോര്‍ട്ട് ചെയ്തിരുന്നതായാണ് സൂചന.

കനത്ത സുരക്ഷയെ മറികടന്ന് ജയിലില്‍ ശശികലയ്ക്ക് എല്ലാവിധ സൗകര്യവും ഒരുക്കിയിരുന്നതായി നേരത്തെ രൂപ റിപ്പോര്‍ട്ട് നല്‍കിയിരുന്നു. ഇതേതുടര്‍ന്ന് രൂപയ്‌ക്കെതിരെ നടപടിയെടുക്കുകയായിരുന്നു. പിന്നീട് ശശികല ജയിലില്‍ സ്വതന്ത്രമായി വിഹരിക്കുന്ന ദൃശ്യങ്ങള്‍ പുറത്തുവരികയും ചെയ്തു. ഇതിന് പിന്നാലെയാണ് ശശികല ജയിലിന് പുറത്തെത്തിയതായും വെളിപ്പെടുത്തലുണ്ടായത്.

 sasikala

ശശികല ജയിലില്‍ നിന്നും ഇടയ്ക്കിടെ എംഎല്‍എയുടെ വീട്ടിലെത്തുന്നതായി വ്യക്തമായ വിവരം ലഭിച്ചിട്ടുണ്ട്. ജയിലിലെ കവാടത്തില്‍ സ്ഥാപിച്ചിരിക്കുന്ന സിസിടിവി പരിശോധിച്ചാല്‍ ഇക്കാര്യത്തില്‍ തെളിവു ലഭിച്ചേക്കുമെന്നും രൂപ ആന്റി കറപ്ഷന്‍ ബ്യൂറോയ്ക്ക് നല്‍കിയ മൊഴിയില്‍ പറയുന്നുണ്ട്. സംസ്ഥാന സര്‍ക്കാരാണ് ഇതുസംബന്ധിച്ച അന്വേഷണത്തിന് ഉത്തരവിട്ടത്.

ഒരു വീഡിയോയില്‍ ശശികല നൈറ്റി അണിഞ്ഞാണ് കാണുന്നത്. മറ്റൊരു വീഡിയോയില്‍ ചുരിദാര്‍ ധരിച്ചിട്ടുണ്ട്. വേറൊരു വീഡിയോയില്‍ ജയിലിലേക്ക് പുറത്തുനിന്നും പ്രവേശിക്കുന്നതാണ്. ഇതില്‍ ശശികല കൈയ്യില്‍ ബാഗും എടുത്തിട്ടുണ്ട്. ഷോപ്പിങ്ങിനോ മറ്റോ പുറത്തുപോയി വരുന്ന രീതിയിലാണിത്. ശശികലയ്ക്ക് ജയിലില്‍ എല്ലാവിധ സൗകര്യങ്ങളും ലഭിക്കുന്നുണ്ടെന്ന് ഇതില്‍ വ്യക്തമായിട്ടുണ്ടെന്നും രൂപ പറഞ്ഞു.

English summary
Sasikala visited MLA’s house near jail, says police official in ACB report
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X