മുതിര്ന്ന കോണ്ഗ്രസ് നേതാവും മുന് കേന്ദ്രമന്ത്രിയും ആയ മുരളി ദിയോറ അന്തരിച്ചു
മുംബൈ: മുതിര്ന്ന കോണ്ഗ്രസ് നേതാവും മുന് കേന്ദ്ര മന്ത്രിയും ആയ മുരളി ദിയോറ അന്തരിച്ചു. ദീര്ഘനാളായി ചികിത്സയിലായിരുന്നു. 77-ാം വസ്സിലാണ് ദിയോറയുടെ അന്ത്യം.
നവംബര് 24 ന് പുലര്ച്ചെ 3.25 ന് മുംബൈയിലെ സ്വകാര്യ ആശുപത്രിയില് വച്ചായിരുന്നു മരണം. മുന് എംപി മിലിന്ദ് ജിയോറ മകനാണ്. ശവ സംസ്കാരം വൈകീട്ട് മുംബൈയിലെ ചന്ദന്വാഡിയില് നടക്കും.
മുംബൈയില് നിന്ന് നാല് തവണ പാര്ലമെന്റിലെത്തിയിട്ടുണ്ട് മുരളി ദിയോറ. രണ്ട് തവണ കേന്ദ്ര മന്ത്രിയുമായിരുന്നു. ആദ്യ യുപിഎ സര്ക്കാരില് 2006 ലാണ് മുരളി ദിയോറ കേന്ദ്ര മന്ത്രിയാകുന്നത്. രണ്ടാം യുപിഎ മന്ത്രിസഭയിലും അദ്ദേഹം അംഗമായിരുന്നു. പെട്രോളിയം, കമ്പനികാര്യം എന്നീ വകുപ്പുകളാണ് അദ്ദഹം കൈകാര്യം ചെയ്തിരുന്നത്.
സാമ്പത്തിക ശാസ്ത്രത്തില് ബിരുദം നേടിയ ദിയോറ 1977 മുതല് 78 വരെ മുംബൈ മേയര് ആയിരുന്നു. മുംബൈ സൗത്ത് മണ്ഡലത്തില് നിന്നാണ് അദ്ദേഹം ലോക്സഭയിലേക്ക് മത്സരിച്ചത്. പിന്നീട് മകന് മിലിന്ദ് ദിയോറയും ഈ മണ്ഡലത്തില് നിന്ന് ജയിച്ചു.
22 വര്ഷം മുംബൈ കോണ്ഗ്രസ് പ്രസിഡന്റ് ആയിരുന്നു മുരളി ദിയോറ. ഇന്ദിര ഗാന്ധിയുടെ കാലത്തായിരുന്നു ഈ നിയമനം. പീന്നീട് പുതിയ ആളുകള് വരട്ടെ എന്ന് പറഞ്ഞ് ദിയോറ തന്നെ പ്രസിഡന്റ് സ്ഥ്നം ഒഴിയുകയായിരുന്നു. മഹാരാഷ്ട്രയില് കോണ്ഗ്രസിന്റെ കരുത്തനായ നേതാവായിരുന്നു ദിയോറ.